Read William Morgan Bible 1588 original edition Numeri 31 Bible Online

Numeri 31 - William Morgan Bible 1588 original edition bible

Numeri 31

¹Lladdiad y Madianiaid, ai hyspail. 49 Y rhan o’r yspail a offrymmwyd i’r Arglwydd. A llefarodd yr Arglwydd wrth Moses gan ddywedyd:

²Dial di tros feibion Israel ar y Madianiaid, wedi [hynny] ti a gesclir at dy bobl.

³A llefarodd Moses wrth y bobl gan ddywedyd: tynnwch o honoch wyr i’r rhyfel, a byddant yn erbyn Madian, i roddi dial yr Arglwydd ar Madian.

⁴Mîl dros bôb llwyth, o holl lwythau Israel a anfonwch i’r rhyfel.

⁵A rhoddasant o filoedd Israel fil o [bôb] llwyth [sef] deuddeng mil, o rai wedi eu tynnu [i’r] rhyfel.

⁶Ac anfonodd Moses hwynt i’r rhyfel, mîl o [bôb] llwyth: hwynt a Phinees mab Eleazar yr offeiriad [a anfonodd efe] i’r rhyfel, a dodrefn y cyssegr, ac vdcyrn yr vdgân yn ei law.

⁷Yna y rhyfelasant yn erbyn Madian, megis y gorchymynnodd yr Arglwydd wrth Moses, ac a laddasant bôb gwryw.

⁸Brenhinoedd Madian hefyd, gyd ai lladdedigion [eraill] sef Efi, a Recem, a Zur, a Hur, a Reba, pum brenin Madian, Balaam hefyd mab Beor a laddasant hwy a’r cleddyf.

⁹Meibion Israel a ddaliasant hefyd yn garcharorion wragedd Madian, ai plant, ac a yspeiliasant eu holl anifeiliaid hwynt, ai holl dda hwynt, ai holl olud hwynt.

¹⁰Eu holl ddinasoedd hefyd drwy eu trigfannau, ai holl dyrau a loscasant a thân.

¹¹A chymmerasant yr holl yspail, a’r holl gaffaeliad o ddyn, ac o anifail.

¹²Ac a ddugasant at Moses, ac at Eleazar yr offeiriad, ac at gynnulleidfa meibion Israel, y carcharorion, a’r caffaeliad, a’r yspail, wrth y gwerssyll, i rosydd Moab, y rhai [ydynt] am yr Iorddonen ag Iericho.

¹³Yna Moses ac Eleazar yr offeiriad, a holl bennaduriaid y gynnulleidfa a aethant iw cyfarfod hwynt o’r tu allan i’r gwerssyll.

¹⁴A digiodd Moses wrth swyddogion y fyddin, capteniaid y miloedd, a chapteniaid y cantoedd, y rhai a ddaethant o silwriaeth y rhyfel.

¹⁵A dywedodd Moses wrthynt, a adawsoch chwi bôb benyw yn fyw?

¹⁶Wele hwynt trwy air Balaam fuant i roddi ar feibion Israel gamwedd yn erbyn yr Arglwydd, yn achos Peor, a bu pla yng-hynnulleidfa yr Arglwydd.

¹⁷Am hynny lleddwch yn awr bôb gwryw o blentyn, a lleddwch bôb benyw a fu iddi a wnaeth a gŵr.

¹⁸A phôb plentyn o’r benwyaid y rhai ni bu iddynt a wnaethant a gŵr, cedwch yn fyw i chwi.

¹⁹Ac arhoswch chwithau o’r tu allan i’r gwerssyll saith niwrnod, pôb vn a laddodd ddyn, a phôb vn a gyffyrddodd wrth laddedig, ymlanhewch y tryddydd dydd a’r seithfed dydd, chwi a’ch carcharorion.

²⁰Pôb gwisc hefyd, a phôb dodrefnun croen, a phôb gwaith o [flew] geifr, a phôb llestr pren a lanhewch chwi.

²¹A dywedodd Eleazar yr offeiriad wrth y rhyfelwyr y rhai a aethent i’r rhyfel: dymma ddeddf y gyfraith yr hon a orchymynnodd yr Arglwydd wrth Moses.

²²Yn vnic yr aur, a’r arian, a’r prês, a’r haiarn, a’r plwm.

²³[A] phôb dim yr hwn a ddaw i’r tân, a dynnwch drwy’r tân a glân fydd: ac etto efe a lanheuir mewn dwfr naillduaeth, a’r hyn oll ni ddaw i’r tân tynnwch drwy’r dwfr [yr vnic.]

²⁴Yna golchwch eich gwiscoedd ar y seithfed dydd, a glân fyddwch, ac wedi hynny deuwch i’r gwerssyll.

²⁵A llefarodd yr Arglwydd wrth Moses gan ddywedyd:

²⁶Cymmer nifer yr yspail a gaed o ddyn ac o anifail, ti ac Eleazar yr offeiriad, a phennau cenedl y gynnulleidfa.

²⁷A rhan di y caffaeliad rhwng y rhyfelwyr, y rhai a aethant i’r filwriaeth, a’r holl gynnulleidfa.

²⁸A chyfot deyrnged i’r Arglwydd gan y rhyfelwyr y rhai a aethant allan i’r filwriaeth: vn o [bôb] pum cant o’r dynion, ac o’r eidionnau ac o’r assynnod, ac o’r defaid.

²⁹Cymmerwch [hyn] oi hanner hwynt, a dyro at Eleazar yr offeiriad yn dderchafel offrwm yr Arglwydd.

³⁰Ac o hanner meibion Israel y cymmeri vn rhan, o [bôb] dec a deugain o’r dynion o’r eidionnau, o’r assynnod, ac o’r defaid, [ac] o bôb anifail: a dot ti hwynt i’r Lefiaid y rhai ydynt yn gorchwylio tabernacl yr Arglwydd.

³¹A gwnaeth Moses ac Eleazar yr offeiriad megis y gorchymynnodd yr Arglwydd wrth Moses.

³²A’r caffaeliad sef gweddill yr yspailyr hon a yspeiliase pobl y filwriaeth oedd, chwe chant mîl, a phymthec a thrugain o filoedd o ddefaid.

³³A deuddec a thrugain mîl o eidionnau.

³⁴Ac vn mil a thrugain o assynnod.

³⁵A phôb enaid dyn, o fenywod, y rhai ni buase iddynt a wnaethent a gŵr [oeddynt] ddeuddeng mîl enaid ar hugain.

³⁶A’r hanner [sef] rhan y rhai a aethent i’r rhyfel oedd o rifedi defaid drychant mîl, a dwy ar bymthec ar hugain o filoedd, a phum cant.

³⁷A theyrnged yr Arglwydd o’r defaid oedd chwechant, a phumthec a thrugain.

³⁸A’r eidionnau [oeddynt] vn mîl ar bymthec ar hugain, ai teyrnged i’r Arglwydd [oedd] deuddec a thrugain.

³⁹A’r assynnod [oeddynt] ddeng mîl ar hugain, a phum cant, ai teyrnged i’r Arglwydd [oedd] vn a thrugain.

⁴⁰A’r dynion [oeddynt] vn mil ar bymthec, ai teyrnged i’r Arglwydd [oedd] ddeuddec enaid ar hugain.

⁴¹A Moses a rodd deyrnged offrwm derchafel yr Arglwydd at Eleazar yr offairiad: megis y gorchymynnase yr Arglwydd wrth Moses.

⁴²Ac o rann meibion Israel, yr hon a rannase Moses oddi wrth y mil-wyr,

⁴³Sef rhan y gynnulleidfa o’r defaid oedd, drychant mil, a dwy ar bymthec ar hugain o filoedd, a phum cant.

⁴⁴Ac [o’r] eidionnau vn mîl ar bymthec ar hugain.

⁴⁵Ac [o’r] assynnod deng mîl ar hugain, a phum cant.

⁴⁶Ac [o’r] dynion vn mîl ar bymthec.

⁴⁷A chymmerodd Moses o hanner meibion Israel vn rhann o [bôb] dec a deugain o’r dynion, ac o’r anifeiliaid, ac ai rhoddes hwynt i’r Lefiaid y rhai oeddynt yn gorchwylio tabernacl yr Arglwydd: megis y gorchymynnase yr Arglwydd wrth Moses.

⁴⁸Yna y swyddogion y rhai [oeddynt] ar filoedd y filwriaeth a ddaethant at Moses [sef] capteniaid y miloedd, a chapteniaid y cantoedd.

⁴⁹A dywedasant wrth Moses, dy weision a gymmerasant nifer y gwŷr o ryfel, y rhai [a roddaist] dan ein dwylo ni, ac nid oes ŵr yn eisie o honom.

⁵⁰Am hynny yr offrymmwn offrwm i’r Arglwydd, pôb vn yr hyn a gaffo yn offeryn aur, yn fraichled, yn gadwyn, yn fodrwy, yn glustdlws, ac yn arffedog, i wneuthur iawn tros ein heneidiau ger bron yr Arglwydd.

⁵¹A chymerodd Moses ac Eleazar yr offeiriad yr aur ganddynt, yn ddodrefn gweithgar oll.

⁵²Ac yr ydoedd holl aur yr offrwm derchafel, yr hwn a dderchafasant i’r Arglwydd oddi wrth gapteniaid y miloedd, ac oddi wrth gapteniaid y cantoedd, yn vn mîl ar bymthec, saith gant, a dec a deugain o siclau.

⁵³Yspeiliase y gwŷr o ryfel, bôb vn iddo ei hun.

⁵⁴A chymmerodd Moses, ac Eleazar yr offeiriad yr aur gan gapteniaid y miloedd, a’r cantoedd, ac ai dugasant i babell y cyfarfod, yn goffadwriaeth dros feibion Israel, gerbron yr Arglwydd.