Read William Morgan Bible 1588 original edition Numeri 36 Bible Online

Numeri 36 - William Morgan Bible 1588 original edition bible

Numeri 36

¹Bod yn rhaid i ferched Zalphaad, ac i bob aeres arall briodi rhai oi llwythau eu hun. Pennau cenedl tylwyth meibion Gilead, mab Machir, mab Manasses o dylwyth meibion Ioseph a ddaethant hefyd, ac a lefarasant ger bron Moses, a cher bron y pennaduriaid [sef] pennau cenedl meibion Israel.

²Ac a ddywedasant: yr Arglwydd a orchymynnod i’m harglwydd, roddi y tîr yn etifeddiaeth i feibion Israel wrth goel-bren: a’m harglwydd a orchymynnwyd gan yr Arglwydd roddi etifeddiaeth Zalphaad ein brawd iw ferched.

³Os hwynt a fyddant wragedd i rai o feibion llwythau meibion Israel, yna y tynnir ymmaith eu hetifeddiaeth hwynt oddi wrth etifeddiaeth ein tad ni, ac ai chwanegir at etifeddiaeth y llwyth y rhai y byddant hwy eiddynt, a phrinheuir ar randir ein etifeddiaeth ni.

⁴A phan fyddo y Iubili i feibion Israel, yna y chwanegir eu hettifeddiaeth hwynt, ac etifeddiaeth llwyth y rhai y byddant hwy eiddynt: a thorrir eu hetifeddiaeth hwynt, oddi wrth etifeddiaeth llwyth ein tâd ni.

⁵A gorchymynnodd Moses i feibion Israel yn ôl gair yr Arglwydd, gan ddywedyd: y mae llwyth meibion Ioseph yn dywedyd yn inion.

⁶Dymma y gair yr hwn a orchymynnodd yr Arglwydd am ferched Zalpbaad, gan ddywedyd: byddant yn wragedd i’r [rhai] y byddo da yn eu golwg eu hun, ondi rai o dylwyth llwyth eu tâd eu hun y byddant yn wragedd.

⁷Fel na threiglo etifeddiaeth meibion Israel, o lwyth i lwyth, ond glynu o feibion Israel bob vn yn etifeddiaeth llwyth ei dadau ei hun.

⁸A phob merch yn etifeddu etifeddiaeth o lwythau meibion Israel a fydd wraig i vn o dylwyth llwyth ei thâd ei hun: fel yr etifeddo meibion Israel bob vn etifeddiaeth ei dadau ei hun.

⁹Ac na threigled etifeddiaeth o lwyth i lwyth arall, canys llwythau meibion Israel a lynant bob vn yn ei etifeddiaeth ei hun.

¹⁰Megis y gorchymynnodd yr Arglwydd wrth Moses, felly y gwnaeth merched Zalphaad.

¹¹Canys Mahelah, Thirza, Hagla, Milcha, a Noa merched Zalpaad fuant yn wragedd i feibion eu hewythr.

¹²[I wŷr]o dylwyth Manasses fab Ioseph y buant yn wragedd: a bu eu hetifeddiaeth wrth lwyth tylwyth eu tâd.

¹³Dymma y gorchymynnion, a’r barnedigaethau, y rhai a orchymynnodd yr Arglwydd i feibion Israel trwy law Moses, yn rhossydd Moab, am yr Iorddonen ag Iericho.