Read William Morgan Bible 1588 original edition Numeri 24 Bible Online

Numeri 24 - William Morgan Bible 1588 original edition bible

Numeri 24

¹Prophwydoliaeth Balaam am frenhiniaeth Israel, a dyfodiad Crist, a destruwiad yr Amaleciaid a’r Ceneaid. Pan welodd Balaam mai da oedd yng-olwg yr Arglwydd fendithio Israel: yna nid aeth efe megis o’r blaen i gyrchu dewiniaeth: onid cododd ei wyneb tua’r anialwch.

²A chododd Balaam ei lygaid, ac wele Israel yn presswylio yn ôl ei lwythau: a daeth yspryt Duw arno ef.

³Yna y cymmerodd efe ei ddammeg ac a ddywedodd, Balaam mab Peor a ddywed, a’r gŵr llygad gaead a ddywed.

⁴Gwrandawydd geiriau Duw a ddywed, ’r hwn a wel weledigaeth’r Holl alluoc, yr hwn a syrthiodd, ac a agorwyd [ei] lygaid.

⁵Morr hyfryd yw dy bebyll di ô Iacob, dy gyfanneddau di Israel.

⁶Ymestynnant fel dyffrynnoedd, ac fel gerddi wrth afon, fel Aloe-wydd a blannodd yr Arglwydd, fel y Cedr-wydd wrth ddyfroedd.

⁷Difera efe ddwfr oi stenau, ai hâd [fydd] mewn dyfroedd lawer, ai frenin a dderchefir yn vwch nac Agag, ai frenhiniaeth a ymgyfyd.

⁸Duw ai dug ef allan o’r Aipht: nerth vnicorn [sydd] iddo, bwyttu efe y cenhedloedd y rhai ai gorthrymmant ef, ac a ddryllia eu hesgyrn, ac ai saethau y gwana efe [hwynt.]

⁹Efe a grymma [ac] a orwedd fel llew ieuangc, ac fel llew hên: pwy ai cyfyd ef? bendigedic [fydd] dy fendith-wŷr, a melldigedic dy felldith-wŷr.

¹⁰Yna yr enynnodd dig Balac wrth Balaam, ac a wascodd ei ddwylo, dywedodd Balac hefyd wrth Balaam, i regu fyng-elynion i’th gyrchais, ac wele ti gan fendithio a fendithiaist y tair gwaith hyn.

¹¹Am hynny yn awr ffô di adref i’th fangre dy hun: dywedais gan anrhydeddu i’th anrhydeddwn, ac wele attaliodd yr Arglwydd di oddi wrth anrhydedd.

¹²Yna y dywedodd Balaam wrth Balac, oni lefarais wrth dy gennadau y rhai a anfonaist attaf gan ddywedyd?

¹³Pe rhodde Balac i mi arian, ac aur loned ei dŷ ni allwn drosseddu gair yr Arglwydd i wneuthur da, neu ddrwg o’m meddwl fy hun: yr hyn a lefaro yr Arglwydd hynny a lefaraf fi.

¹⁴Ond yr awran wele fi yn myned at fy mhobl: tyret mi a’th gynghoraf [am] yr hyn a ŵna y bobl hyn i’th bobl di yn y dyddiau dyweddaf.

¹⁵Ac efe a gymmerth ei ddammeg, ac a ddywedodd: Balaam mab Peor a ddywed, a’r gwr llygad gaead a ddywed.

¹⁶Dywet gwrandawydd geiriau Duw, gwybodydd gwybodaeth y Goruchaf, a gweledydd gweledigaeth yr Holl alluoc: yr hwn a syrthiodd ac yr agorwyd ei lygaid.

¹⁷Gwelaf ef, ac nid yr awran: canfyddaf ef, ond nid o agos: aiff seren o Iacob, a chyfyd teyrn-wialen o Israel: a dryllia gyrrau Moab ac a ddinistria holl feibion Seth.

¹⁸Yna Edom a orescynnir, Seir hefyd a orescynnir [gan] ei elynion: ac Israel a wna rymmuster.

¹⁹Ac arglwyddiaetha [vn] o Iacob, ac a ddinistria y gweddill o’r ddinas.

²⁰Yna efe a edrychodd ar Amalec, a chymmerodd ei ddammeg a diwedodd: dechreu cenhedloedd [yw] Amalec, ai ddiwedd a dderfydd am dano byth.

²¹Edrychodd hefyd ar y Cenead, a chymmerodd ei ddammeg, a dywedodd, cadarn [yw] dy annedd, gosot ti dy nyth yn y graig.

²²Er hynny bydd [rhai] i bori y Cenead, hyd oni i’th gaethiwo Assur.

²³Ac efe a gymmerodd ei ddammeg, ac a ddywedodd, o’ch pwy fydd byw pan osodo Duw hyn?

²⁴Llongau hefyd o draeth Cittim a orthrymmant Assur, ac a orthrymmant Eber, ac yntef a dderfydd am dano byth.

²⁵A chododd Balaam, ac aeth, ac a ddychwelodd adref, a Balac aeth hefyd iw ffordd yntef.