Read William Morgan Bible 1588 original edition Amos 4 Bible Online

Amos 4 - William Morgan Bible 1588 original edition bible

Amos 4

¹Cospedigaeth swyddogion Samaria (y rhai a eilw efe gwarthec Basan) am eu gau-dduwiaeth. 8 Eu cyndynrwydd hwythau i wellhau ar ôl eu holl gospedigaethau. Gwrandewch y gair hwn gwartheg Basan y rhai ydych ym mynydd Samaria, y rhai ydych yn treisio y tlawd, yn yssigo’r anghenog, ac yn dywedyd wrth y meistred, moeswch fel y gallom yfed.

²Tyngodd yr Arglwydd Dduw iw sancteiddrwydd, wele mai dyddiau a ddaw arnoch ac efe a’ch dŵg chwi ymmaith â drain, a’ch hiliogaeth â bachau pyscotta.

³Ewch allan i’r adwyau pob vn ar ei gyfer, ac ymadewch a’r palas, medd yr Arglwydd.

⁴Deuwch i Bethel, a throsseddwch, i Gilgal, a throsseddwch fwy-fwy, dygwch yn foreu eich aberthau, a’ch degymmau wedi tair blynedd.

⁵Offrymmwch surdoes [aberth] diolch, cyhoeddwch [ac] yspyswch aberthau gwirfodd: canys hyn a hoffwch meibion Israel, medd yr Arglwydd Dduw.

⁶A rhoddais iwch lendid dannedd yn eich holl ddinasoedd, ac eisieu bara yn eich holl leoedd, ac ni ddychwelasoch atafi medd yr Arglwydd.

⁷Myfi hefyd a luddiais i chwi law, pan [oedd] etto dri mîs hyd gynhaiaf, glawiais hefyd ar vn ddinas, ac ni lawiais ar ddinas arall, vn rhan a gafodd law, a’r rhan ni chafodd law a wywodd.

⁸Gwibiodd dwy ddinas neu dair i vn ddinas i yfed dwfr, ond ni’s diwallwyd: etto ni ddychwelasoch attafi medd yr Arglwydd.

⁹Tarewais chwi â diflanniad, ac â mallder, eich aml erddi, a’ch gwinllanoedd, a’ch ffigusbrennau, a’ch oliwydd a yssodd y lindis: etto ni throesoch attafi medd yr Arglwydd.

¹⁰Anfonais arnoch haint megis yn ffordd yr Aipht, eich gwyr ieuaingc a leddais a’r cleddyf, gyd â chaeth-gludo eich meirch: codais ddrewi eich gwerssyllau i’ch ffroenau: etto ni throesoch attafi medd yr Arglwydd.

¹¹Mi a ddymchwelais [rai] o honoch, fel yr ymchwelodd Duw Sodoma, a Gomorra, ac yr oeddech fel pentewyn wedi ei achub o losci: etto ni throesoch attafi medd yr Arglwydd.

¹²O herwydd hynny y modd ymma y gwnaf it Israel, ac o herwydd mai hyn a wnaf it, bydd barod Israel i gyfarfod a’th Dduw.

¹³Canys wele lluniwr y mynyddoedd, a chreawdur y gwynt, yr hwn a fynega i ddyn beth [yw] ei fyfyrdawd, [ac] a wnaiff y boreu yn dywyll, ac a gerdd ar vchelder y tîr: Arglwydd Dduw y lluoedd [yw] ei enw.