Read William Morgan Bible 1588 original edition Numeri 8 Bible Online

Numeri 8 - William Morgan Bible 1588 original edition bible

Numeri 8

¹Trefn y lusernau. 4 Gwaith y canhwyll-bren. 6 Puredigaeth y Lefiaid. 24 Ar ba oedran y caent ddechreu a diweddu eu gwasanaeth. A’r Arglwydd a lefarodd wrth Moses gan ddywedyd:

²Llefara wrth Aaron a dywet wrtho, pan roddech i fynu y lusernau, llewyrched y saith lusern ar gyfer wyneb y canhwyll-bren.

³Ac felly y gwnaeth Aaron, ar gyfer wyneb y canhwyll-bren y goleuodd efe ei lusernau ef megis y gorchymynnodd yr Arglwydd wrth Moses.

⁴Dymma waith y canhwyll-bren, cyfanwaith o aur [fydd] hyd ei balader [ie] hyd ei flodau cyfan-waith fydd, yn ol y dull a ddangosodd yr Arglwydd i Moses felly y gweithia efe y canhwyll-bren.

⁵Llefarodd yr Arglwydd hefyd wrth Moses gan ddywedyd:

⁶Cymmer y Lefiaid o fysc meibion Israel a phura hwynt.

⁷Ac fel hyn y gwnei iddynt iw pûro: taenella arnynt ddwfr puredigaeth, a gwnant i’r ellyn fyned tros eu holl gnawd hwynt, a golchant eu gwiscoedd ac ymlanhânt.

⁸Yna cymmerant fustach ieuangc, ai fwyd offrwm o beillied wedi ei gymmyscu trwy olew, a’r ail bustach ieuangc a gymmeri di yn aberth tros bechod.

⁹A phâr i’r Lefiaid ddyfod o flaen pabell y cyfarfod, a chynnull holl gynnulleidfa meibion Israel.

¹⁰Yna pâr i’r Lefiaid ddyfod ger bron yr Arglwydd, a gosoded meibion Israel eu dwylo ar y Lefiaid,

¹¹Ac offrymmed Aaron y Lefiaid ger bron yr Arglwydd, yn offrwm o feibion Israel, a byddant hwy i wasanaethu gwasanaeth yr Arglwydd.

¹²A gosoded y Lefiaid eu dwylo ar ben y bustych: a pharatoa vn yn bech aberth, a’r llall yn offrwm poeth i’r Arglwydd i wneuthur iawn tros y Lefiaid.

¹³Yna gosod y Lefiaid ger bron Aaron, a cher bron ei feibion, ac offrwm di hwynt yn offrwm i’r Arglwydd.

¹⁴A nailltua y Lefiaid o blith meibion Israel, a bydded y Lefiaid eiddofi.

¹⁵Wedi hynny deued y Lefiaid i wasanaethu pabell y cyfarfod: a phûra di hwynt, ac offrymma hwynt yn offrwm.

¹⁶Canys hwynt a roddwyd yn rhodd i mi o blith meibion Israel: yn lle agorydd pôb crôth [sef] pôb cyntafanedic o feibion Israel) y cymmerais hwynt i mi.

¹⁷Canys i mi [y daeth] pôb cyntafanedic ym mhlith meibion Israel, o ddyn ac o anifail: er y dydd y tarewais bôb cyntafanedic yng-wlad yr Aipht y sancteiddiais hwynt i mi fy hûn.

¹⁸A chymmerais y Lefiaid yn lle pôb cyntafanedic o feibion Israel.

¹⁹A rhoddais y Lefiaid yn rhodd i Aaron, ac iw feibion o blith meibion Israel, i wasanaethu gwasanaeth meibion Israel ym mhabell y cyfarfod, ac i wneuthur iawn tros feibion Israel, fel na byddo plâ ar feibion Israel, wrth ddyfod o feibion Israel i’r cyssegr.

²⁰Yna y gwnaeth Moses ac Aaron a holl gynnulleidfa meibion Israel i’r Lefiaid yn ol yr hyn oll a orchymynnase yr Arglwydd wrth Moses am y Lefiaid: felly y gwnaeth meibion Israel iddynt.

²¹A’r Lefiaid a ymburasant, ac a olchasant eu dillad: ac Aaron ai hoffrymmddd hwynt yn offrwm ger bron yr Arglwydd: a gwnaeth Aaron iawn trostynt iw glanhau.

²²Wedi hynny y Lefiaid a ddaethant i wasanaethu gwasanaeth ym mhabell y cyfarfod, ger bron Aaron ai feibion: megis y gorchymynnodd yr Arglwydd wrth Moses am y Lefiaid, felly y gwnaeth efe iddynt.

²³A’r Arglwydd a lefarodd wrth Moses gan ddywedyd:

²⁴Dymma yr hynn [a wneir] i’r Lefiaid: o fab pum mlwydd ar hugain ac vchod y deuant i filwrio milwriaeth yng-wasanaeth pabell y cyfarfod.

²⁵Ac o fab deng-mlwydd a deugain y caiff vn ddychwelyd yn ei ol o filwriaeth y gwasanaeth fel na wasanaetho mwy.

²⁶Ond gwasanaethed gyd ai frodyr ym mhabell y cyfarfod, i orchwylio: ac na wasanaethed y gwasanaeth: fel hyn y gwnei i’r Lefiaid yn eu gorchwyliaeth.