Read William Morgan Bible 1588 original edition Michaes 1 Bible Online

Michaes 1 - William Morgan Bible 1588 original edition bible

Michaes 1

¹Anrhraith Samaria am eu gaû-dduwiaeth. Gair yr Arglwydd yr hwn a ddaeth at Micheas y Morastiad yn nyddiau Iotham, Ahas, a Hezeciah brenhinoedd Iuda: yr hwn a welodd efe am Samaria, ac Ierusalem.

²Gwrandewch bobl oll, ystyria dithe y ddaiar ac sydd ynddi, a bydded yr Arglwydd Dduw yn dŷst i’ch erbyn, [sef] yr Arglwydd oi Deml sanctaidd.

³Canys wele’r Arglwydd yn dyfod oi [sanctaidd] le, efe hefyd a ddescyn, ac a gerdd ar vchelderau y ddaiar.

⁴A’r mynyddoedd a doddant tano ef, a’r glynnoedd a ymholldant fel cŵyr o flaen y tân, [ac] fel y dyfroedd a fwrir ar y goriwared.

⁵Hyn ei gyd [a fydd] am anwiredd Iacob, ac am bechod tŷ Israel, beth [yw] anwiredd Iacob? onid Samaria? pa rai [ynt] vchel-leoedd Iuda? onid Ierusalem?

⁶Am hynny y gosodaf Samaria yn garnedd faes [dda] i blannu gwin-llan, a gwnaf iw cherric lithro i’r dyffryn, a datcuddiaf ei sylfaenau.

⁷Ai holl ddelwau cerfiedic a ddryllîr, ai holl wobrau a loscir yn tân, ai holl eulynnod a osodaf yn anrhaithiedic: o herwydd o wobr putteindra a casclwyd [hwynt,] ac yn wobr putteindra y dychwelir hwynt.

⁸O herwydd hyn galaraf, ac vdaf, cerddaf yn noeth, ac yn llwm, dygaf alar fel dreigiau, a gofid fel cywion yr estris.

⁹O herwydd dolurus yw eu harcholl, canys daeth hyd at Iuda, ac hyd borth fy mhobl hyd Ierusalem.

¹⁰Na fynegwch [hyn] yn Gath, gan ŵylo nac ŵylwch: ymdreiglwch [mewn] llŵch dros dŷ Aphra.

¹¹Dos heibio presswyl-ferch Saphir yn noeth warthus: ni ddaw presswyl-ferch Zaanan allan wrth allor Bethezel: cymmer efe gennwch ei sefyllfan.

¹²Canys trig-ferch Maroth a fydd ddrwg genddi am y da, canys drwg a ddescynn oddi wrth yr Arglwydd ar borth Ierusalem.

¹³Presswyl-ferch Lachis rhwym y cerbyd wrth y buan-farch, dechreuad pechod [oedd] hi i ferch Sion, canys ynot ti y cafwyd anwiredd Israel.

¹⁴Am hynny y rhoddi anrhegion i Moresheth Gath: tai Achzib [a fyddant] yn gelwydd i freninoedd Israel.

¹⁵Dygaf etto orescynn-wr i ti presswylferch Maresa, daw hyd Adulam [yr hon yw] gogoniant Israel.

¹⁶Ymfoela, ac ymeillia am dy blant moethus: helaetha dy foelder fel eryr: canys caethgludir hwynt oddi wrthit.