Read William Morgan Bible 1588 original edition Numeri 15 Bible Online

Numeri 15 - William Morgan Bible 1588 original edition bible

Numeri 15

¹Trefn y rhoddion a roddyd yng-hyd a’r aberthau. 24 am bechod a wneler heb wybod, 30 neu trwy ryfyg. 32 cosp yr hwn a gasclodd friwydd ar y Sabboth. 38 Gweltiau y gorchymynnion. A’r Arglwydd a lefarodd wrth Moses gan ddywedyd:

²Llefara wrth feibion Israel, a dywet wrthynt: pan ddeloch i dîr eich presswylfa, yr hwn yr ydwyfi yn ei roddi i chwi,

³Ac offrymmu o honoch aberth tanllyd i’r Arglwydd [o] offrwm poeth, neu aberth [arall,] gan neilltuo adduned, naill ai yn eich offrwm gwirfodd, ai ar eich gwyliau gosodedic, gan wneuthur arogl esmwyth i’r Arglwydd o’r eidionnau, neu o’r praidd:

⁴Yna offrymmed yr hwn a offrymmo ei rodd i’r Arglwydd o beillied ddecfed ran Epha, wedi ei gymmyscu trwy bedwaredd ran Hin o olew yn fwyd offrwm.

⁵Ac offrwm di gyd a’r offrwm poeth, neu aberth [arall] bedwaredd ran Hin o wîn am bob oen yn ddiod offrwm.

⁶A thi a offrymmi yn fwyd offrwm gyd a hwrdd o beillied ddwy ddecfed ran [Epha,] wedi ei gymmyscu trwy drydedd ran Hin o olew.

⁷A thrydedd ran Hin o wîn yn ddiod offrwm: [felly] yr offrymmu arogl esmwyth i’r Arglwydd.

⁸A phan ddarperech lô buwch yn offrwm poeth, neu aberth [arall,] gan nalltuo adduned, neu [aberth] hedd i’r Arglwydd:

⁹Yna offrymmed yn fwyd offrwm gyd a llo y fuwch o beillied dair decfed ran [Epha,] wedi ei gymmyscu trwy haner Hin o olew.

¹⁰Ac offrwm haner Hin o wîn yn ddiod offrwm [dymma] aberth tanllyd, o arogl esmwyth i’r Arglwydd.

¹¹Felly y gwneir am bob ŷch, neu am bob hwrdd, neu am oen, neu am fynn.

¹²Yn ol y rhifedi yr hwn a ddarparoch, felly y darperwch i [bob] vn yn ol eu rhifedi.

¹³Pob priodor a wna y pethau hyn felly, wrth offrymmu aberth tanllyd o arogl esmwyth i’r Arglwydd.

¹⁴A phan ymdeithio dieithr-ddyn, neu yr hwn [sydd] yn eich plith, drwy eich cenhedlaethau, a darparu aberth tanllyd o arogl esmwyth i’r Arglwydd, fel y gwnewch chwi, felly gwnaed yntef.

¹⁵O dyrfa, yr vn ddeddf [fydd] ichwi, ’ac i’r ymdaithydd dieithr: deddf dragywyddol [yw] drwy eich cenhedlaethau, [mai] megis chwi, felly y bydd y dieithr ger bron yn Arglwydd.

¹⁶Un gyfraith, ac vn ddefod fydd i chwi ac i’r ymdeithydd a ymdeithio gyd a chwi.

¹⁷A llefarodd yr Arglwydd wrth Moses hefyd gan ddywedyd.

¹⁸Llefara wrth feibion Israel, a dywet wrthynt: pan ddeloch i’r tîr yr hwn yr ydwyf yn eich dwyn chwi iddo.

¹⁹Yna pan fwytaoch o fara y tîr, y derchefwch offrwm derchafel i’r Arglwydd.

²⁰O flaenion eich toes yr offrymmwch deissen yn offrwm derchafel: fel offrwm derchafel y llawr dyrnu, felly y derchefwch hithe.

²¹O ddechreu eich toes y rhoddwch i’r Arglwydd offrwm derchafel drwy eich cenhedlaethau.

²²A phan eloch tros y ffordd, ac na wneloch yr holl orchymynion hyn, y rhai a lefarodd yr Arglwydd wrth Moses.

²³Sef yr hyn oll a orchymynnodd yr Arglwydd i chwi trwy law Moses, o’r dydd y gorchymynnodd yr Arglwydd, ac o hynny allan trwy eich cenhedlaethau:

²⁴Yna bydded, os allan o olwg y gynnulleidfa y gwnaed [dim] trwy anwybod, i’r holl gynnulleidfa ddarparu vn bustach ieuangc yn offrwm poeth, i [fod] yn arogl esmwyth i’r Arglwydd, ai fwyd offrwm, ai ddiod offrwm wrth y ddefod, ac vn bwch geifr yn bech aberth.

²⁵A gwnaed yr offeiriad iawn tros holl gynnulleidfa meibion Israel, a maddeuir iddynt: canys anwybodaeth yw: a dygant eu hoffrymmau yn aherth tanllyd i’r Arglwydd, ai pech aberth ger bron yn Arglwydd am eu anhwybodaeth.

²⁶A maddeuir i holl gynnulleidfa meibion Israel ac i’r dieithr a ymdeithio yn eu mysc: canys 62 [digwyddodd] i’r holl bobl trwy anwybod.

²⁷Ond os vn dyu a becha trwy amryfusedd, yna offrymmed afr flwydd dros bechod.

²⁸A gwnaed yr offeiriad iawn ger bron yr Arglwydd tros y dyn amryfusol, pan becho trwy amryfusedd, gan wneuthur iawn trosto fel y maddeuir iddo.

²⁹Yr hwn a aned o feibion Israel, a’r dieithr a ymdeithio yn eu mysc, vn gyfiaith fydd i chwi am wneuthur [pechod] trwy amryfusedd.

³⁰Ond y dyn a wnel bechod mewn rhyfyg o briodor, neu o ddieithr, cablu’r Arglwydd y mae, torrir ymmaith y dyn hwnnw o fysc ei bobl.

³¹O herwydd mai gair yr Arglwydd a ddiystyrodd efe, ai orchymyn a dorrodd efe, llwyr dorrer ymmaith y dyn hwnnw, ei anwiredd [sydd] ynddo.

³²Fel yr ydoedd meibion Israel yn y diffaethwch, cawsant ŵr yn cynnytta ar y dydd Sabboth.

³³A’r rhai ai cawsant ef, ai dugasant ef [sef] y cynnyttwr at Moses, ac at Aaron, ac at yr holl gynnulleidfa.

³⁴A gosodasant ef mewn dal-fa, am nad oedd hysbys beth a wneid iddo.

³⁵A dywedodd yr Arglwydd wrth Moses, lladder y gŵr yn farw, llabyddied yr holl gynnulleidfa ef a meini, o’r tu allan i’r gwerssyll.

³⁶A’r holl gynnulleidfa ai dugasant ef i’r tu allan ir gwerssyll, ac ai llabyddiasant ef a meini, fel y bu efe farw, megis y gorchymynnodd yr Arglwydd wrth Moses.

³⁷A llefarodd yr Arglwydd hefyd wrth Moses gan ddywedyd:

³⁸Llefara wrth feibion Israel, a dywet wrthynt, am wneuthur iddynt eddi ar odre eu dillad, drwy eu cenhedlaethau, a rhoddant bleth o sidan glâs ar eddi y godro.

³⁹A bydded pan edrychoch chwi ar yr eddi, yna gofio o honoch holl orchymynnion yr Arglwydd, ai gwneuthur hwynt: ac na chwiliwch yn ôl eich calonnau eich hunain, nac yn ôl eich llygaid eich hunain, y rhai yr ydych yn putteinio ar eu hôl.

⁴⁰Fel y cofioch, ac y gwneloch fy holl orchymynnion maufi, ac y byddoch yn sanctaidd i’ch Duw.

⁴¹Myfi ydwyf yr Arglwydd eich Duw chwi, yr hwn a’ch dygais chwi allan o dîr yr Aipht i fod i chwi yn Dduw: myfi [ydwyf] yr Arglwydd eich Duw chwi.