Read William Morgan Bible 1588 original edition Numeri 22 Bible Online

Numeri 22 - William Morgan Bible 1588 original edition bible

Numeri 22

¹Balac yn cyrchu Balaam i felldithio Israel, 9 Duw yn gwahardd i Balaam fyned iw melldithio hwynt. 22 yr angel yn sefyll ar ffordd Balaam, a’r assyn yn llefaru. A meibion Israel a gychwnnasant, ac a werssyllasant yn rhossydd Moab, am yr Iorddonen a Iericho.

²A gwelodd Balac mab Ziphor, yr hyn oll a wnaethe Israel i’r Amorriaid.

³Ac ofnodd Moab rhac y bobl yn fawr, canys llawer oedd, ie ymofidiodd Moab rhac meibion Israel.

⁴Yna y dywedodd Moab wrth henuriaid Madian, y gynnulleidfa hon yn awr a lyfant ein holl amgylchoedd, fel y llyfa ŷch ddail y maes: a Balac mab Ziphor [oedd] frenin ar Moab yn yr amser hwnnw.

⁵Ac efe a anfonodd gennadau at Balam fab Peor, i Petor (yr hon [sydd] wrth afon tîr meibion ei bobl) iw gyrchu ef gan ddywedyd: wele papl a ddaeth allan o’r Aipht, wele y maent yn cuddio wyneb y tîr, ac y maent yn aros ar fyng-hyfer i.

⁶Yr awran gan hynny tyret attolwg melldithia i mi y bobl ymma, canys cryfach ydynt na mi: etto ond odid gallwn daro arnynt, a gyrrwn hwynt o’r tir: canys gwn mae bendigedic [fydd] yr hwn a fendithiech, a melldigedic [fydd] yr hwn a felldithiech.

⁷Yna henuriaid Moab, ar henuriaid Madian a aethant [a gwobr] dewiniaeth yn eu dwylo, daethant hefyd at Balaam a thraethasant iddo eiriau Balac.

⁸A dywedodd yntef wrthynt, lleteuwch ymma heno, a rhoddaf i chwi atteb megis y llefaro yr Arglwydd wrthif: a thywysogion Moab a arhosasant gyd a Balaam.

⁹Yna y daeth Duw at Balaam ac a ddywedodd pwy [yw] y dynion hyn [fydd] gyd a thi?

¹⁰A dywedodd Balaam wrth Dduw, Balac mab Ziphor brenin Moab a ddanfonodd attaf [gan ddywedyd.]

¹¹Wele bobl wedi dyfod allan o’r Aipht, ac yn gorchguddio wyneb y tîr: yr awran tyret rhega hwynt i mi, felly ond odid y gallaf ryfela a hwynt, ai gyrru allan.

¹²A dywedodd Duw wrth Balaam, na ddos gyd a hwynt, na felldithia y bobl canys bendigedic ydynt.

¹³Yna y cododd Balaam y boreu ac a ddywedodd wrth dywysogion Balac: ewch i’ch gwlad, o blegit yr Arglwydd a neccaodd adel i mi fyned gyd a chwi.

¹⁴A thywysogion Moab a godasant, ac a ddaethant at Balac, ac a ddywedasant: neccaodd Balaam ddyfod gyd a ni.

¹⁵Yna Balac a anfonodd eilwaith fwy o dywysogion anrhydeddusach na’r rhai hyn.

¹⁶A daethant at Balaam ac a ddywedasant wrtho, fel hyn y dywed Balac mab Ziphor, attolwg na luddier di rhac dyfod attaf.

¹⁷Canys gan anrhydeddu i’th anrhydeddaf yn fawr, a’r hyn oll a ddywedech wrthif a wnaf: tyret tithe attolwg, rhega i mi y bobl hyn.

¹⁸Yna yr attebodd Balaam ac a ddywedodd wrth weision Balac, pe rhodde Balac i mi arian ac aur loned ei dy, ni allwn fyned tros air yr Arglwydd fy Nuw i wneuthur [dim] bychan neu fawr.

¹⁹Ond attolwg yn awr arhoswch chwithau ymma y nôs hon, fel y caffwyf wybod beth a ddywedo yr Arglwydd wrthif yn chwaneg.

²⁰A daeth Duw at Balaam [liw] nôs a dywedodd wrtho, os i’th gyrchu di y daeth y dynion hyn, cyfot dos gyd a hwynt: ac er hynny y peth a lefarwyf wrthit, hynny a wnei di.

²¹Yna y cododd Balaam yn forau, ac a gyfrwyodd ei assyn, ac a aeth gyd a thywysogion Moab.

²²Yna dig Duw a ennynnodd am iddo ef fyned, ac angel’r Arglwydd a safodd ar y ffordd iw wrthwynebu ef, ac efe yn marchogaeth ar ei assyn, ai ddau langc gyd ag ef.

²³A’r assyn a welodd angel yr Arglwydd yn sefyll ar y ffordd, ai gleddyf yn noeth yn ei law, a chillodd yr assyn o’r ffordd, ac aeth i’r maes, a tharawodd Balaam yr assyn iw throi i’r ffordd.

²⁴Yna angel yr Arglwydd a safodd ar lwybr y gwinllanoedd [a] chae o’r ddau tu.

²⁵Pan welodd yr assyn angel yr Arglwydd yna hi a ymwascodd at y pared, ac a wascodd droed Balaam wrth y pared, ac efe ai tarawodd hi eil-waith.

²⁶Ac aeth angel yr Arglwydd ym mhellach, ac a safodd mewn lle cyfyng, lle nid [oedd] ffordd i gilio tua’r tu dehau, na’r tu asswy.

²⁷A gwelodd yr assyn angel yr Arglwydd ac a orweddodd tan Balaam, yna’r enynnodd dîg Balaam, fel y tarawodd efe yr assyn a ffonn.

²⁸Ac agorodd yr Arglwydd safn yr assyn, a hi a ddywedodd wrth Balaam, beth a wneuthum it pan darewaist fi y tair gwaith hyn?

²⁹A dywedodd Balaam wrth yr assyn, am it fy siommi, ô na bydde gleddyf yn fy llaw, canys yn awr i’th laddwn.

³⁰Yna y dywedodd yr assyn wrth Balaam, onid myfi [yw] dy assyn, ar yr hon y marchogaist er pan [ydwyf eiddo] ti, hyd y dydd hwn? gan arfer a arferais i wneuthur it fel hyn? ac efe a ddywedodd, na ddo.

³¹A’r Arglwydd a agorodd lygaid Balaam, ac efe a welodd angel yr Arglwydd, yn sefyll ar y ffordd, ai gleddyf noeth yn ei law: yna efe a ogwyddodd ei ben, ac a ymgrymmodd ar ei wyneb.

³²A dywedodd angel yr Arglwydd wrtho, pa ham y tarewaist dy assyn y tair gwaith hyn? wele mi a ddeuthum allan yn wrthwynebydd [i ti:] canys cyfeiliornus yw y ffordd hon yn fyng-olwg.

³³A’r assyn a’m gwelodd, ac a giliodd rhagof y tair gwaith hyn, oni buase iddi gilio rhagof, diau yn awr y lladdaswn di, a gadawswn yn fyw y hi.

³⁴Yna y dywedodd Balaam wrth angel yr Arglwydd, pechais am na wyddwn mai ti oedd yn sefyll ar y ffordd yn fy erbyn: ac yr awran os drwg [yw] yn dy olwg, dychwelaf adref.

³⁵A dywedodd angel yr Arglwydd wrth Balaam, dos gyd a’r dynion, a’r gair a lefarwyf wrthit, hynny yn vnic a leferi: felly Balaam a aeth gyd a thywysogion Balac.

³⁶A chlybu Balac ddyfod Balaam, ac efe a aeth iw gyfarfod ef i ddinas Moab: yr hon [sydd] ar ardal Arnon, yr hon [sydd] ar gwrr y terfyn.

³⁷A dywedodd Balac wrth Balaam: onid gan anfon yr anfonais attat i’th gyrchu? pa ham na ddeuit ti attaf? oni allwn dy wneuthur di yn anrhydeddus?

³⁸A dywedodd Balaam wrth Balac, wele mi a ddeuthum attat, gan allu a allafi lefaru dim yr awran? y gair a osodo Duw yn fyng-enau hwnnw a lefaraf.

³⁹Ac aeth Balaam gyd a Balac, ac a ddaethant i gaer Huzoth.

⁴⁰A lladdodd Balac warthec, a defaid, ac a anfonodd [ran] i Balaam, ac i’r tywysogion y rhai [oeddynt] gyd ag ef.

⁴¹Ar boreu Balac a gymmerodd Balaam ac aeth ag ef i fynu i vchelfeudd Baal: fel y gwele oddi yno [gwrr] eithaf y bobl.