Read William Morgan Bible 1588 original edition Numeri 25 Bible Online

Numeri 25 - William Morgan Bible 1588 original edition bible

Numeri 25

¹Israel yn godinebu gyd a merched Moab. 7 Phinees yn lladd Cosbi a Zamri 17 Duw yn gorchymyn lladd y Madianiaid. A Thrigodd Israel yn Sittim, a dechreuodd y bobl odinebu gyd a merched Moab.

²A galwasant ar y bobl i aberthau eu duwiau hwynt, a bwyttaodd y bobl, ac addolasant eu duwiau hwynt.

³Ac ymgefeillodd Israel a Baal Peor, yna yr enynnodd digofaint yr Arglwydd yn erbyn Israel.

⁴A dywedodd yr Arglwydd wrth Moses cymmer holl bennaethiaid y bobl, a chroga hwynt i’r Arglwydd ar gyfer yr haul, fel y dychwelo llîd digofaint yr Arglwydd oddi wrth Israel.

⁵A dywedodd Moses wrth farn-wyr Israel, lleddwch bob vn ei ddynion y rhai a ymgyfeillasant a Baal Peor.

⁶Ac wele ŵr o feibion Israel a ddaeth ac a ddygodd Madianites at ei frodyr, yng-olwg Moses, ac yng-olwg holl gynnulleidfa meibion Israel: a hwynt yn ŵylo [wrth] ddrws pabell y cyfarfod.

⁷A gwelodd Phinees mab Eleazar, mab Aaron yr offeiriad, ac a gododd o ganol y gynnulleidfa, ac a gymmerodd waiw-ffon yn ei law.

⁸Ac a aeth ar ol y gŵr [o] Israel i’r lluest ac ai gwanodd hwynt ill dau, sef y gŵr o Israel a’r wraig trwy ei cheudod: ac a attalwyd y pla oddi wrth feibion Israel.

⁹A bu feirw o’r blâ bedair mil a’r hugain.

¹⁰Yna y llefarodd yr Arglwydd wrth Moses gan ddywedyd:

¹¹Phinees mab Eleazar, mab Aaron, yr offeiriad, o drôdd fy nigter oddi wrth feibion Israel, pan eiddigeddodd efe drosofi yn eu mysc fel na ddifethais feibion Israel yn fy eiddigedd.

¹²Am hynny dywet, wele fi yn rhoddi iddo fyng-hyfammod o heddwch.

¹³A bydd iddo ef, ac iw hâd ar ei ôl ef ammod o offeiriadaeth dragywyddol, am iddo eiddigeddu tros ei Dduw, a gwneuthur iawn tros feibion Israel.

¹⁴A henw y gŵr o Israel yr hwn a laddwyd [sef] yr hwn a laddwyd gyd a’r Fadianites [oedd] Zimri mab Salu pennaeth ty[ei]dâd o [lwyth] Simeon.

¹⁵A henw y wraig o Madian a laddwyd [oedd] Cozbi merch Zur: pen cenhedlaeth ym Madian oedd hwn.

¹⁶A llefarodd yr Arglwydd wrth Moses, gan ddywedyd.

¹⁷Blîna y Madianiaid, a lleddwch hwynt.

¹⁸Canys blîn ydynt arnoch trwy eu dichellion, y rhai a ddychymmygasant i’ch erbyn yn achos Peor, ac yn achos Cozbi merch tywysog Madian eu chwaer hwynt, yr hon a laddwyd yn nydd y blâ, o achos Peor.