Read William Morgan Bible 1588 original edition Amos 3 Bible Online

Amos 3 - William Morgan Bible 1588 original edition bible

Amos 3

¹Dangos y mae efe aniolchgarwch ty Israel, ai rhybuddio o’r gosp a ydoedd yn dyfod am hynny. Gwrandewch y gair yr hwn a lefarodd yr Arglwydd i’ch erbyn chwi plant Israel: yn erbyn yr holl deulu a ddugym i i fynu o wlâd yr Aipht, gan ddywedyd:

²Chwi yn vnic a adnabum o holl deuluoedd y ddaiar: am hynny ymwelaf â chwi [am] eich holl anwireddau.

³A rodia dau yng-hyd heb iddynt gydtuno?

⁴A rua y llew yn y goedwic heb [fod] iddo ysclyfaeth? neu a leisia cenew llew oi wâl heb iddo ddal?

⁵A syrth yr aderyn yn y fagl [i] lawr heb fod adar-wr? a’ gyfyd efe y fagl oddi ar y ddaiar heb ddal dalfa?

⁶A genir vdcorn mewn dinas heb ddychrynu y bobl? a fydd niwed mewn dinas heb i’r Arglwydd ei wneuthur?

⁷Canys ni wnaiff yr Arglwydd ddim, a’r na’s dangoso ei ddirgelwch iw weision y prophwydi.

⁸Rhuodd y llew, pwy nid ofna? yr Arglwydd Ior a lefarodd, pwy ni prophwyda?

⁹Cyhoeddwch o fewn y palasau yn Asdod, ac yn y palasau yng-wlad yr Aipht: a dywedwch, deuwch yng-hyd ar fynyddoedd Samaria, a gwelwch derfyscoedd lawer oi mewn, a’r gorthrymmedigion yn ei chanol hi.

¹⁰Ac ni fedrant wneuthur iniondeb medd yr Arglwydd: pentyrru y maent drais, ac yspail yn eu palasau.

¹¹Am hynny fel hyn y dywed yr Arglwydd Dduw, gelyn [fydd] o amgylch y tir, ac a dynn i lawr dy nerth oddi wrthit, a’th balasoedd a yspeilir.

¹²Fel hyn y dywed yr Arglwydd, fel yr achub y bugail o safn y llew y ddwy goes, neu ddryll y glust: felly’r achubir meibion Israel y rhai ydynt yn trigo yn Samaria, mewn cwrr gwely o fewn Damascus [megis mewn] gorweddle.

¹³Gwrandewch a thestiolaethwch yn nhŷ Iacob medd yr Arglwydd, [sef] Arglwydd Dduw y lluoedd,

¹⁴Mai y dydd yr ymwelaf ag anwiredd Israel yn ei erbyn, y gofwyaf hefyd allorau Bethel: cyrn yr allorau a ddrylliwyd, ac a syrthiasant i’r llawr.

¹⁵A mi a darawaf y gaiaf-dŷ, a’r hafodtŷ, a derfydd am y tai Ifori: drylliaf hefyd y teiau mawrion ymmaith medd yr Arglwydd.