Read William Morgan Bible 1588 original edition Numeri 21 Bible Online

Numeri 21 - William Morgan Bible 1588 original edition bible

Numeri 21

¹Israel yn gorchfygu Arad. 6 Seirph tanllyd. 10 Israel yn cerdded rhagddo. 24 ac yn gorchfygu Sehon, ac Og. A brenin Arad y Cananead presswylydd y dehau a glybu fod Israel yn dyfod [rhyd] ffordd yr spiwyr, ac a ryfelodd yn erbyn Israel, ac a gaeth-gludodd gaeth-glud oddi arno.

²Yna yr addunodd Israel adduned i’r Arglwydd, ac a ddywedodd: os gan roi y rhoddi y bobl ymma yn fy llaw, yna mi a ddifrodaf eu dinasoedd hwynt.

³A gwrandawodd yr Arglwydd ar lais Israel, ac a roddodd y Cananeaid [yn ei law] ef, ac efe ai difrododd hwynt, ai dinasoedd, ac a alwodd henw y lle [hwnnw] Horma.

⁴A chychwnnasant o fynydd Hor, [rhyd] ffordd y môr coch, i amgylchu tîr Edom: a chyfyng ydoedd ar enaid y bobl, o herwydd y ffordd.

⁵Yna y llefarodd y bobl yn erbyn Duw, ac yn erbyn Moses [gan ddywedyd:] pa ham y dugasoch ni o’r Aipht i feirw yn yr anialwch? canys nid [oes] na bara na dwfr? a ffiaidd yw gan ein henaid y bara gwael [hwn.]

⁶Yna yr anfonodd yr Arglwydd ym mysc y bobl seirph tanllyd, a hwynt a frathasant y bobl, a bu feirw o Israel bobl lawer.

⁷A daeth y bobl at Moses, a dywedasant, pechasom, canys llefarasom yn erbyn yr Arglwydd, ac yn dy erbyn dithe, gweddia ar yr Arglwydd ar yrru o honaw ef y seirph oddi wrthym: a gweddiodd Moses tros y bobl.

⁸A dywedodd yr Arglwydd wrth Moses, gwna it [sarph] danllyd a gosot ar bawl: a phawb a frather, ac a edrycho ar honno fydd byw.

⁹Felly y gwnaeth Moses sarph brês, ac ai gosododd hi ar hawl: yna os brathe sarph ŵr ac edrych o honow ef ar y sarph brês, byw fydde.

¹⁰A meibion Israel a gychwnnasant [oddi yno,] ac a werssyllasant yn Oboth.

¹¹A chychwnnasant o Oboth, a gwerssyllasant yng-harneddau Abarim, yn yr anialwch yr hwn [oedd] ar gyfer Moab o [du] codiad haul.

¹²Cychwnnasant oddi yno, a gwerssyllasant wrth afon Zared.

¹³Cychwnnasant oddi yno, a gwerssyllasant wrth ryd Arnon, yr hon [sydd] yn yr anialwch yn dyfod allan o ardal yr Amoriaid: canys Arnon [oedd] derfyn Moab, rhwng Moab a’r Amoriaid.

¹⁴Am hynny y dywedir yn llyfr rhyfeloedd yr Arglwydd, y peth a wnaeth efe yn y môr coch, ac yn afonydd Arnon.

¹⁵Ac [wrth] raiader yr afonydd, hwn a dreigla i breswylfa Ar, ac a bwyssa at derfyn Moab.

¹⁶Ac oddi yno [’r aethant] i Beer, honno [yw]’r ffynnon lle y dywedodd yr Arglwydd wrth Moses, cascl y bobl yng-hyd fel y rhoddwyf iddynt ddwfr.

¹⁷Yna y cânodd Israel y gân hon: cyfot ffynnon, cenwch iddi.

¹⁸Ffynnon a gloddiodd tywysogion [ac] a gloddiodd pennaethiaid y bobl yng-hyd a’r deddfwr ai ffynn: ac o’r anialwch [yr aethant] i Mathana.

¹⁹Ac o Mathana i Nahaliel, ac o Nahaliel i Bamoth,

²⁰Ac o Bamoth [yn] y dyffryn, yr hwn [sydd] yng-wlad Moab, i ben y bryn, yr hwn sydd yn edrych tua yr diffaethwch.

²¹Yna yr anfonodd Israel gennadau at Sehon brenin yr Amoriaid, gan ddywedyd:

²²Gâd ti i mi fyned trwy dy dir ni throiwn i faes, na gwinllan, nid yfwn ddwfr [vn] ffynnon, ar hyd ffordd y brenin y cerddwn, hyd onid elom trwy dy fro.

²³Ac ni rodd Sehon i Israel ffordd trwy ei wlad, onid casclodd Sehon ei holl bobl, ac a aeth allan yn erbyn Israel tua’r anialwch: ac efe a ddaeth i Iaza, ac a ymladdodd yn erbyn Israel.

²⁴A tharawodd Israel ef a mîn y cleddyf, ac a orescynnodd ei dîr ef, o Arnon hyd Iabboc, hyd at feibion Ammon: canys cadarn [oedd] terfyn meibion Ammon.

²⁵A chymmerodd Israel yr holl ddinasoedd hynny, a thrigodd Israel yn holl ddinasoedd yr Amoriaid, yn Hespon, ac yn ei holl bentrefydd.

²⁶Canys dinas Sehon brenhin yr Amoriaid ydoedd Hespon, ac yntef a ryfelase yn erbyn brenin Moab yr hwn a fuase o’r blaen, ac a ddug ei dîr ef oddi arno hyd Arnon.

²⁷Am hynny y diarheb-wyr a ddywedant, deuwch i Hespon, adailader, a chadarnhaer dinas Sehon.

²⁸Canys tân aeth allan o Hespon [a] fflam o dref Sehon: bwyttaodd Ar [ym] Moab, [a] pherchennogion Bamoth Arnon.

²⁹Gwae di Moab, darfu am danat pobl Cemos, rhodd ei feibion diangol, ai ferched mewn caethiwed i Sehon brenin yr Amoriaid.

³⁰Pan saethasom hwynt darfu am Hespon hyd Dibon, ac anrhaithiasom hyd Nopha yr hon [sydd] hyd Mediba.

³¹A thrigodd Israel yn nhîr yr Amoriaid.

³²Yna yr anfonodd Moses i chwilio Iazer, 65 a gorchfygasant ei phen-trefydd hi, ac a orescynnasant yr Amoraid y rhai [oeddynt] yno.

³³Troesant hefyd ac aethant i fynu hyd ffordd Basan, ac Og brenin Basan a ddaeth allan yn eu herbyn hwynt i ryfel hyd Edrai, efe ai holl bobl.

³⁴A dywedodd yr Arglwydd wrth Moses, nac ofna ef, canys yn dy law di y rhoddaf ef, ai holl bobl, ai dîr, a gwnei iddo ef megis y gwnaethost i Sehon brenin yr Amorriaid, yr hwn [oedd] yn trigo yn Hespon.

³⁵Am hynny y tarawsant ef, ai feibion, ai holl bobl, fel na adawyd iddo ef weddill, a gorescynnasant ei dîr ef.