Read William Morgan Bible 1588 original edition Numeri 9 Bible Online

Numeri 9 - William Morgan Bible 1588 original edition bible

Numeri 9

¹Cadwriaeth gwyl y Pasc. 15 Cwmwl y cyfarwydd-dab. Yr hwn tra safe ar y tabernacl ni syfle yr Israeliaid oi hun man: a thra fydde oddi arno ni thorrent ar eu cerdded. A’r Arglwydd a lefarodd wrth Moses yn anialwch Sinai, yn yr ail flwyddyn wedi eu dyfod hwynt allan o dir yr Aipht, ar y mîs cyntaf gan ddywedyd:

²*Cadwed meibion Israel y Pasc hefyd yn ei dymmor.

³Ar y pedwerydd dydd ar ddec or mîs hwn, yn y cyfnos y cedwch ef yn ei dymmor: yn ôl ei holl ddeddfau, ac yn ôl ei holl ddefodau y cedwch ef.

⁴Felly y llefarodd Moses wrth feibion Israel am gadw y Pasc.

⁵A chadwasant y Pasc, ar y [mîs] cyntaf, ar y pedwerydd dydd ar ddec o’r mîs yn y cyfnos yn anialwch Sanai: yn ol yr hyn oll a orchymynnase yr Arglwydd wrth Moses, felly y gwnaeth meibion Israel.

⁶Ac yr oedd dynion y rhai oeddynt wedi eu halogi wrth gelain dyn, ac ni allent gadw y Pasc ar y dydd hwnnw, yna y ddaethant ger bron Moses a cher bron Aaron, ar y dydd hwnnw.

⁷A’r dynion hynny a ddywedasant wrtho nyni [ydym] wedi ein halogi wrth gorph dyn marw: pa ham i’n gwaherddir rhac offrymmu offrwm i’r Arglwydd yn ei dymmor, ym mysc meibion Israel?

⁸A dywedodd Moses wrthynt, sefwch a mi a wrandawaf beth a orchymynno yr Arglwydd o’ch plegit.

⁹A’r Arglwydd a lefarodd wrth Moses gan ddywedyd:

¹⁰Llefara wrth feibion Israel gan ddywedyd pan fyddo neb wedi ei halogi gan gorph marw, neu [neb]o honoch neu o’ch cenhedlaethau mewn-ffordd bell, etto cadwed Basc i’r Arglwydd.

¹¹Ar y pedwerydd dydd ar ddec o’r ail mîs yn y cyfnos y cadwant ef: yng-hyd a bara croiw, a dail chwerwon y bwyttànt ef.

¹²Na weddillant[ddim]o honaw hyd y boreu, ac na thorrant ascwrn ynddo: yn ôl holl ddeddf y Pasc y cadwant ef.

¹³A’r gwr yr hwn a fyddo glân, ac heb fod mewn taith, ac a oedo gadw’r Pasc, torrir ymmaith yr enaid hwnnw o fysc ei bobl, am na offrymmodd offrwm yr Arglwydd yn ei dymmor, ei bechod a ddwg y gŵr hwnnw.

¹⁴A phan ymdeithio dieithr gyd a chwi cadwed hefyd Basc yr Arglwydd, fel [y byddo] deddf y Pasc ai ddefod, felly y ceidw: yr vn deddf fydd i chwi, sef i’r dieithr ac i’r vn sydd ai anedigaeth o’r wlâd.

¹⁵Ac ar y dydd y codwyd y tabernacl cwmwl a gaeodd am y tabernacl tros babell y destiolaeth, ac yr ydoedd ar y tabernacl fel tân o hwyr hyd forau.

¹⁶Felly yr ydoedd yn wastadol: y cwmwl agaie am dano y dydd, ond y nos lliw tân [ydoedd.]

¹⁷Ac fel y cyfode y cwmwl oddi ar y babell, felly wedi hynny y cychwnne meibion Israel: ac yn y lle yr hwr yr achose y cwmwl ynddo, yno y gwerssylle meibion Israel.

¹⁸Wrth amnaid yr Arglwyd y cychwnne meibion Israel, ac wrth amnaid yr Arglwydd y gwerssyllent: yr holl ddyddiau yr arhose y cwmwl ar y tabernacl y gwerssyllent hwy.

¹⁹A phan drigc y cwmwl yn hîr ar y tabernacl lawer o ddyddiau, yna meibion Israel a gadwent wiliadwriaeth yr Arglwydd, ac ni chychwnnent.

²⁰Ac os bydde y cwmwl ychydic o ddyddiau ar y tabernacl wrth amnaid yr Arglwydd y gwerssyllent, ac wrth amnaid yr Arglwydd y cychwnnent.

²¹Hefyd os bydde y cwmwl o hwyr hyd forau, a chyfodi o’r cwmwl y borau, hwythau a symmudent: pa vn bynnac ai dydd ai nos [fydde] pan gyfode y cwmwl yna y cychwnnent.

²²Os deu-ddydd, os mîs, os blwyddyn [fydde] tra y trige y cwmwl ar y tabernacl gan aros arno, meibion Israel a werssyllent, ac ni chychwnnent, ond pan gode efe y cychwnnent.

²³Wrth air yr Arglwydd y gwerssyllent, ac wrth air yr Arglwydd y cychwnnent, [felly] y cadwent wiliadwriaeth yr Arglwydd, yn ol gair yr Arglwydd trwy law Moses.