Read William Morgan Bible 1588 original edition Ionas 4 Bible Online

Ionas 4 - William Morgan Bible 1588 original edition bible

Ionas 4

¹Dîg Ionas am esmwythdra Duw iw greaduriaid. A bu ddrwg iawn gan Ionas [hyn,] ac efe a ddigiodd ynddo ei hun.

²Ac efe a weddiodd ar yr Arglwydd, ac a ddywedodd: attolwg it Arglwydd, oni ddywedais hyn pan oeddwn yn fyng-wlâd? am hynny ’r achubais flaen i ffoi i Tharsis, am y gwyddwn dy fod ti yn Dduw grâslawn, a thrugarog, araf i ddîg, aml o drugaredd, ac edifeiriol am ddrwg.

³Am hynny fy Arglwydd cymmer fy enaid bellach oddi wrthif: canys gwell i’m farw na byw.

⁴A’r Arglwydd a ddywedodd, ai da yw’r gwaith, ymddigio o honot?

⁵Ac Ionas a aeth allan o’r ddinas, ac a eisteddodd o’r tu dwyrain i’r ddinas, ac a wnaeth yno gaban iddo ei hun, ac a eisteddodd dano yn y cyscod, hyd oni wele beth a fydde yn y ddinas.

⁶A’r Arglwydd Dduw a ddarparodd Cicaion, ac a wnaeth iddo dyfû tros Ionas i fod yn gyscod vwch ei ben ef, iw waredu oi ofid: a bu Ionas lawen iawn am y Cicaion.

⁷A’r Arglwydd a baratôdd brŷf ar godiad y wawr drannoeth, ac efe a darawodd y Cicaion, ac yntef a wywodd.

⁸A phan gododd haul, darfu i Dduw ddarparu poeth-wynt y dwyrain: a’r haul a darawodd ar ben Ionas fel y llewygodd, ac y deisyfiodd farw oi enioes, ac a ddywedodd, gwell i’m angeu nag enioes.

⁹A’r Arglwydd a ddywedodd wrth Ionas, ai [gwaith] da yw ymddigio o honot am y Cicaion? ac efe a ddywedodd: da oedd ymddigio o honof hyd angeu.

¹⁰A’r Arglwydd a ddywedodd, ti a dosturi am y Cicaion yr hwn ni lafuriaist wrtho, ac ni’s meithrinaist: mewn noswaith y bu, ac mewn noswaith y darfu.

¹¹Ac oni thosturiwn i wrth Ninife y ddinas fawr, yr hon y mae ynddi mwy nâ deuddec mŷrdd o ddynion y rhai ni ŵyddant [ragor] rhwng eu llaw ddehau ai llaw asswy? ac anifeiliaid lawer? Terfyn llyfr Ionas.