Read William Morgan Bible 1588 original edition Ioel 1 Bible Online

Ioel 1 - William Morgan Bible 1588 original edition bible

Ioel 1

¹Duw yn bygwth ar y bobl amryw ddialeddau, ac yn eu hannog i edifeirwch. Gair yr Arglwydd yr hwn a ddaeth at Ioel fab Pethuel.

²Gwrandewch hyn chwi henuriaid, a rhoddwch glust holl drigiolion y wiâd: a fu y fâth beth yn eich dyddiau? neu yn nyddiau eich tadau?

³Mynegwch hyn i’ch plant, a’ch plant iw plant hwythau, ai plant hwythau i’r genhedlaeth nesaf.

⁴Gweddill y lindis a fwyttaodd y ceiliog rhedyn, a gweddill y ceiliog rhedyn a ddifaodd pryf y rhwd, a gweddill pryf y rhwd a yssodd y Locust.

⁵Deffroiwch fedd-wŷr, ac ŵylwch, ac vdwch holl yf-wŷr gwîn am y gwin newydd: canys torrwyd ef oddi wrth eich mîn chwi.

⁶O herwydd cenhedlaeth gref anifeiriol a ddaeth i fynu ar fy nhîr, dannedd llew [yw] ei dannedd, a chil ddannedd hen lew [sydd] iddi.

⁷Gosododd fyng-winwydden yn ddifrod, a’m ffigus-bren yn ddiriscledd, gan ddinoethi dinoethodd hi, a thaflodd ymmaith, ei changau a wynnasant.

⁸Uda fel gweryf wedi ymwregysu [mewn] sach-liain am briod ei hieuengtid.

⁹Torrwyd oddi wrth dŷ’r Arglwydd offrwm bwyd, ac offrwm diod: y mae’r offeiriaid [sef] gwenidogion yr Arglwydd yn galaru.

¹⁰Difrodwyd y maes, y ddaiar a alara am wneuthur difrawd ar yr ŷd, sychodd y gwîn newydd, llescaodd yr olew.

¹¹Cywilyddiwch y llafur-wŷr, vdwch y gwin-wŷr am y gwenith, ac am yr haidd: canys darfu am gynhaiaf y maes.

¹²Gwywodd y win-wŷdden, llescaodd y ffigus-bren, pren y pomgranat, y balm-wydden, a’r afallen, [a] holl brennau y maes a wywâsant am wywo llawenydd oddi wrth feibion dynion.

¹³Ymwregyswch a griddfenwch chwi offeiriaid, vdwch wenidogion yr allor, deuwch wenidogion fy Nuw dros nôs mewn sach-liain, am yr attelir oddi wrth dy eich Duw offrwm bwyd, ac offrwm diod.

¹⁴Gosodwch ympryd, gelwch gynnulleidfa, cesclwch yr henuriaid [a] holl drigolion y wlad [i] dŷ’r Arglwydd eich Duw, a gwaeddwch ar yr Arglwydd.

¹⁵Och rhag heddyw, canys dydd yr Arglwydd sydd yn nesaû, ac a ddaw fel difrod oddiwrth yr Holl-alluawg.

¹⁶Oni thorwyd yng-ŵydd ein llygaid ni oddi wrth tŷ ein Duw y bwyd, y llawenydd, a’r digrifwch?

¹⁷Pydrodd yr hadau dann eu priddellau, yr yscuboriau a anrhaithiwyd, yr yd-lannau a fwriwyd i lawr, am wywo’r ŷd.

¹⁸Oh o’r griddfan y mae’r anifeiliaid, y mae yn gyfing ar y minteioedd gwarthec, am nad [oes] borfa iddynt, y bagadau defaid hefyd a anrhaithiwyd.

¹⁹Arnat ti Arglwydd y galwaf, am i’r tân ddifa porfeudd yr anialwch, a’r fflam a oddeithiodd holl brennau y maes.

²⁰Anifeiliaid y maes hefyd sydd yn brefu arnat, am sychu o’r ffrydau dwfr, a’r tân a yssodd borfeudd yr anialwch.