Read William Morgan Bible 1588 original edition Numeri 4 Bible Online

Numeri 4 - William Morgan Bible 1588 original edition bible

Numeri 4

¹Swyddau y Lefiaid o ddec ar hugain hyd ddec a deugain o oed. A’r Arglwydd a lefarodd wrth Moses, ac wrth Aaron gan ddywedyd.

²Cymmer nifer meibion Cehath, o blith meibion Lefi, drwy eu teuluoedd, yn ol tŷ eu tadau.

³O fab deng mlwydd ar hugain ac vchod hyd fab deng mlwydd a deugain, pob vn a elo mewn swydd i wneuthur gwasanaeth, ym mhabell y cyfarfod.

⁴Dymma wenidogaeth meibion Cehath, ym mhabell y cyfarfod: [cludo y pethau] sanctaidd cyssegredic.

⁵Yna deued Aaron, ai feibion, pan gychwnno y gwerssyll, a thynnant i lawr y wahan-lenn orchudd, a gorchguddiant a hi Arch y destioliaeth.

⁶A gosodant ar hynny dô o grwyn daiarfoch, a thanant yn vchaf wisc o sidan glâs ei gyd a gosodant ei throssolion [wrthi.]

⁷Ac ar fwrdd* [y bara] gosod y tanant wisc o sidan glâs, a gossodant ar hynny y dysclau a’r cwppanau, a’r phiolau, a’r cafuau tywallt, a bydded bara arno bob amser.

⁸A thanant arnynt wisc o scarlat, a gorchguddiant hwnnw a gorchudd o groen daiarfoch, a gossodant ei drossolion [wrtho.]

⁹Cymmerant hefyd wisc o sidan glâs a 56 gorchguddiant ganhwyll-bren y goleuni, ai lusernau, ai efeilian, ai gafnau, a holl lestri yr olew, y rhai y gwasanaethant ef a hwynt.

¹⁰A gosodant ef, ai holl ddodrefn mewn gorchudd o groen daiar-foch, a gosodant [ef] ar drossol.

¹¹A thanant wisc o sidan glâs ar yr allor aur, a gorchguddiant hi a gorchudd o groen daiar-foch, a gosodant ei throssolion [wrthi.]

¹²Cymmerant hefyd holl ddodrefn y gwasanaeth, y rhai y gwasanaethant a hwynt yn y cyssegr, a rhoddant mewn gwisc o sidan glâs, a gorchguddiant hwynt mewn gorchudd o groen daiar-foch, a gosodant ar drossol.

¹³A thynnant allan ludw’r allor, a thanant arni wisc borphor.

¹⁴A rhoddant arni ei holl lestri, y rhai y gwasanaethant hi ant, hwy [sef] y pedill tân, y cigweiniau, y rhawiau hefyd a’r cawgiau, [ie] holl lestri yr allor: a thanant arni orchudd o groen daiar-foch, a gosodant ei throssolion wrthi.

¹⁵Pan ddarffo i Aaron ac iw feibion orchguddio y cyssegr, a holl ddodrefn y cyssegr, pan gwchwnno y gwerssyll: wedi hynny deued meibion Cehath, iw dwyn [hwynt:] ond na chyffyrddant a’r hyn a fyddo cyssegredic, rhac iddynt farw: dymma glud meibion Cehath, ym mhabell y cyfarfod.

¹⁶A gorchwyliaeth Eleazer mab Aaron yr offeiriad [fydd] olew y goleuni, a’r arogldarth llysseuoc, a’r bwyd offrwm gwastadol, ac olew yr eneiniad [a] gorchwyliaeth yr holl dabernacl a’r hyn oll [fydd] ynddo, yn y cyssegr ai holl ddodrefn.

¹⁷A llefarodd yr Arglwydd wrth Moses, ac Aaron gan ddywedyd:

¹⁸Na thorrwch ymmaith lwyth tylwyth y Cehathiaid o blith y Lefiaid:

¹⁹Ond hyn a wnewch iddynt, fel y byddant fyw, ac na fyddant feirw: pan nessânt at y sanctaidd bethau cyssegredic, Aaron ai feibion a ddeuant ac ai gosodant hwynt bob vn ar ei wasanaeth, ac at ei glud.

²⁰Ond na ddeuant i edrych ar orchguddio yr hynn sydd gyssegredic i farw o honynt.

²¹A’r Arglwydd a lefarodd wrth Moses gan ddywedyd:

²²Cymmer nifer meibion Gerson hefyd yn ôl tŷ eu tadau, trwy eu teuluoedd.

²³O fab deng-mlwydd ar hugain ac vchod, hyd fab deng-mlwydd a deugain y rhifi hwynt: pob vn a ddel i ddwyn swydd, gan wasanaethu gwasanaeth ym mhabell y cyfarfod.

²⁴Dymma wenidogaeth tylwyth y Gersoniaid, o wasanaeth ac o glud.

²⁵Sef dwyn o honynt lennau y tabernacl a phabell y cyfarfod, ei len dô ef, ar tô [o grwyn] daiar-foch, yr hwn [fydd] yn vchaf arno, a chudd-lenn drws pabell y cyfarfod.

²⁶A throelloc lennau y cynteddfa, a chaeadlen drws porth y cynteddfa yr hwn [sydd] ynghylch y tabernacl a’r allor o amgylch ai rhaffau, a holl offer eu gwasanaeth hwynt, a’r hyn oll a wnaed iddynt, fel y gwasanaethant.

²⁷Wrth orchymmyn Aaron ai feibion y bydd holl wasanaeth meibion y Gersoniaid, yn eu holl glud ac yn eu holl wasanaeth: a dodwch attynt eu holl glud iw cadw.

²⁸Dymma wasanaeth tylwyth meibion y Gersoniaid ym mhabell y cyfarfod, ac ar law Ithamar mab Aaron yr offeiriad [y bydd] eu llywodraethu hwynt.

²⁹[Yna] meibion Merari: drwy eu teuluoedd, wrth dŷ eu tadau y cyfrifi hwynt:

³⁰O fab deng-mlwydd ar hugain ac vchod hyd fab deng-mlwydd a deugain, y rhifi hwynt: pob vn a ddêle i ddwyn swydd i wasanaethu gwasanaeth pabell y cyfarfod.

³¹Ac dymma orchwyliaeth eu clud hwynt yn eu holl wasanaeth ym mhabell y cyfarfod: [sef] ystyllod y tabernacl, ai farrau, ai golofnau, ai forteisiau.

³²A cholofnau y cynteddfa oddi amgylch ai morteisiau, ai hoelion, ai rhaffau yng-hyd ai holl offer, ac ynghyd ai holl wasanaeth: rhifwch hefyd y dodrefn erbyn eu henwau y rhai a orchwyliant [ac] a gludant hwy.

³³Dymma wasanaeth tylwyth meibion Merari yn eu holl wenidogaeth, ym mhabell y cyfarfod, dan law Ithamar fab Aaron yr offeiriad.

³⁴A rhifodd Moses, ac Aaron, a phennaethiaid cynnulleidfa meibion Cehath drwy eu teuluoedd, ac yn ôl tŷ eu tadau:

³⁵O fab deng-mlwydd ar hugaiu ac vchod, ac hyd fab deng-mlwydd a deugain, [sef] pob vn a ddele mewn swydd i wasanaethu ym mhabell y cyfarfod.

³⁶Ai rhifedigion drwy eu teuluoedd oedd, ynt ddwy fil, saith cant, a dec a deugain.

³⁷Dymma rifedigion tylwyth y Cehathiaid [sef] pob gwasanaethudd ym mhabell y cyfarfod: y rhai a rifodd Moses ac Aaron wrth orchymyn yr Arglwydd drwy law Moses.

³⁸Rhifedigion meibion Gerson hefyd drwy eu teuluoedd, ac yn ol tŷ eu tadau [oeddynt,]

³⁹O fab deng-mlwydd ar hugain ac vchod, ac hyd fab deng-mlwydd a deugain, [sef] pob vn a ddele mewn swydd i wasanaeth ym mhabell y cyfarfod.

⁴⁰Ai rhifedigion hwynt drwy eu teuluoedd ac yn ôl tŷ eu tadau oeddynt ddwy fil, a chwechant, a dec ar hugain.

⁴¹Dymma rifedigion tylwyth meibion Gerson [sef] pob gwasanaethudd ym mhabell y cyfarfod, y rhai a rifodd Moses ac Aaron wrth orchymyn yr Arglwydd.

⁴²A rhifedigion tylwyth meibion Merari, drwy eu teuluoedd, ac yn ôl tŷ eu tadau [oeddynt,]

⁴³O fab deng-mlwydd ar hugain ac vchod, ac hyd fab deng-mlwydd a deugain, [sef] pob vn a ddelo mewn swyddi wasanaethu ym mhabell y cyfarfod.

⁴⁴Ai rhifedigion hwynt drwy eu teuluoedd oeddynt, dair mil, a dau cant.

⁴⁵Dymma rifedigion tylwyth meibion Merari y rhai a rifodd Moses ac Aaron wrth orchymyn yr Arglwydd drwy law Moses.

⁴⁶Yr holl rifedigion y rhai a rifodd Moses ac Aaron, a phennaethiaid Israel o’r Lefiaid drwy eu teuluoedd ac yn ôl tŷ eu tadau [oeddynt,]

⁴⁷O fab deng-mlwydd ar hugain ac vchod, ac hyd fab deng-mlwydd a deugain [sef] pob vn a ddele i wneuthur gwaith gwasanaeth, neu waith clud ym mhabel y cyfarfod.

⁴⁸Ai rhifedigion oeddynt wyth mil, pump cant, a phedwar vgain.

⁴⁹Wrth orchymyn yr Arglwydd trwy law Moses, y rhifodd efe hwynt, pob vn wrth ei wasanaeth, ac wrth ei glud: ai rhifedigion [oeddynt] y rhai a orchymynnase yr Arglwydd wrth Moses.