Read William Morgan Bible 1588 original edition Numeri 34 Bible Online

Numeri 34 - William Morgan Bible 1588 original edition bible

Numeri 34

¹Terfynau gwlâd Canaan, ai dosparth-wyr. A llefarodd yr Arglwydd wrth Moses, gan ddywedyd:

²Gorchymyn i feibion Israel a dywet wrthynt: pan ddeloch chwi i dîr Canaan, dymma y tîr a syrth i chwi yn etifeddiaeth, [sef] gwlâd Canaan tan ei therfynau.

³Yna bydded i chwi y tu dehau o anialwch Zin ger llaw Edom: a therfyn y dehau fydd i chwi, o gwrr y môr heli, tua’r dwyrain.

⁴A’r terfyn a amgylchyna i chwi o’r dehau iriw Acrabim, ac a aiff trossodd i Zin: ai fynediad allan fydd o’r dehau i Cades Barnea, ac aiff allan i faes-dref Adar, a throssodd i Azmon,

⁵A’r terfyn a amgylchyna o Azmon i afon yr Aipht, ai fynnediad ef allan a fydd tua’r gorllewyn.

⁶A therfyn y gorllewyn fydd y môr mawr i chwi, sef y terfyn hwn fydd i chwi yn derfyn gorllewyn.

⁷A hwn fydd terfyn y gogledd i chwi o’r môr mawr y terfynwch i chwi fynydd Hor.

⁸O fynydd Hor y terfynwch nes dyfod i Hamath, a diwedd y terfyn fydd Zedadah.

⁹A’r terfyn a aiff allan tua Ziphron, ai ddiwedd ef fydd* Hazar Enan, hwn fydd terfyn y gogledd i chwi.

¹⁰A therfynwch i chwi yn derfyn y dwyrain, o Hazar Enan i Sepham.

¹¹Ac aed y terfyn i wared o Sepham i Ribla, ar du dwyrain Ain, yna descynned y terfyn, ac aed hyd estlys môr Cinnereth tua’r dwyrain.

¹²Ac aiff y terfyn i wared tua’r Iorddonen, ai ddiwedd fydd y mor heli: dymma y tir fydd i chwi dan ei derfynau oddi amgylch.

¹³A gorchymynnodd Moses i feibion Israel gan ddywedyd: dymma y tîr yr hwn a rennwch yn etifeddiaethan wrth goel-bren, yr hwn y gorchymynnodd yr Arglwydd ei roddi i’r naw llwyth, ac i’r hanner llwyth.

¹⁴Canys cymmerase llwyth meibion Ruben yn ôl tŷ eu tadau, a llwyth meibion Gad yn ôl tŷ eu tadau, a hanner llwyth Manasses: cymerasant [meddaf] eu hetifeddiaeth.

¹⁵Dau lwyth a hanner llwyth a gymmerasant eu hetifeddiaeth am yr Iorddonen ag Iericho, tua â’r dwyrain oddi wrth godiad [haul.]

¹⁶Llefarodd yr Arglwydd hefyd wrth Moses gan ddywedyd:

¹⁷Dymma henwau y gwŷr y rhai a rannant y tîr yn etifeddiaethau i chwi, Eleazar yr offeiriad, ac Iosuah mab Nun.

¹⁸Ac vn pennaeth o bob llwyth a gymmerwch i rannu y tîr yn etifeddiaethau.

¹⁹Ac fel dymma henwau y gwŷr: tros lwyth Iuda, Caleb mab Iephun.

²⁰A thros lwyth meibion Simeon, Semuel mab Animihud.

²¹Tros lwyth Beniamin, Elidad mab Cislon.

²²A Bucci mab Iogli yn bennaeth tros lwyth meibion Dan.

²³O feibion Ioseph, Haniel mab Ephod yn bennaeth tros lwyth meibion Manasses.

²⁴Cemuel hefyd mab Siphtan yn bennaeth tros lwyth meibion Ephraim.

²⁵A Elisaphan mab Pharnach, yn bennaeth tros lwyth meibion Zabulon.

²⁶Paltiel hefyd mab Asan, yn bennaeth tros lwyth meibion Issachar.

²⁷Ac Ahihud mab Salomi, yn bennaeth tros lwyth meibion Aser.

²⁸Ac yn bennaeth tros lwyth meibion Nephthali, Pedael mab Ammihud.

²⁹Dymma y rhai a orchymynnodd yr Arglwydd iddynt rannu etifeddiaethau i feibion Israel yn nhîr Canaan.