Read William Morgan Bible 1588 original edition Numeri 30 Bible Online

Numeri 30 - William Morgan Bible 1588 original edition bible

Numeri 30

¹Pa addunedau fydd rhaid eu cadw, a pha rai a ellir eu torri. A llefarodd Moses wrth bennaethiaid llwythau meibion Israel, gan ddywedyd: dymma y peth yr hwn a orchymynnodd yr Arglwydd.

²Pan addunedo gŵr adduned i’r Arglwydd, neu dyngu llw gan rwymo rhwymedigaeth ar ei enaid ei hun, na haloged ei air, gwnaed yn ôl yr hyn oll a ddêl allan oi enau.

³A phan addunedo benyw adduned i’r Arglwydd, a rhwymo rhwymedigaeth yn nhy ei thâd, yn ei hieuenctyd.

⁴A chlywed oi thâd ei hadduned, ai rhwymedigaeth, yr hwn a rwymodd hi ar ei henaid, a thewi oi thâd wrthi: yna safed ei holl addunedau, a phob rhwymedigaeth, yr hwn a rwymodd hi ar ei henaid a saif.

⁵Ond os ei thad a bâr iddi dorri ar y dydd y clywo efe ei holl addunedau, ai rhwymedigaethau y rhai a rwymodd hi ar ei henaid ni saif [vn:] a’madde’r Arglwydd iddi, o achos mai ei thâd a barodd iddi dorri.

⁶Ac os hi gan fod a fydd eiddo gŵr, ai haddunedau arni, neu draethiad ei gwefusau yr hwn a rwymodd hi ar ei henaid,

⁷A chlywed oi gŵr, a thewi wrthi y dydd y clywo, yna safed ei haddunedau: ai rhwymedigaethau y rhai a rwymodd hi ar ei henaid a safant.

⁸Ond os ei gŵr, ar y dydd y clywo a bâr iddi dorri, ac a ddiddymma ei hadduned, yr hwn [fydd] arni, a thraethiad ei gwefusau’r hwn a rwymodd hi ar ei henaid: yna’r Arglwydd a fadde iddi.

⁹Ond adduned y weddw, a’r yscaredic, yr hyn oll a rwymo hi ar ei henaid a saif arni.

¹⁰Ond os [yn] nhy ei gŵr yr addunedodd, neu y rhwymodd hi rwymedigaeth ar ei henaid trwy lw:

¹¹A chlywed oi gŵr, a thewi wrthi heb peri iddi dorri, yna safed ei holl addunedau, a phob rhwym yr hwn a rwymodd hi ar ei henaid a saif.

¹²Ond os ei gŵr gan ddiddymmu ai diddymma hwynt y dydd y clywo, ni saif dim a ddaeth allan oi gwefusau, oi haddunedau, ac o rwymedigaeth ei henaid, ei gŵr ai diddymmodd hwynt, ar Arglwydd a fadde iddi.

¹³Pôb adduned a phôb rhwymedigaeth llw, am gystuddio’r enaid, ei gŵr ai cadarnha, ai gŵr ai diddymma.

¹⁴Ac os ei gŵr gan dewi a dau wrthi, o ddydd i ddydd, yna y cadarnhaodd efe ei holl addunedau, neu ei holl rwymedigaethau y rhai [oeddynt] arni, cadarnhaodd hwynt, pan dawodd wrthi y dydd y clybu efe [hwynt.]

¹⁵Ac os efe gan ddiddymmu ai diddymma hwynt wedi iddo glywed: yna efe a ddwg ei hanwiredd hi.

¹⁶Dymma y deddfau y rhai a orchymynnodd yr Arglwydd wrth Moses, rhwng gŵr ai wraig, a rhwng tâd ai ferch, yn ei hieuenctyd [yn] nhŷ ei thâd.