Read William Morgan Bible 1588 original edition Numeri 23 Bible Online

Numeri 23 - William Morgan Bible 1588 original edition bible

Numeri 23

¹Balaam yn peri i Balaac adailadu allorau, ac wedi hynny yn bendithio Israel. A dywedodd Balaam wrth Balac, adailada i mi ymma saith allor, a darpara i mi ymma saith o fustych, a saith o hyrddod.

²A gwnaeth Balac megis ac y dywedodd Balaam: ac offrymmodd Balac, a Balaam fustach a hwrdd a’r [bob] allor.

³A dywedodd Balaam wrth Balac, saf di wrth dy boeth offrwm, myfi a âf [o ddi ymma:] onid odid daw yr Arglwydd i’m cyfarfod, a mynegaf it pa air a ddangoso efe i mi, ac efe a aeth yn vwch.

⁴A chyfarfu Duw a Balaam, a dywedodd [Balaam] wrtho: darperais saith allor, ac aberthais fustach, a hwrdd ar [bob] allor.

⁵A gosododd yr Arglwydd air yng-enau Balaam, ac a ddywedodd, dychwel at Balac, a dywet fel hyn.

⁶Ac efe a ddychwelodd atto, ac wele efe a holl dywysogion Moab yn sefyll wrth ei boeth offrwm.

⁷Ac efe a gymmerodd ei ddāmeg, ac a ddywedodd, o Siria y cyrchodd Balac brenin Moab myfi, o fynyddoedd y dwyrain [gan ddywedyd: tyret melldithia i mi Iacob, tyret a ffieiddia Israel.

⁸Pa ham y rhegaf [yr hwn] ni regodd Duw? a pha ham y ffieiddiaf yr hwn ni ffieiddiodd yr Arglwydd?

⁹Canys o ben y creigiau y gwelaf ef, ac o’r brynnau yr edrychaf arno ef: wele bobl yn presswylio eu hun, ac heb eu cyfrif yng-hyd a’r cenhedloedd.

¹⁰Pwy a rif lwch Iacob, a rhifedi pedwaredd ran Israel? marw a wnelwyf o farwolaeth y rhai inion, a bydded fy niwedd fel yntef.

¹¹A dywedodd Balac wrth Balaam, beth a wnaethost i mi? i regu fyng-elynion i’th gymmerais, ac wele gan fendithio ti [ai] bendithiaist.

¹²Ac efe a attebodd ac a ddywedodd, onid yr hyn a osododd yr Arglwydd yn fyng-enau, hynny a lefaraf yn wastadol.

¹³A dywedodd Balac wrtho ef, tyret attolwg gyd amfi i le arall, lle y gwelech hwynt, oddi yno y cei weled eu cwrr hwynt yn vnic, ac ni chei eu gweled hwynt eu gyd: rhêga dithe hwynt i mi oddi yno.

¹⁴Ac efe ai cymmerodd ef i faes amlwg, i ben brynn, ac a adailadodd saith allor, ac a offrymmodd fustach, a hwrdd ar [bob] allor.

¹⁵Ac a ddywedodd wrth Balac, saf ymma wrth dy boeth offrwm, a mi a âf accw i gyfarfod [a’r Arglwydd.]

¹⁶A chyfarfu yr Arglwydd a Balaam, ac a a osododd air yn ei enau ef, ac a ddywedodd: dychwel at Balac, a dywet fel hyn.

¹⁷Ac efe a ddaeth atto, ac wele efe yn sefyll wrth ei boeth offrwm, a thywysogion Moab gyd ag ef: a dywedodd Balac wrtho, beth a ddywedodd yr Arglwydd?

¹⁸Yna y cymmerodd efe ei ddammeg, ac a ddywedodd: cyfot Balac a gwrando, mab Ziphor clustymwrando a mi.

¹⁹Nid dyn [yw] Duw i ddywedyd celwydd, na mab dyn i edifarhau, a ddywed efc, ac nis cyflawna?

²⁰Wele cymmerais arnaf fendithio: canys 66 bendithiodd efe, ac ni throafi [oddi ar] hynny.

²¹Ni wêl efe anwiredd yn Iacob, ac ni wêl drawsedd yn Israel: yr Arglwydd ei Dduw [sydd] gyd ag ef, ac [y mae] vdcorn-floedd brenin yn eu mysc hwynt.

²²Duw ai dug hwynt allan o’r Aipht, nerth vnicorn [sydd] iddo.

²³Canys nid [oes] ofer-goel yn Iacob, na dewiniaeth yn Israel: y pryd [hynn] y dywedir am Iacob, ac am Israel, beth a wnaeth Duw?

²⁴Wele pobl a gyfyd fel hên lew, ac fel llew ieuangc yr ymgyfyd, ni orwedd nes bwytta yr sclyfaeth, ac yfed gwaed y lladdedigion.

²⁵A dywedodd Balac wrth Balaam, gan regu na rega ef mwy, gan fendithio na fendithia ef y chwaith.

²⁶Yna yr attebodd Balaam ac a ddywedodd wrth Balac, oni fynegais it gan ddywedyd? yr hyn oll a lefara yr Arglwydd hynny a wnaf.

²⁷A dywedodd Balac wrth Balaam, tyret attolwg mi a’th gymmeraf i le arall: ond odid bodlon fydd gan Dduw i ti ei regu ef i mi oddi yno.

²⁸A Balac a gymmerodd Balaam i ben Peor, yr hwn a welir tua’r diffaethwch.

²⁹A dywedodd Balaam wrth Balac, adailada i mi ymma saith allor, a darpara i mi ymma saith bustach, a saith hwrdd.

³⁰A gwnaeth Balac megis y dywedodd Balaam, ac offrymmodd fustach, a hwrdd ar [bob] allor.