Read William Morgan Bible 1588 original edition Amos 9 Bible Online

Amos 9 - William Morgan Bible 1588 original edition bible

Amos 9

¹1 Dialedd Duw am bechodau Israel. 11 Duw oi drugaredd yn arbed ei bobl. Gwelais yr Arglwydd yn sefyll ar yr allor, ac efe a ddywedodd, taro gappan y ddôr, a’r gorsingau a escydwant, a dryllai hwynt oll yn eu pen blaen: minnef a laddaf a’r cleddyf yn ôl, ni ffy o honynt a geisio ffoi, ac ni ddiangc o honynt a geisio ddiangc.

²Pe chloddient hyd vffern, i fy llaw ai tynne hwynt oddi yno, a phe dringent i’r nefoedd, mi ai descynnwn hwynt oddi yno.

³A phe llechent ar benn Carmel, chwiliwn a chymmerwn hwynt oddi yno, a phe ymguddient o’m golwg yng-waelod y môr gorchymynwn i’r sarph eu brathu hwynt oddi yno.

⁴Ac os ânt i gaethiwed o flaen eu gelynion, oddi yno gorchymynnaf i’r cleddyf, ac efe ai lladd hwynt: a gosodaf fyng-olwg yn eu herbyn, er drygioni, ac nid er daioni [iddynt.]

⁵Ac Arglwydd Dduw y lluoedd a gyffwrdd a’r ddaiar, a hi a dawdd: a galara pawb a’r a drig ynddi, a hi a gyfyd oll fel llifeiriant, ac a fod dir megis [gan] afon yr Aipht.

⁶Yr hwn a adailadodd yn y nefoedd ei gylchau, ac a sylfaenodd ar y ddaiar ei gasol [elmentau:] yr hwn a alwodd ddyfroedd y môr, ac ai tywalltodd ar wyneb y ddaiar, yr Arglwydd [yw] ei enw.

⁷Onid [ydych] chwi meibion Israel i mi fel meibion yr Ethiopiaid, medd yr Arglwydd? oni ddygais i fynu feibion Israel o dîr yr Aipht, a’r Philistiaid o Cappadocia, a’r Syriaid o Cirene?

⁸Wele lygaid yr Arglwydd ar y deyrnas bechadurus, ac mi ai difethaf oddi ar wyneb y ddaiar: ond ni ddifethaf dŷ Iacob, medd yr Arglwydd.

⁹Canys wele myfi a orchymynnaf, ac a ogrynnaf dŷ Israel ym mysc yr holl genhedloodd: fel y gogrynnir ŷd mewn gogr ac: ni syrth graienyn i’r llawr.

¹⁰Holl bechaduriaid fy mhobl a fyddant feirw ar y cleddyf, y rhai a ddywedant, ni ddaw drwg yn agos attom, ac ni ddwg ein blaen.

¹¹Y dydd hwnnw y codaf babell Ddafydd yr hon a syrthiodd, mi a gaeaf ei bylchau, ac a godaf ei hadwyau, ac ai hadailadaf fel yn y dyddiau gynt.

¹²Fel y meddianno y rhai y gelwir fy enw arnynt weddill Edom, a’r holl genhedloedd medd yr Arglwydd, yr hwn a wna hyn.

¹³Wele y dyddiau a ddaw medd yr Arglwydd y cyffwrdd yr ardd-wr a’r cynhaiaf-wr, a sathrudd y grawn-wîn a’r hau-wr, a’r mynyddoedd a ddafnynnant felys-win, a’r holl frynnau a doddant.

¹⁴A dychwelaf gaethiwed fy mhobl Israel, ac adailadant y dinasodd anghyfannedd, a phresswyliant, a phlannant winllannoedd, ac yfant oi gwîn hwynt, gwnant hefyd erddi, a bwyttânt eu ffrwyth hwynt.

¹⁵Ac mi ai plannaf hwynt yn y tîr, ac ni’s diwreiddir hwynt mwyach oi tîr yr hwn a roddais i iddynt medd yr Arglwydd dy Dduw. Terfyn llyfr Amos.