Read William Morgan Bible 1588 original edition Numeri 28 Bible Online

Numeri 28 - William Morgan Bible 1588 original edition bible

Numeri 28

¹Amryw offrymmau, ac aberthau, ac amryw amseroedd. A llefarodd yr Arglwydd wrth Moses gan ddywedyd:

²Gorchymyn i feibion Israel, a dywet wrthynt, gwiliwch am offrymmu i mi fy offrwm, a’m bara i’m hebyrth tanllyd o arogl esmwyth yn ei dymmor.

³A dywet wrthynt dymma’r aberth tanllyd yr hwn a offrymmwch i’r Arglwydd: dau oen flwyddiaid berffaith-gwbl yn y dydd, yn boeth offrwm gwastadol.

⁴Un oen a offrymmi di y boreu, a’r ail oen a offrymmi di yn y cyfnos.

⁵A decfed ran Epha o beillied yn fwyd offrwm wedi ei gymmyscu trwy bedwaredd ran Hin o olew coethedic.

⁶[Dymma] y poeth offrwm gwastadol a wnaed ym mynydd Sinai, yn arogl esmwyth o aberth tanllyd i’r Arglwydd.

⁷Ai ddiod offrwm [fydd] bedwaredd ran Hin gyd a phob oen: tywallt dywalltiad diod gref i’r Arglwydd yn y cyssegr.

⁸Yr ail oen a offrymmi yn y cyfnos: megis bwyd offrwm y boreu, ai ddiod offrwm, yr offrymmi aberth tanllyd o arogl esmwyth i’r Arglwydd.

⁹Ac ar y dydd Sabboth, dau oen blwyddiaid perffaith-gwbl, a dwy ddecfed ran [Epha] o beillied yn fwyd offrwm wedi ei gymmyscu trwy olew, ai ddiod offrwm.

¹⁰Poeth offrwm y Sabboth [fydd] ar ei Sabboth, heb law y poeth offrwm gwastadol ai ddiod offrwm.

¹¹Ac ar ddechreu eich missoedd yr offrymmwch yn boeth offrwm i’r Arglwydd ddau o fustych ieuaingc, ac vn hwrdd, [a] saith oen blwyddiaid perffaith-gwbl.

¹²A thair decfed ran [Epha] o beillied yn fwyd offrwm wedi ei gymmyscu drwy olew gyd a phob bustach, a dwy ddecfed ran [Epha] o beillied yn fwyd offrwm wedi ei gymmyscu trwy olew gyd a phob hwrdd.

¹³A phob yn ddecfed ran [Epha] o beillied yn fwyd offrwm wedi ei gymmyscu drwy olew gyd a phob oen: yn offrwm poeth o arogl esmwyth yn aberth tanllyd i’r Arglwydd.

¹⁴Ai diod offrwm fydd hanner Hin gyd a bustach, a thrydedd ran Hin gyd a hwrdd, a phedwaredd ran Hin gyd ag oen, dymma wîn poeth offrwm, mis yn ei fis, trwy fisoedd y flwyddyn.

¹⁵Ac vn bwch geifr [fydd] yn bech aberth i’r Arglwydd, heb law y gwastadol boeth offrwm, yr offrymmir ef ai ddiod offrwm.

¹⁶Ac yn y mis cyntaf ar y pedwerydd dydd ar ddec o’r mîs [y bydd] Pasc yr Arglwydd.

¹⁷Ac ar y pymthecfed dydd or mîs hwn [y bydd] yr ŵyl: saith niwrnod y bwytteir bara croiw.

¹⁸Ar y dydd cyntaf [y bydd] cymanfa sanctaidd, na wnewch ddim caeth-waith.

¹⁹Ond offrymmwch yn aberth tanllyd [ac] yn boeth offrwm i’r Arglwydd ddau o fustych ieuaingc, ac vn hwrdd, a saith oen blwyddiaid: byddant gennych yn berffaith-gwbl.

²⁰Eu bwyd offrwm hefyd o beillied wedi ei gymmyscu drwy olew, [sef] tair decfed ran [Epha] gyd a bustach, a dwy ddecfed ran gyd a hwrdd a offrymmwch chwi.

²¹Bob yn ddecfed ran yr offrymmwch gyd a phob oen, o’r saith oen.

²²Ac vn bwch yn bech aberth, i wneuthur iawn drosoch.

²³Heb law poeth offrwm y boreu, yr hwn [sydd] boeth offrwm gwastadol, yr offrymmwch hyn.

²⁴Fel hyn yr offrymmwch ar [bob] dydd o’r saith niwrnod fwyd aberth tanllyd o arogl esmwyth i’r Arglwydd: heb law y poeth offrwm gwastadol yr offrymmir ef ai ddiod offrwm.

²⁵Ac ar y saithfed dydd, cymanfa sanctaidd fydd i chwi, dim caeth-waith nis gwnewch.

²⁶Ac ar ddydd eich blaen-ffrwythau, pan offrymmoch fwyd offrwm newydd i’r Arglwydd, wedi eich wythnosau, cymanfa sanctaidd fydd i chwi, dim caeth-waith nis gwnewch.

²⁷Ond offrymmwch ddau fustach ieuaingc vn hwrdd, a saith oen blwyddiaid, yn boeth offrwm, o arogl esmwyth i’r Arglwydd.

²⁸A [bydded] eu bwyd offrwm o beillied wedi ei gymmyscu drwy olew: tair decfed ran [Epha] gyd a phob bustach, dwy ddecfed ran gyd a phob hwrdd.

²⁹Bob yn ddecfed ran gyd a phob oen, o’r saith oen.

³⁰Un bwch geifr i wneuthur iawn trosoch.

³¹Heb law y poeth offrwm gwastadol, ai fwyd offrwm, yr offrymmwch [hyn:] byddant gennych yn berffaith-gwbl yng-hyd ai diod offrwm.