Read William Morgan Bible 1588 original edition Numeri 13 Bible Online

Numeri 13 - William Morgan Bible 1588 original edition bible

Numeri 13

¹Gwyr yn myned i spio gwlâd Canaan. 24 Ac yn dwyn o ffrwyth y wlad gyd a hwynt. 28 Rhai o honynt yn peri i’r bobl arswydo myned rhagddynt i wlâd Canaan. 31 Caleb yn gwrthwynebu y rhai hynny. A llefarodd yr Arglwydd wrth Moses gan ddywedyd:

²Anfon it wŷr i edrych tir Canaan yr hwn yr ydwyfi yn ei roddi i feibion Israel: gŵr tros bob vn o lwythau eu tadau a anfonwch: pob vn yn bennaeth yn eu mysc hwynt.

³Yna Moses ai hanfonodd hwynt o anialwch Pharan wrth orchymmyn yr Arglwydd, pennaethiaid meibion Israel [oedd] y gwŷr hynny oll.

⁴Dymma eu henwau hwynt: tros lwyth Ruben Sammua mab Zacur.

⁵Tros lwyth Simeon, Saphat mab Hori.

⁶Tros lwyth Iuda, Caleb mab Iephun.

⁷Tros lwyth Issachar, Igal mab Ioseph.

⁸Tros lwyth Ephraim, Osea mab Nun.

⁹Tros lwyth Beniamin, Palti mab Raphu.

¹⁰Tros lwyth Zabulon, Gadiel mab Sodi.

¹¹O lwyth Ioseph, tros lwyth Manasses, Gadi mab Susi.

¹²Tros lwyth Dan, Amiel mab Gemali.

¹³Tros lwyth Aser, Sehur mab Michael.

¹⁴Tros lwyth Nephthali, Nahabi mab Uaphsi.

¹⁵Tros lwyth Gad, Guel mab Machi.

¹⁶Dymma henwau y gwyr y rhai a anfonodd Moses i edrych ansodd y wlâd: a Moses a henwodd O sea fab Nun, Iosuah.

¹⁷A Moses ai hanfonodd hwynt i edrych ansodd gwlad Canaan, ac a ddywedodd wrthynt, ewch ymma tua’r dehau, a dringwch i’r mynydd.

¹⁸Ac edrychwch y wlad beth yw hi, a’r bobl sydd yn trigo ynddi, ai cryf, ai gwan, ai llawer [ydynt.]

¹⁹A pheth [yw] y tir yr hwn y maent yn trigo ynddo, ai da, ai drwg, ac ym mha ddinasoedd y maent yn presswylio, ai mewn gwerssylloedd ai mewn caerau.

²⁰A pha dir ai brâs yw efe, ai cûl, a oes goed ynddo ai nad [oes,] ymgryfhewch a chymmerwch o ffrwyth y tir: a’r dyddiau [oeddynt] ddyddiau blaen-ffrwyth grawn-win.

²¹A hwyntau a aethant, ac a chwiliasant y tîr o anialwch Sin hyd Rehab, ffordd y deuir i Hemath.

²²Canys aethant i fynu i’r dehau, a daethant hyd Hebron ac yna [vr oedd] Ahiman, Sesai, a Thalmai, mebion Anac: a Hebron a adailadasid saith mlynedd o flaen Zoan yn yr Aipht.

²³A daethant hyd ddyffryn Escol, a thorrasant oddi yno gangen, ac vn wryscen o rawnwin, ac at dugasant ar drossol rhwng dau, [dugasantrai]o’r pomgranadau hefyd, ac o’r ffigus,

²⁴A’r lle hwnnw a alwasant dyffr yn Escol, o achos y wryscen rawn-win yr hon a dorrodd meibion Israel oddi yno.

²⁵A dychwelasant o chwilio y wlâd yn ôl deugain nhiwrnod.

²⁶Yna myned a wnaethant, a dyfod at Moses ac at Aaron, ac at holl gynnulleidfa meibion Israel i Cades yn anialwch Pharan: a dugasant yn eu hol air iddynt, ac i’r holl gynnulleidfa, ac a ddangosasant iddynt ffrwyth y tîr.

²⁷A mynegasant iddo a dywedasant: daethom i’r tîr lle i’r anfonaist ni: a llifeirio y y mae o laeth a mêl: ac fel dymma ei ffrwyth ef.

²⁸Ond [y mae] y bobl y rhai sydd yn trigo yn y tir yn gryf: a’r dinasoedd yn gaeroc, [ac] yn fawrion iawn, a gwelsom yno hefyd feibion Anac.

²⁹Yr Amaleciaid sydd yn trigo yn nhîr y dehau, a’r Hethiaid, a’r Iebusiaid, a’r Amoriaid yn gwladychu yn y mynydd-dir: a’r Canaaneaid yn presswylio wrth y môr, a cher llaw yr Iorddonen.

³⁰Yna y gostegodd Caleb y bobl ger bron Moses, ac a ddywedodd: gan fyned awn i fynu, a gorescynnwn hi, canys gan orchfygu y gorchfygwn hi.

³¹Ond y gwŷr y rhai a aethent i fynu gyd ag ef a ddywedasant, ni allwn fyned i fynu, yn erbyn y bobl [accw,] canys cryfach ydynt na nyni.

³²A rhoddasant allan anglod y tîr yr hwn a chwiliasent wrth feibion Israel gan ddywedyd: y tîr yr hwn yr aethom trosto iw chwilio, tîr yn difa ei bresswylwyr yw efe: a’r holl bobl y rhai a welsom ynddo [ydynt] wŷr corphol:

³³Ac yno y gwelsom feibion Anac y cawri [y rhai a ddaethant] o’r cawri, ac yr oeddem yn ein golwg ein hunain fel ceiliogod rhedyn, ac felly yr oeddem yn eu golwg hwyntau.