Read William Morgan Bible 1588 original edition Abdias 1 Bible Online

Abdias 1 - William Morgan Bible 1588 original edition bible

Abdias 1

¹Prophwydoliaeth yn erbyn Edom. Gweledigaeth Abdias, fel hyn y dywed yr Arglwydd yn erbyn Edom: clywsom air oddi wrth yr Arglwydd, a chennad a hebryngwyd at y cenhedloedd [i ddywedyd:] codwch, a chyfodwn i ryfela yn ei herbyn hi.

²Wele, mi a’th roddais yn fychan ym mysc y cenhedloedd, a dibris iawn [wyt.]

³Balchder dy galon a’th dwyllodd, ti yr hwn wyt yn trigo yn holldau y graig, [yn] vchelder ei drigfa y mae yn dywedyd yn ei galon, pwy a’m tynn fi i’r llawr?

⁴Ped ymdderchefyt megis yr eryr, a phe rhoit dy nŷth ym mhlith y sêr, mi a’th ddescynnwn oddi yno, medd yr Arglwydd.

⁵Ai lladron a ddaethant attat? neu yspeilwŷr nos? pa fodd i’th ostegwyd? oni ladrattasent hwynt eu digon? pe daethe cynhull-wŷr grawn-win attat, oni weddillasent rawn?

⁶Pa fodd y chwiliwyd Esau, [ac] y ceisiwyd ei guddfeudd ef?

⁷Yr holl wŷr y rhai yr oedd ammod rhyngot â hwynt, a’th yrrasant hyd y terfyn, y gwŷr yr oedd heddwch rhyngot â hwynt a’th dwyllasant, ac a’th orfuant, [bwyttawŷr] dy fara a roddasant archoll danat: nid [oes] ddeall ynddo.

⁸Oni ddinistriaf y dydd hwnnw medd yr Arglwydd y doethion allan o Edom, a’r deall allan o fynnydd Esau?

⁹Dy gedyrn di o Theman a ofnant, am y torrir ymmaith bôb vn o fynydd Esau gan y lladdfa.

¹⁰Am y traha [ar] dy frawd Iacob, gwarth a’th orchguddia, a thi a dorrir ymmaith bŷth.

¹¹Y dydd y sefaist o’r tu arall, pan gaethgludodd estroniaid ei olud, a myned o ddieithraid iw byrth ef, a bwrw coel-brennau am Ierusalem, tithe hefyd oeddit megis vn o honynt.

¹²Ni ddylesit ti edrych ar ddydd dy frawd, pan ddieithriwyd ef, ac ni ddylesit lawenychu yn erbyn plant Iuda y dydd y difethwyd hwynt: ac ni ddylesit ledu dy safn ar ddydd y cystudd.

¹³Ni ddylesit ddyfod o fewn porth fy mhobl y dinistriwyd hwynt, ni ddylesit edrych ar eu hadfyd yn nydd eu dinistr, ac ni ddylesit estyn [dy law] ar eu golud yn nydd eu difethiad hwynt.

¹⁴Ac ni ddylesit sefyll ar y croes-ffyrdd i dorri ymmaith ei rhai diangol ef, ac ni ddylesit ti fradychu y gweddill o honaw ef ddydd yr adfyd

¹⁵Canys agos yw dydd yr Arglwydd ar yr holl genhedloedd, fel y gwnaethost y gwneir i tithe: dy wobr a ddychwelir ar dy ben.

¹⁶Canys megis yr yfasoch ar fy mynydd sanctaidd, [felly]’r holl genhedloedd a yfant yn oestad: yfant, a llyngcant, a byddant fel pe na buasent.

¹⁷Ac ar fynydd Sion y bydd ymwared, ac y bydd sancteiddrwydd: a thŷ Iacob a orescyn eu hetifeddiaethau hwynt.

¹⁸Yna y bydd tŷ Iacob yn dân, a thŷ Ioseff yn fflam, a thŷ Esau yn sofl, a chyneuant ynddynt, a difant hwynt; ac ni bydd gweddill i dŷ Esau, am i’r Arglwydd [ei] ddywedyd.

¹⁹Gorescynnant hefyd du dehau i fynydd Esau, a gwastadedd y Philistiaid, a gorescynnant feusydd Ephraim, a meusydd Samaria, a Beniamin a [orescyn] Gilead.

²⁰A chaeth-glud y llû hwn o blant Israel [a orescynnant] yr hyn [a fu eiddo] y Canaaneiaid hyd Zarephath’, a chaethion Ierusalem y rhai [ydynt] yn Sepharad a orescynnant ddinasoedd y dehau.

²¹Dring gwaredwŷr hefyd fynydd Sion i farnu mynydd Esau, a’r frenhiniaeth fydd eiddo’r Arglwydd. Diweddiad llyfr Abdias.