Read William Morgan Bible 1588 original edition Numeri 19 Bible Online

Numeri 19 - William Morgan Bible 1588 original edition bible

Numeri 19

¹Am y fuwch goch, a dwfr y nailltuaeth. 14 Am vn a fyddo marw mewn pabell. 16 Ac am gyffwrdd a pheth aflan. Llefarodd yr Arglwydd hefyd wrth Moses, ac wrth Aaron, gan ddywedyd:

²Dymma ddeddf y gyfraith yr hon a orchymynnodd yr Arglwydd gan ddywedyd: llefara wrth feibion Israel am ddwyn ohonynt attat anner gôch berffaith-gwbl yr hon ni byddo anaf arni, ac nid aeth iau arni.

³A rhoddwch hi at Eleazar yr offeiriad, a phared efe ei dwyn hi o’r tu allan i’r gwerssyll, a lladded [vn] hi ger ei fron ef.

⁴A chymmered Eleazar yr offeiriad [beth] oi gwaed hi ar ei fŷs, a thaenelled oi gwaed hi, ar gyfer wyneb pabell y cyfarfod saith waith.

⁵A llosced [vn] yr anner yn ei olwg ef, ei chroen ai chîg, ai gwaed yng-hyd ai biswel a lysc efe.

⁶A chymmered yr offeiriad bren Cedr, ac Yssop, ac scarlat, a bwried i ganol lloscfa yr anner.

⁷A golched yr offeiriad ei wiscoedd, troched hefyd ei gnawd mewn dwfr, ac wedi hynny deued i’r gwerssyll, ac aflan fydd yr offeiriad hyd yr hwyr.

⁸Felly golched yr hwn ai llosco hi ei ddillad mewn dwfr, a golched hefyd ei gnawd mewn dwfr, ac aflan fydd hyd yr hwyr.

⁹A chascled vn glân ludw’r anner, a gadawed o’r tu allan i’r gwerssyll mewn lle glân: a bydded gan gynnulleidfa meibion Israel yng-hadw yn ddwfr nailltuaeth: pech-aberth yw.

¹⁰Yna golched yr hwn a gasclo ludw yr anner ei ddillad, aflan fydd hyd yr hwyr, a bydded hyn i feibion Israel ac i’r dieithr a ymdeithio yn eu mysc hwynt yn ddeddf dragywyddol.

¹¹A gyffyrddo a marw [sef] wrth vn gelain dŷn, aflan fydd saith niwrnod.

¹²Ymlanhaed trwy [y dwfr] hwnnw y trydydd dydd, a’r seithfed dydd glân fydd: ac os y trydydd dydd nid ymlanha efe, yna ni bydd efe lân y saithfed dydd.

¹³Pôb vn a gyffyrddo ag vn marw [sef] wrth gelain dyn yr hwn fyddo wedi marw, ac nid ymlanhâ, efe fydd vn yn halogi tabernacl yr Arglwydd: a thorrir ymmaith yr enaid hwnnw oddi wrth Israel, am na thaenellodd ddwfr nailltuaeth arno, aflan fydd efe, ei aflendid [sydd] ynddo etto.

¹⁴Dymma gyfraith dyn pan fyddo marw mewn pabell, pôb vn a ddelo i’r babell, a phôb vn a [fyddo] yn y babell fydd aflan saith niwrnod.

¹⁵A phôb llestr agored yr hwn ni byddo cadach wedi ei rwymo drosto aflan [yw] efe.

¹⁶Pôb vn hefyd a gyffyrddo ar wyneb y maes wrth vn wedi ei ladd a chleddyf, neu wrth vn marw, neu wrth ascwrn dŷn, neu wrth fedd, a fydd yn aflan saith niwrnod.

¹⁷Am hynny cymmerant tros yr aflan o ludw llosc yr offrwm tros bechod, a rhodded atto ddwfr rhedegoc mewn llestr.

¹⁸A chymmered Yssop a golched vn dihalogedic [ef] mewn dwfr, a thaenelled ar y babell, ac ar yr holl lestri, ac ar yr holl ddynion y rhai a fyddant yno, ac ar yr hwn a gyffyrddodd wrth ascwrn, neu wrth vn wedi eiladd, neu wrth vn wedi marw, neu wrth fedd.

¹⁹A thaenelled y glân ar yr aflan y trydydd dydd, a’r seithfed dydd, ac ymlanhaed efe y seithfed dydd, yna golched ei ddillad, ac ymolched mewn dwfr a glân fydd yn yr hwyr.

²⁰Ond y gŵr yr hwn a halogir, ac nid ymlanhâ, torrir ymmaith yr enaid hwnnw o fysc y gynnulleidfa: canys efe a halogodd gyssegr yr Arglwydd, ni thaenellwyd arno ddwfr y nailltuaeth, aflan [yw] efe.

²¹A bydd iddynt yn ddeddf dragywyddol, y golch yr hwn a daenello dwfr y nailltuaeth ei ddillad: ac y bydd yr hwn a gyffyrddo a dwfr y nailltuaeth aflan hyd yr hwyr.

²²A’r hyn oll a gyffyrddo’r aflan ag ef fydd aflan: a’r dyn a gyffyrddo [a hynny] fydd aflan hyd yr hwyr.