Read William Morgan Bible 1588 original edition Michaes 2 Bible Online

Michaes 2 - William Morgan Bible 1588 original edition bible

Michaes 2

¹Bygwth ar y bobl am eu chwant, ai traha, ai diystyrwch ar y prophwydi. Gwae a ddychymygo anwiredd, ac a wnelo ddrygioni ar eu gwelau, pan oleuo y boreu-ddydd y gwnant hyn: am ei fod ar eu dwylo.

²Meusydd a chwennychant hefyd, a theiau a dreisiant, ac a ddygant: gorthrymmant hefyd ŵr ai dŷ, dŷn ai etifeddiaeth.

³Am hynny fel hyn y dywed yr Arglwydd, wele yn erbyn y teulu hwn y dychymmygais ddrwg, yr hwn ni thynnwch eich gyddfau o honaw, ac ni rodiwch yn falch: canys amser drygfyd fydd efe.

⁴Yn y dydd hwnnw y cyfyd [y bobl] ddammeg am danoch chwi, ac a ofidia ofid gofidus, gan ddywedyd: gan ddinistrio dinistriwyd ni, neidiwyd rhan fy mhobl, pa fodd y dug efe oddi arnaf? [ac] y rhannodd ein meusydd [y rhai oeddynt] im rhoddi trachefn [i ni?]

⁵Am hynny ni bydd i ti a fwrio reffyn coelbren yng-hynnulleidfa’r Arglwydd.

⁶Na phrophwydwch [meddant,] prophwydant: ond ni phrophwydant i’r rhai hyn, [ac] ni dderbynniant [gywilydd.]

⁷Oh yr hon a elwir tŷ Iacob, a fyrhaodd Yspryd yr Arglwydd? ai y rhai hynn [ynt] ei weithredoedd ef? oni bydd da fyng-eiriau i’r neb a rodio yn iniawn?

⁸[Y rhai oeddynt] fy mhobl maufi ddoe, a godasant yn y gwrthwyneb yn elyn, dioscant y dilledyn gwych oddi am y rhai a ânt heibio yn llonydd, [fel] rhai yn dychwelyd o ryfel.

⁹Gwragedd fy mhobl a fwriasoch allan o dŷ eu hyfrydwch, a dugasoch oddi ar eu plant fy harddwch bŷth.

¹⁰Codwch, ac ewch ymmaith, canys nid gorphywysfa yw [’r wlâd] hon: am halogedigaeth y dinistria hi [chwi,] a’r dinistr fydd cryf.

¹¹Os vn yn rhodio yn y gwynt, a’r celwydd a ddywed yn gelwyddoc, prophwydaf it a’m win, a diod gadarn: yna y caiff fod yn brophwyd i’r bobl hynn.

¹²Gan gasclu i’th gasclaf Iacob oll, gan gynnull cynnhullaf weddill Israel, gosodaf hwynt yng-hyd fel defaid Bozra, fel y praidd yng-hanol eu corlan: trystiant rhag [amled] dyn.

¹³Daw y rhwygudd i fynu oi blaen hwynt, rhwygant, trammwyant y porth, ac ânt allan trwyddo, a thrammwya eu brenin oi blaen: a’r Arglwydd yn eu pennau hwynt.