Read William Morgan Bible 1588 original edition Numeri 12 Bible Online

Numeri 12 - William Morgan Bible 1588 original edition bible

Numeri 12

¹Aaron a Miriam yn beio ar Moses. 10 Cospedigaeth Miriam ai rhydd-dab. Llefarodd Miriam hefyd ac Aaron yn erbyn Moses, o achos y wraig o Aethiop, yr hon a gymmerase efe: canys efe a gymmerase Aethiopes yn wraig [iddo.]

²A dywedasant, ai yn vnic trwy Moses y llefarodd yr Arglwydd? oni lefarodd trwom ninnau hefyd? a’r Arglwydd a glybu [hynny.]

³A’r gwr Moses [ydoedd] larieiddiaf or holl ddynion y rhai [oeddynt] ar wyneb y ddaiar.

⁴A dywedodd yr Arglwydd yn ddisymmwth wrth Moses, ac wrth Aaron, ac wrth Miriam, deuwch allan eich trioedd i babell y cyfarfod, felly hwynt a aethant allan ill trioedd.

⁵Yna y descynnodd yr Arglwydd mewn colofn o niwl, ac a safodd [wrth] ddrws y babell ac a alwodd am Aaron a Miriam, ac aethant allan ill dau.

⁶Ac efe a ddywedodd, gwrandewch yr awr hon fyng-eiriau, os bydd prophwyd yr Arglwydd yn eich mysc mewn gweledigaeth yr ym hysbyssaf iddo, [neu] mewn breuddwyd y llefaraf wrtho.

⁷Nid felly [y mae] fyng-was Moses ffyddlon yw efe yn fy holl dŷ.

⁸Wyneb yn wyneb y llefaraf wrtho [mewn] gweledigaeth, nid mewn dammegion, onid caiff edrych a’r wedd yr Arglwydd: pa ham gan hynny nad ofnech ddywedyd yn erbyn fyng-wâs [sef] yn erbyn Moses?

⁹Digofaint yr Arglwydd a enynnodd yn eu herbyn hwynt, ac efe a aeth ymmaith.

¹⁰A’r niwl a ymadawodd oddi ar y babell ac wele Miriam [ydoedd] wahan-glwyfus, [yn discleirio] fel eira: ac edrychodd Aaron ar Miriam, ac wele hi yn wahan-glwyfus.

¹¹Yna y dywedodd Aaron wrth Moses [ystyria] wrthif fy arglwydd attolwg na osot ti yn ein herbyn y pechod yr hwn yn ynfyd a wnaethom, [a thrwy] yr hwn y pechasom.

¹²Na fydded hi attolwg fel vn marw yr hwn y bydd hanner ei gnawd wedi ei ddifa, pan ddel allan o groth ei fam.

¹³Yna Moses a waeddodd ar yr Arglwydd gan ddywedyd: ô Duw attolwg meddiginiaetha hi’r awr hon.

¹⁴A dywedodd yr Arglwydd wrth Moses, os ei thâd a boere boerin yn ei hwyneb, oni chywilyddie hi saith niwrnod? caier arni saith niwrnod o’r tu allan i’r gwerssyll, ac wedi [hynny]derbynnier hi.

¹⁵A chaewyd ar Miriam o’r tû allan i’r gwerssyll saith niwrnod, a’r bobl ni chychwnnodd, hyd oni ddaeth Miriam yng-hyd a hwynt.

¹⁶Ac wedi hynny y cychwnnodd y bobl o Hazeroth, ac a werssyllasant yn anialwch Pharan.