Read William Morgan Bible 1588 original edition Amos 7 Bible Online

Amos 7 - William Morgan Bible 1588 original edition bible

Amos 7

¹1 Y mae Duw drwy weledigaethau yn dangos fel yr anrheithir Israel. 10 Amazia yn athrod Amos. 17 Atteb Amos i Amazia. Fel hyn y dangosodd yr Arglwydd i mi: sef wele ef yn ffurfio ceiliogod rhedyn, pan ddechreuodd yr adledd godi, ac wele adledd wedi lladd [gwair] y brenin [oedd hwn.]

²A phan ddarfu iddynt fwytta glas-wellt y tîr, yna y dywedais, arbed arglwydd atolwg: pwy a gyfyd Iacob? canys bychan [yw] efe

³Edifarhaodd yr Arglwydd o hyn: ni bydd [hyn] eb yr Arglwydd.

⁴Fel hyn y dangosodd yr Arglwydd Dduw i mi, sef wele’r Arglwydd Dduw yn galw i farn trwy dân: a difaodd y [tân] y dyfnder mawr, ac a yssodd beth.

⁵A [phan] ddywedais, Arglwydd Dduw paid attolwg, pwy a gyfyd Iacob? canys bychan [yw] efe.

⁶Edifarhaodd yr Arglwydd o hyn, ni bydd hyn hefyd eb yr Arglwydd Dduw.

⁷Fel hrn y dangosodd efe i mi, sef wele’r Arglwydd yn sefyll ar gaer [a wnaethpwyd wrth] linin, ac yn ei law yntef linin.

⁸A’r Arglwydd a ddywedodd wrthif, beth a weli di Amos? a mi a ddywedais, llinin: a’r Arglwydd a ddywedodd, gosodaf linin yng-hanol fy mhobl Israel, ac ni chwanegaf fyned heibio iddynt mwyach.

⁹Uchelfeudd Isaac hefyd a wneir yn anghyfannedd, a themlau Israel a ddifethir, ac mi a gyfodaf yn erbyn tŷ Ieroboam â cleddyf.

¹⁰Yna Amazia offeiriad Bethel a anfonodd at Ieroboam frenin Israel, gan ddywedyd: cydfwriadodd Amos i’th erbyn yng-hanol tŷ Israel, ni ddichon y ddaiar ddwyn ei holl eiriau ef.

¹¹Canys fel hyn y dywedodd Amos: Ieroboam a fydd farw trwy’r cleddyf, ac Israel a gaeth-gludir yn llwyr allan oi wlâd.

¹²Dywedodd Amazia hefyd wrth Amos, y gweledydd, dôs ffô ymmaith i wlâd Iuda, a bwytta fara yno, a phrophwyda yno.

¹³Na chwanega brophwydo yn Bethel mwy canys cappel y brenin, a llys y brenin [yw] hi.

¹⁴Yna Amos a attebodd, ac a ddywedodd wrth Amazia, nid prophwyd [oeddwn] i, ac nid mab i brophwyd [oeddwn] i: namyn bugail [oeddwn] i, a chascludd ffigus gwylltion.

¹⁵A’r Arglwydd a’m cymmerodd oddi ar ôl y praidd, a’r Arglwydd a ddywedodd wrthif: dos, a phrophwyda i’m pobl Israel.

¹⁶Ac yr awr hon gwrando air yr Arglwydd, ti a ddywedi, na prophwyda yn erbyn Israel, ac nac yngen yn erbyn tŷ Isaac.

¹⁷Am hynny fel hyn y dywed yr Arglwydd, dy wraig a butteinia yn y ddinas, dy feibion, a’th ferched a syrthiant ar y cleddyf: a’th dîr a rennir â llinin, a thitheu a fyddi farw mewn tîr halogedic, a chan gaeth-gludo y caeth-gludir Israel oi dîr.