Read William Morgan Bible 1588 original edition Amos 1 Bible Online

Amos 1 - William Morgan Bible 1588 original edition bible

Amos 1

¹1 Hanes Amos, ei brophwydoliaeth yn erbyn Damascus, Azza, Edom, ac Ammon. Geiriau Amos (yr hwn oedd ymmysc bugeiliaid Thecoa) y rhai a welodd efe ar Israel yn nyddiau Osia brenin Iuda, ac yn nyddiau Ieroboam fab Ioas brenin Israel, ddwy flynedd o flaen y ddaiar-gryn.

²Ac efe a ddywedodd, yr Arglwydd a rua o Sion, ac a rydd ei lêf o Ierusalem, a chyfanneddau y bugeiliaid a alarant, a phen Carmel a wywa.

³Fel hyn y dywed yr Arglwydd, o herwydd tair [o] anwireddau Damascus, ac o herwydd pedair ni’s dychwelaf hyn yn ei ôl: am iddynt ddyrnu Gilead â ffustiau heirn.

⁴Am hynny anfonaf dân i dŷ Hazael, ac efe a ddifa balasau Benhadad.

⁵Drylliaf drossolion Damascus, diwreiddiaf y presswylwŷr o ddyffryn Afen, a’r hwn a gynhalio deyrn-wialen ty Edom: a phobl Syria a ânt yn gaeth i Cir, medd yr Arglwydd.

⁶Fel hyn y dywed yr Arglwydd, am dair [o] anwireddau Azza, ac am bedair ni throaf hyn yn ei ôl, am iddynt gaeth-gludo caethiwed gyflawn i Edom iw gwarche.

⁷Am hynny anfonaf dân ar fûr Azza: ac efe a ddifa ei phalasau hi.

⁸Ac mi a dorraf y presswyl-wr o Asdodia’r hwn a ddeil deyrn-wialen o Ascalon, a throaf fy llaw at Ecron, a derfydd am weddill y Philistiaid, medd yr Arglwydd Dduw.

⁹Fel hyn y dywed yr Arglwydd, am dair o anwireddau Tyrus, ac am bedair ni ddychwelaf hyn, o herwydd iddynt hwy warche cwbl gaethiwed yn Edom: ac na chofiasant y cyfammod brawdol:

¹⁰Am hynny anfonaf dân i fûr Tyrus, ac efe a ddifa ei phalasau hi.

¹¹Fel hyn y dywed yr Arglwydd, am dair o anwireddau Edom, ac am bedair ni ddychwelaf hyn, am iddo erlid ei frawd a’r cleddyf, a llygru ei drugaredd, ai yspeilio byth yn ei ddîg, a chadw ei lid yn wastad.

¹²Am hynny anfonaf dân i Theman, yr hwn a ddifa balasau Bozra.

¹³Fel hyn y dywed yr Arglwydd, am dair o anwireddau meibion Ammon, ac am bedair ni ddychwelaf hyn, am iddynt, hwy rwygo gwragedd beichiogion Gilead, er helaethu eu terfynau eu hun.

¹⁴Cynneuaf dân ar fûr Rabba, ac efe a ddifa ei phalasau, mewn gwaedd ddydd y rhyfel, ac mewn temhestl ddydd y cor-wynt.

¹⁵Ai brenin a aiff yn gaeth, efe ai bennaethiaid gyd ag ef: medd yr Arglwydd.