Read William Morgan Bible 1588 original edition Numeri 6 Bible Online

Numeri 6 - William Morgan Bible 1588 original edition bible

Numeri 6

¹Cyfraith y Nazareaid. 24 Bendithiad y bobl. Llefarodd yr Arglwydd hefyd wrth Moses gan ddywedyd:

²Llefara wrth feibion Israel, a dywet wrthynt, pan ymnailltuo gŵr neu wraig i addo adduned Nazaread, gan ymnailltuo i’r Arglwydd.

³Ymnailltued oddi wrth wîn a diod gref, nac yfed efe finegr gwîn, na finegr diod gref: nac yfed ychwaith ddim sugn grawn-win, ac na fwyttaed rawn-win irion, na sychion.

⁴Holl ddyddiau ei Nazareaeth ni chaiff fwytta o ddim oll a wneir o winwydden y gwîn, o’r dingcod hyd y bilionen.

⁵Holl ddyddiau adduned ei Nazareaeth, ni chaiff ellyn fyned ar ei ben, nes cyflawni y ddydiau y rhai yr ymnailltuodd i’r Arglwydd, sanctaidd fydd, gadawed i gydynnau gwallt ei benn dyfu.

⁶Holl ddyddiau ei ymnailltuaeth i’r Arglwydd na ddeued at gorph marw.

⁷Nac ymhaloged wrth ei dâd, neu wrth ei fam, wrth ei frawd, neu wrth ei chwaer pan fyddant feirw: am [fod] Nazareaeth ei Dduw ef ar ei benn.

⁸Holl ddyddiau ei Nazareaeth sanctaidd fydd efe i’r Arglwdd.

⁹Ond os y marw a fydd marw wrtho ef yn ddisymmwth ddiatreg, a hologi penn ei Nazareaeth: yna eillied ei benn ar ddydd ei buredigaeth, ar y saithfed dydd yr eillia efe ef.

¹⁰Ac ar yr wythfed dydd y dwg ddwy durtur, neu ddau gyw colomen at yr offeiriad i ddrws pabell y cyfarfod.

¹¹A pharatoed yr offeiriad vn yn bech aberth, ac vn yn boeth offrwm, a gwnaed iawn drosto, am yr hyn a becho wrth y marw: a saincteiddied ei benn ef y dydd hwnnw.

¹²A nailltued i’r Arglwydd ddyddiau ei Nazareaeth, a dyged oen blwydd yn gamwedd offrwm: ac aed y dyddiau cyntaf yn ofer, am halogi ei Nazareaeth ef.

¹³Ac dymma gyfraîth y Nazaread: pan gyflawno dyddiau ei Nazareaeth dyged hyn i ddrws pabell y cyfarfod.

¹⁴Sef dyged yn offrwm drosto i’r Arglwydd vn hesbwrn blwydd, perffaith gwbl yn boeth offrwm, ac vn hespin flwydd berffaith gwbl yn bech-aberth, ac vn hwrdd perffaith gwbl yn aberth hedd.

¹⁵Cawelled o fara croiw hefyd [sef] teissennau peilliaid wedi eu telino drwy olew, ac afrllad croiw, wedi eu hiro ag olew, ai bwyd offrwm, ai diod offrwm hwynt.

¹⁶A dyged yr offeiriad [hwynt] ger bron yr Arglwydd, ac offrymmed ei bech aberth ai bceth offrwm ef.

¹⁷Offrymmed hefyd yr hwrdd yn aberth hedd i’r Arglwydd, yng-hyd a’r cawelled bara croiw, ac offrymmed yr offeiriad ei fwyd offrwm ai ddiod offrwm.

¹⁸Ac eillied y Nazaread [wrth] ddrws pabell y cyfarfod ben ei Nazareaeth, a chymmered flew penn ei Nazareaeth, a rhodded ar y tan, yr hwn [fydd] tann yr aberth hedd.

¹⁹Cymmered yr offeiriad hefyd balfais o’r hwrdd wedi ei berwi, ac vn deissen groiw o’r cawell, ac vn afrlladen groiw, a rhodded ar gledr dwylo y Nazaread, wedi eillo o honaw ei Nazareaeth.

²⁰A chwhwfaned yr offeiriad hwynt, yn offrwm cwhwfan ger bron yr Arglwydd: sanctaidd yw hyn i’r offeiriad, heb law parwyden y cwhwfan a phalfais y derchafel: ac wedi [hyn] y caiff y Nazaread yfed gwîn.

²¹Dymma gyfraith y Nazaread, yr hwn a addunedodd ei offrwm i’r Arglwydd, am ei Nazareaeth, heb law yr hyn a gyrhaeddo ei law ef, fel [y byddo] ei adduned yr hon a addunedo, felly gwnaed, heb law cyfraith ei Nazareaeth.

²²Llefarodd yr Arglwydd hefyd wrth Moses, gan ddywedyd:

²³Llefara wrth Aaron ac wrth ei feibion gan ddywedyd: fel hyn y bendithiwch feibion Israel [gan] ddywedyd wrthynt.

²⁴Bendithied yr Arglwydd di, a chadwed di

²⁵[A] llewyrched yr Arglwydd ei wyneb arnat, a thrugarhaed wrthit.

²⁶Derchafed yr Arglwydd ei wyneb arnat, a gosoded it dangneddyf,

²⁷Felly y gosodant fy enw ym mysc meibion Israel, a mi ai bendithiaf hwynt.