Read William Morgan Bible 1588 original edition Numeri 1 Bible Online

Numeri 1 - William Morgan Bible 1588 original edition bible

Numeri 1

¹1 Byddino plant Israel. 49 Bod yn rhaid i lwyth Lefi weini yn y babell. Yr Arglwydd a lefarodd wrth Moses yn anialwch Sinai, ym mhabell y cyfarfod, ar y [dydd] cyntaf o’r ail mis, yn yr ail flwyddyn wedi eu myned hwynt allan o dîr yr Aipht gan ddywedyd.

²Cymmerwch nifer holl gynnulleidfa meibion Israel, yn ol eu teuluoedd wrth dŷ eu tadau, dan rif eu henwau, pob gwryw wrth eu pennau.

³O fab vgain mlwydd ac vchod, pob vn a allo fyned i ryfel yn Israel: ti ac Aaron ai cyfrifwch hwynt yn ol eu lluoedd.

⁴A bydded gyd a chwi ŵr o bob llwyth, y gwr pennaf o dŷ ei dadau fydd hwnnw.

⁵A dymma henwau y gwŷr y rhai a safant gyd a chwi: o [lwyth] Ruben Elizarmab Zedeur.

⁶O [lwyth] Simeon, Selumiel mab Suri Sadai.

⁷O [lwyth] Iuda Nahesson mab Aminadab.

⁸O [lwyth] Issachar Nathaniel mab Zuar.

⁹O [lwyth] Zabulon, Eliab mab Helon.

¹⁰O feibion Ioseph [dros lwyth] Ephraim, Elisama mab Ammihud: tros [lwyth] Manasses, Gamaliel mab Pedazur.

¹¹O [lwyth] Beniamin, Abidan mab Gedeon.

¹²O [lwyth] Dan, Ahiezer mab Ammi Sadi.

¹³O [lwyth] Aser, Pagiel mab Ocran.

¹⁴O [lwyth] Gad, Eliasaph mab Duel.

¹⁵O [lwyth] Nepthali Ahira mab Enan.

¹⁶Dymma rai enwoc y gynnulleidfa, capteniaid llwythau eu tadau, pennaethiaid miloedd Israel [oeddynt] hwy.

¹⁷A chymmerodd Moses ac Aaron, y gwŷr hyn y rhai a yspyssasyd wrth [eu] henwau.

¹⁸A chasclasant yr holl gynnulleidfa ar y [dydd] cyntaf o’r ail mis, a rhoddasant eu hachau: drwy eu teuluoedd yn ol tŷ eu tadau tann rif eu henwau o fab vgain mlwydd ac vchod erbyn eu pennau.

¹⁹Megis y gorchymynnodd yr Arglwydd i Moses, felly y rhifodd efe hwynt yn anialwch Sinai.

²⁰Felly meibion Ruben cyntafanedic Israel oeddynt [wedi rhifo, sef] eu cenedl eu hun, oi teuluoedd eu hun, o dŷ eu tadau eu hun, dan rif eu henwau, erbyn eu pennau, pob gwryw o fab vgain mlwydd ac vchod, pob vn ar a alle fyned i ryfel.

²¹Eu rhifedigion hwynt o lwyth Ruben [oeddynt] chwech a deugain mil a phump cant.

²²O feibion Simeon [y rhifwyd] eu cenedl eu hun, oi teuluedd eu hun, o dŷ eu tadau eu hun, ei rifedigion [oeddynt] dan rif [eu] henwau erbyn eu pennau pob gwryw o fab vgain mlwydd ac vchod [sef] pob vn ar a alle fyned i ryfel.

²³Eu rhifedigion hwynt o lwyth Simeon [oeddynt] onid vn mil tri vgain mil, a thrychant.

²⁴O feibion Gad, eu cenedl eu hun oi teuluoedd eu hun, o dy eu tadau eu hun, dann rif [eu] henwau, pob vn a alle fyned i ryfel o fab vgain mlwydd ac vchod [a rifwyd.]

²⁵Eu rhifedigion hwynt o lwyth Gad [oeddynt] bump a deugain mil, a chwe chant, a dec a deugain.

²⁶O feibion Iuda, eu cenedl eu hun, oi teuluoedd eu hun, o dŷ eu tadau eu hun, dan rif [eu] henwau o fab vgain mlwydd ac vchod, pawb a’r a oeddynt yn gallu myned i ryfel [a rifwyd.]

²⁷Eu rhifedigion hwynt o lwyth Iuda [oeddynt] bedwar ar ddec a thri vgain mil, a chwe chant.

²⁸O feibion Issachar, eu cenedl eu hun oi teuluoedd eu hun, o dŷ eu tadau eu hun, dann rif [eu] henwau, o fab vgain mlwydd ac vchod, pob vn a’r a oedd yn gallu myned i ryfel [a rifwyd.]

²⁹Eu rhifedigion hwynt o lwyth Issachar [oeddynt] bedwar ar ddec a deugain o filoedd a phedwar cant.

³⁰O feibion Zabulon, eu cenedl eu hun, oi teuluoedd eu hun, o dŷ eu tadau eu hun, dan rif [eu] henwau, o fab vgain mlwydd ac vchod, pob vn a’r a ydoedd yn gallu myned i ryfel [a ryfwyd.]

³¹Eu rhifedigion hwynt o lwyth Zabulon [oeddynt] ddwy fil ar bymthêc a deugain, a phedwar cant.

³²O feibion Ioseph [sef] o feibion Ephraim eu cenedl eu hun, oi teuluoedd eu hun, o dŷ eu tadau eu hun, dan rif [eu] henwau, o fab vgain mlwydd ac vchod pob vn a’r a ydoedd yn gallu myned i ryfel [a rifwyd.]

³³Eu rhifedigion hwynt o lwyth Ephraim [oeddynt] ddeugain mil, a phum cant.

³⁴[Ac] o feibion Manasses eu cenedl eu hun ei teuluoedd eu hun, o dŷ eu tadau eu hun, dan rif [eu] henwau, o fab vgain mlwydd ac vchod, pob vn a’r a ydoedd yn gallu myned i ryfel [a rifwyd.]

³⁵Eu rhifedigion hwynt o lwyth Manasses [oeddynt] ddeuddeng mil ar hugain, a dau cant.

³⁶O feibion Beniamin eu cenedl eu hun, oi teuluoedd eu hun, o dŷ eu tadau eu hun, dan rif [eu] henwau, o fab vgain mlwydd ac vchod pob vn a’r a ydoedd yn gallu myned i ryfel [a rifwyd.]

³⁷Eu rhifedigion hwynt o lwyth Beniamin [oeddynt] bymtheng mil ar hugain a phedwar cant.

³⁸O feibion Dan eu cenedl eu hun, oi teuluoedd eu hun, o dŷ eu tadau eu hun, dan rif [eu] henwau, o fab vgain mlwydd ac vchod, pob vn a’r a ydoedd yn gallu myned i ryfel [a rifwyd.]

³⁹Eu rhifedigion hwynt o lwyth Dan, oeddynt ddwy a thrugain o filoedd, a saith cant.

⁴⁰O feibion Aser eu cenedl eu hun, oi teuluoedd eu hun, o dŷ eu tadau eu hun, dan rif [eu] henwau, o fab vgain mlwydd ac vchod, pob vn ar a ydoedd yn gallu myned i ryfel [a rifwyd.]

⁴¹Eu rhifedigion hwynt o lwyth Aser [oeddynt] vn mil a deugain, a phum cant.

⁴²[O] feibion Nephtali eu cenedl eu hun, oi teuluoedd eu hun, o dŷ eu tadau eu hun, dan rif [eu] henwau, o fab vgain mlwydd ac vchod, pob vn a’r a ydoedd yn gallu myned i ryfel [a rifwyd.]

⁴³Eu rhifedigion hwynt o lwyth Nepthali [oeddynt] dair mil ar ddec a deugain, a phedwar cant.

⁴⁴Dymma y rhifedigion, y rhai a rifodd Moses, ac Aaron, a chapteniaid Israel: [sef] y deuddeng-wr [y rhai] oeddynt bob vn dros dŷ eu tadau.

⁴⁵Felly yr ydoedd holl rhifedigion meibion Israel, wrth dy eu tadau, o fab vgain mlwydd ac vchod, pob vn ar a ydoedd yn gallu myned i ryfel yn Israel.

⁴⁶A’r holl rifedigion oeddynt chwe chant mil, a thair mil, a phum cant, a dec a deugain.

⁴⁷Ond y Lefiaid drwy [holl] lwythau eu tadau ni rifwyd yn eu mysc hwynt.

⁴⁸Canys llefarase yr Arglwydd wrth Moses gan ddywedyd.

⁴⁹Etto na chyfrif lwyth Lefi, ac na chymmer eu nifer hwynt ym mysc meibion Israel.

⁵⁰Ond dod ti i’r Lefiaid awdurdod ar babell y destiolaeth, ac ar ei holl ddodrefn, ac ar yr hyn oll a [berthyn] iddi: hwynt a ddygant y babell, ai holl ddodrefn, ac ai gwasanaethant, ac a werssyllant o amgylch i’r babell.

⁵¹A phan symmudo y babell, y Lefiaid ai tynn hi i lawr: a phan arhoso y babell, y Lefiaid ai cyfyd hi: lladder y dieithr a ddelo yn agos.

⁵²A gwerssylled meibion Israel, bob vn yn ei werssyll ei hun, a phob vn wrth ei luman ei hun, drwy eu lluoedd.

⁵³A’r Lefiaid a werssyllant o amgylch pabell y destiolaeth, fel na byddo sorriant yn erbyn cynnulleidfa meibion Israel: a chadwed y Lefiaid wiliadwriaeth pabell y destiolaeth.

⁵⁴A meibion Israel a wnaethant yn ol yr hyn oll a orchymynnase yr Arglwydd wrth Moses, felly y gwnaethant.