Read William Morgan Bible 1588 original edition Numeri 10 Bible Online

Numeri 10 - William Morgan Bible 1588 original edition bible

Numeri 10

¹Yr vd-cyrn arian. 11 Yr Israeliaid yn ymado a mynydd Sinai. 30 Hobab yn gwrthod myned gyd a Moses. A llefarodd yr Arglwydd wrth Moses gan ddywedyd:

²Gwna it ddau vd-corn arian: yn gyfanwaith y gwnei hwynt, a byddant it i alw y gynnulleidfa yng-hyd, ac i beri i’r gwerssylloedd gychwyn.

³Pan gânant a hwynt, yr ymgascl yr holl gynnulleidfa attat wrth ddrws pabell y cyfarfod.

⁴Ond os ag vn y cânant yna y tywysogion [sef] pennaethiaid miloedd Israel a ymgasclant attat-ti.

⁵Pan ganant hwy alarwm [y waith gyntaf] yna y gwerssylloedd y rhai a werssyllant tua’r dwyrain, a gychwnnant.

⁶Os canant alarwm [yr ail waith] yna y gwerssylloedd y rhai a werssyllant, tua’r dehau a gychwnnant, alarwm a gânant hwy wrth eu cychwyn.

⁷Ac wrth alw yng-hyd y gynnulleidfa cenwch yr vdcyrn, ond na chenwch alarwm.

⁸A meibion Aaron yr offeiriad a gânant ar yr vdcyrn, a byddant i chwi yn ddeddf dragywyddol trwy eich cenhedlaethau.

⁹Hefyd pan eloch i ryfel yn eich gwlâd, yn erbyn y gorthrymmwr a’ch gorthrymmo chwi, cênwch alarwm mewn vdcyrn: yna y coffeir chwi ger bron yr Arglwydd eich duw, ac yr achubir chwi rhac eich gelynion.

¹⁰Ar ddydd eich llawenydd hefyd, ac ar eich gwyliau gosodedic, ac ar ddechrau eich misoedd y cênwch ar yr vdcyrn vwch ben eich offrymmau poeth, a’ch aberthau hedd: a byddant i chwi yn goffadwriaeth ger bron eich Duw: myfi [ydwyf] yr Arglwydd eich Duw.

¹¹A bu yn yr ail flwyddyn ar yr ail mîs ar yr vgeinfed [dydd] o’r mis gyfodi or cwmwl oddi ar dabernacl y destiolaeth.

¹²A meibion Israel a gychwnnasant iw taith o anialwch Sinai, a’r cwmwl a arhosodd yn anialwch Pharan.

¹³Felly y cychwnnasant y waith gyntaf wrth air yr Arglwydd trwy law Moses.

¹⁴Ac yn gyntaf y cychwnnodd lluman gwerssyll meibion Iuda yn ol eu lluoedd: ac ar ei lu ef [yr ydoedd] Nahesson mab Aminadab.

¹⁵Ac ar lû llwyth meibion Issachar, Nathaniel mab Zuar.

¹⁶Ac ar lû llwyth meibion Zabulon, Eliab mab Helon.

¹⁷Yna y tynnwyd i lawr y tabernacl, a meibion Israel, a meibion Merari a gychwnnasant gan ddwyn y tabernacl.

¹⁸Yna y cychwnnodd lluman gwerssyll Ruben yn eu lluoedd, ac [yr ydoedd] ar ei lu ef Elizur mab Sedeur.

¹⁹Ar ar lu llwyth meibion Simeon, Selumiel mab Suri Sadai.

²⁰Ac ar lû llwyth meibion Gad, Eliasaph mab Duel.

²¹A’r Cehathiaid a gychwnnasant gan ddwyn y cyssegr [a’r lleill] a godent y tabernacl tra fyddent hwy yn dyfod.

²²Yna lluman gwerssyll meibion Ephraim a gychwnnodd yn ol eu lluoedd, ac [yr oedd] ar ei lû ef Elisamah mab Ammihud.

²³Ac ar lû llwyth meibion Manasses, Gamaliel mab Pedazur.

²⁴Ac ar lû llwyth meibion Beniamin, Abidan mab Gedeon.

²⁵Yna lluman gwerssyll meibion Dan yn olaf o’r holl werssylloedd a gychwnnodd yn ol ei lluoedd, ac [yr ydoedd] ar ei lu ef Ahieser mab Ammi Sadi.

²⁶Ac ar lû llwyth meibion Aser, Pagiel mab Ocran.

²⁷Ac ar lû llwyth meibion Nephthali, Ahiram mab Enan.

²⁸Dymma gychwnniadau meibion Israel yn ol eu lluoedd, fel y cychwnnasant.

²⁹A dywedodd Moses wrth Hobab mab Reguel y Madianiad, chwegrwn Moses: myned yr ydym i’r lle yr hwn a ddywedodd yr Arglwydd, rhoddaf hwnnw i chwi, tyret gyd a ni, a gwnawn ddaioni it: canys llefarodd yr Arglwydd ddaioni am Israel.

³⁰Dywedodd yntef wrtho nid âf ddim, onid i’m glwâd fy hun, ac at fyng-henedl fy hun yr âf.

³¹Yna y dywedodd [Moses,] na âd ni attolwg: canys am it adnabod ein gwerssyllfaoedd yn yr anialwch yr ydwyt i ni yn lle llygaid.

³²A phan ddelech gyd a ni, a dyfod o’r daioni hwnnw, yr hwn a wna yr Arglwydd i ni, gwnawn ninnau ddaioni i tithe.

³³A chychwnnasant oddi wrth fynydd yr Arglwydd daith trî diwrnod, ac Arch cyfammod yr Arglwydd a gychwnnodd daith tri diwrnod oi blaen hwynt i chwilio am orphywysfa iddynt.

³⁴A chwmwl yr Arglwydd [oedd] arnynt beunydd, wrth eu cychwyn o’r gwerssyll.

³⁵A hefyd pan gychwnne yr Arch Moses a ddywede: cyfot Arglwydd, a gwascarer dy elynion, a ffoed dy gaseion o’th flaen.

³⁶A phan orphywyse hi y dywede efe: dychwel Arglwydd [at] fyrddiwn miloedd Israel.