Read William Morgan Bible 1588 original edition Numeri 27 Bible Online

Numeri 27 - William Morgan Bible 1588 original edition bible

Numeri 27

¹Merched Zalphaad yn cael tir eu tad. 12 Moses yn cael gweled tîr Canaan. 18 Iosuah yn cael swydd Moses. Yna y daeth merched Zalphaad, mab Hepher, mab Gilead, mab Machir, mab Manasses, o dylwyth Manasses mab Ioseph: (ac dymma henwau eu ferched ef, Mahola Noa, Hagla Milcha a Thirza. )

²Ac a safasant ger bron Moses, a cher bron Eleazar yr offeiriad, a cher bron y pennaethiaid a’r holl gynnulleidfa [wrth] ddrws pabell y cyfarfod, gan ddywedyd.

³Ein tad a fu farw yn yr anialwch, ac nid oedd efe ym mysc y gynnulleidfa a godasant yn erbyn yr Arglwydd yng-hynnulleidfa Corah, onid yn ei bechod ei hun y bu farw, ac nid oedd meibion iddo.

⁴Pa ham y tynnir ymmaith henw ein tâd o fysc ei dylwyth am nad oes iddo fab? dod i ni etifeddiaeth ym mysc brodyr ein tâd ni.

⁵A dug Moses eu hawl hwynt ger bron yr Arglwydd.

⁶A llefarodd yr Arglwydd wrth Moses gan ddywedyd:

⁷Y mae merched Zalphaad yn dywedyd yn inion, gan roddi dyro iddynt feddiant etifeddiaeth ym mysc brodyr eu tâd: dyro iddynt etifeddiaeth eu tâd.

⁸Llefarodd hefyd wrth feibion Israel gan ddywedyd, pan fyddo marw vn ac heb fab iddo, trosswch ei etifeddiaeth ef iw ferch.

⁹Ac oni [bydd] merch iddo, rhoddwch ei ettifeddiaeth ef iw frodyr.

¹⁰Ac oni [bydd] brodyr iddo, yna rhoddwch ei etifeddiaeth ef i frodyr ei dad.

¹¹Ac oni [bydd] brodyr iw dâd, yna rhoddwch ei etifeddiaeth ef iw gâr nessaf iddo oi dylwyth, ac etifedded [hwnnw] hi: a bydded [hyn] i feibion Israel yn ddeddf farnedic megis y gorchymynnodd yr Arglwydd wrth Moses.

¹²A dywedodd yr Arglwydd wrth Moses, dring i’r mynydd Abarim hwn, ac edrych ar y tîr yr hwn a roddais i feibion Israel.

¹³Ac wedi it edrych arno, tithe a gesclir at dy bobl, fel y casclwyd Aaron dy frawd.

¹⁴Megis yn anialwch Zin wrth gynnen y gynnulleidfa y gwrthwynebasoch fyng-air am fy sancteiddio wrth y dwfr yn eu golwg hwynt: dymma ddwfr cynnen Cades [yn] anialwch Zin.

¹⁵A llefarodd Moses wrth yr Arglwydd, gan ddywedyd:

¹⁶Arglwydd Dduw ysprydion pob cnawd, gosot vn ar y gynnulleidfa.

¹⁷Yr hwn a elo allan oi blaen hwynt, ac a ddelo i mewn oi blaen hwynt, a’r hwn ai dygo hwynt allan, ac ai dygo hwynt i mewn: fel na byddo cynnulleifa yr Arglwydd fel defaid y rhai ni [byddo] bugail arnynt.

¹⁸A dywedodd yr Arglwydd wrth Moses cymmer attat Iosuah fab Nun, gŵr yr hwn [y mae] yspryd ynddo, a gosot dy law arno.

¹⁹A dod ti ef i sefyll ger bron Eleazar yr offeiriad a cher bron yr holl gynnulleidfa, a dôd orchymyn iddo ef yn eu gŵydd hwynt.

²⁰A dod o’th ogoniant di arno ef, fel y gwrandawo holl gynnulleidfa meibion Israel [arno.]

²¹A safed ger bron Eleazar yr offeiriad, ac ymgynghored ag ef am farn yr Urim ger bron yr Arglwydd: wrth ei air ef yr ânt allan, ac wrth ei air ef y deuant i mewn, efe a holl feibion Israel gyd ag ef, a’r holl gynnulleidfa.

²²A gwnaeth Moses megis y gorchymynnodd yr Arglwydd iddo, ac a gymmerodd Iosuah, ac a barodd iddo sefyll ger bron Eleazar yr offeiriad, a cher bron yr holl gynnulleidfa.

²³Ac efe a osododd ei ddwylaw arno, ac a rodd orchymynnion iddo, megis y llefarase yr Arglwydd trwy law Moses.