Read William Morgan Bible 1588 original edition Ioel 3 Bible Online

Ioel 3 - William Morgan Bible 1588 original edition bible

Ioel 3

¹Barn Duw ar elynnion ei bobl. Canys wele yn y dyddiau hynny, ac yn yr amser hwnnw, pan ddatroaf gaethiwed Iuda, ac Ierusalem,

²Casclaf hefyd yr holl genhedloedd, a dygaf hwynt i wared i’r glynn Iehosaphat, a dadleuaf â hwynt yno dros fy mhobl a’m hetifeddiaeth Israel, y rhai a wascarasant hwy ym mysc y cenhedloedd, a rhannasant fy-nhîr.

³Ac ar fy mhobl y bwriasant goel-brennau, a rhoddasant y bachgen er puttain, a gwerthasant y fachgennes er gwîn, ac yfâsant.

⁴Tyrus hefyd, a Sidon, a holl ardaloedd Palestina beth a [wnewch] chwi i mi? a delwch i mi y pwyth? ac os telwch i mi, buan iawn y dychwelaf eich tâl ar eich pen eich hunain.

⁵Canys cymmerasoch fy arian a’m haur, a dugasoch i’ch temlau fy nhlyssau goref.

⁶Gwerthasoch hefyd feibion Iuda, a meibion Ierusalem i’r Groegiaid: er eu pellhau oddi wrth eu hardaloedd eu hunain.

⁷Wele mi ai codaf hwynt o’r lle y gwerthasoch hwynt iddo: ac a ddatroaf eich tâl ar eich pen eich hunain.

⁸A minne a werthaf eich meibion, a’ch merched i law meibion Iuda, a hwythau ai gwerthant i’r Sabeaid i genhedlaeth bell: canys yr Arglwydd a lefarodd [hyn.]

⁹Cyhoeddwch hyn ym mysc y cenhedloedd, gosodwch ryfel, deffroiwch y gwŷr cryfion, nesaed y gwŷr o ryfel, a deuant i fynu.

¹⁰Gyrrwch eich ceibiau yn gleddyfau, a’ch pladuriau yn waiw-ffyn: a dyweded y llesc, cadarn ydwyfi.

¹¹Ymgesclwch y cenhedloedd, a deuwch o amgylch ogylch, ac ymgynhullwch: yno y descyn yr Arglwydd dy gedyrn di.

¹²Coded y cenhedloedd a deuant i fynu i’r glynn Iehosaphat: o herwydd mai yno’r eisteddaf i farnu’r holl genhedloedd o amgylch.

¹³Medwch canys addfedodd y cynhaiaf, deuwch i wared o herwydd y gwryf a lanwodd, a’r gwasc-gafnau a aethant trosodd, am amlhau eu drygioni hwynt.

¹⁴Gweryn lawer [a fydd] yng-lynn diwedd-brawd: canys agos yw dydd yr Arglwydd yng-lynn diwedd-brawd.

¹⁵Yr haul, a’r lloer a dywyllant, a’r sêr a gasclant eu llewyrch [attynt.]

¹⁶A’r Arglwydd a rua o Sion, ac a rydd ei lêf o Ierusalem, y nefoedd hefyd, ar ddaiar a grynant: onid yr Arglwydd [fydd] gobaith ei bobl, a chadernid meibion Israel.

¹⁷Felly y cewch ŵybod mai myfi [yw]’r Arglwydd eich Duw’n trigo yn Sion fy mynydd sanctaidd: yna y bydd Ierusalem sanctaidd, ac nid aiff dieithriaid trwyddi mwyach.

¹⁸A’r dydd hwnnw y bydd i’r mynyddoedd ddefnynnu melys-wîn, a’r brynnau a lifeiriant o laeth, a holl ffrydau Iuda a redant yn ddwfr, a ffynnon a ddaw allan o dŷ’r Arglwydd, ac a ddwfrha ddyffryn Sittim.

¹⁹Yr Aipht a fydd anghyfannedd, ac Edom fydd anialwch anghyfaneddol, am draha [ar] feibion Iuda, am iddynt dywallt gwaed gwirion yn eu tir hwynt.

²⁰Etto Iuda a drig byth, ac Ierusalem o genhedlaeth i genhedlaeth.

²¹Glanhâf hefyd waed y rhai ni’s glanheais, a’r Arglwydd sydd yn trigo yn Sion. Terfyn llyfr Ioel.