Read William Morgan Bible 1588 original edition Ionas 3 Bible Online

Ionas 3 - William Morgan Bible 1588 original edition bible

Ionas 3

¹Ail hebryngiad Ionas i Ninife. 5 Ac edifeirwch y Ninifeaid. A gair yr Arglwydd a ddaeth yr ail-waith at Ionas gan ddywedyd:

²Cyfot dôs i Ninife y ddinas fawr, a phregetha iddi y bregeth a lefarwyf wrthit.

³Ac Ionas a gyfododd ac a aeth i Ninife yn ôl gair yr Arglwydd, a Ninife ydoedd ddinas fawr iawn o daith tri diwrnod.

⁴Ac Ionas a ddechreuodd fyned i’r ddinas daith vn diwrnod, ac efe a lefodd, ac a ddywedodd, deugain nhiwrnod [fyddant] etto, yna Ninife a gwympir.

⁵A gwŷr Ninife a gredasant i Dduw, a chyhoeddasant ympryd, a gwiscasant sach-liain o’r mwyaf hyd y lleiaf o honynt.

⁶A’r gair a ddaeth at frenin Ninife, ac efe a gyfododd oi frenhin-faingc, ac a ddioscodd oddi am dano ei frenhin-wisc, ac a roddes am dano liain sach, ac a eisteddodd mewn lludw.

⁷Yna y cyhoeddwyd, ac y dywedwyd yn Ninife drwy orchymyn y brenin ai bendefigion, gan ddywedyd: dŷn, ac anifail, eidion, a dafad, na phrofant ddim, na phorant, ac nac yfant ddwfr.

⁸Gwisced dyn, ac anifail sach-len, a galwed ar Dduw yn lew, a datroed pob vn oddi wrth ei ffordd ddrygionus, ac oddi wrth y camwedd yr hwn [sydd] yn eu dwylo hwynt.

⁹Pwy a ŵyr a drŷ Duw, ac edifarhau, a datroi o angerdd ei ddig fel na difether ni?

¹⁰A gwelodd Duw eu gweithredoedd hwynt, sef troi o honynt oi ffyrdd drygionus, ac edifarhaodd Duw o’r drwg a ddywedase y gwnae efe iddynt, ac ni’s gwnaeth.