Read William Morgan Bible 1588 original edition Michaes 3 Bible Online

Michaes 3 - William Morgan Bible 1588 original edition bible

Michaes 3

¹Yn erbyn trais, chwant a hyder y swyddogion a’r prophwydi. Dywedais hefyd, gwrandewch attolwg pennaethiaid Iacob, a thywysogion tŷ Israel, onid i chwi [y perthyn] gŵybod barn?

²Casâu [y maent] ddaioni, a hoffi drygioni, gan flingo eu croen oddi am danynt, ai cig oddi wrth eu hescyrn.

³A chîg fy mhobl [yw]’r hyn a fwytânt, ai croen a flingant oddi am danynt, ai hescyrn a ddrylliant, ac a friwant megis i’r crochan, ac fel cîg yn y badell.

⁴ Yna y llefant ar yr Arglwydd, ac ni’s ettyb hwynt, efe a guddia ei wyneb oddi wrthynt y pryd hwnnw, am iddynt lygru eu gweithredoedd.

⁵Fel hyn y dywed yr Arglwydd am y prophwydi sydd yn cefeiliorni fy mhobl, y rhai gan frathu ai dannedd a lefant heddwch: a’r neb ni roddo yn eu pennau hwynt cyhoeddant ryfel yn ei erbyn.

⁶Am hynny [y bydd] nôs i chwi yn lle gweledigaeth, a thywyllwch ichwi yn lle prophwydoliaeth: yr haul hefyd a fachluda ar y prophwydi, a’r dydd a ddua arnynt.

⁷Yna y gweledyddion a gywilyddiant, a’r prophwydi a wradwyddir, a phawb o honynt a gaeant eu genau: am na [rydd] Duw atteb.

⁸Er hynny llawnwyd fi o rym gan Yspryd yr Arglwydd, ac o farn a nerth, i ddangos ei anwiredd i Iacob, ai bechodi i Israel.

⁹Gwrandewch hyn attolwg pennaethiaid tŷ Iacob, a thywysogion tŷ Israel: ffiaidd ganddynt farn, a gŵyro y maent bob iniondeb.

¹⁰Adeiladu Sion y maent â gwaed, ac Ierusalem ag anwiredd.

¹¹Ei phennaethiaid a roddant farn er gwobr, ai hoffeiriaid a ddyscant er cyflog, a’r prophwydi a brophwydant er arian: etto wrth yr Arglwydd yr ymgynhaliant, gan ddywedyd: onid yw’r Arglwydd i’n plith? ni ddaw drwg i’n herbyn.

¹²Am hynny o’ch achos chwi’r erddir Sion yn faes, ac Ierusalem a fydd yn garnedd, a mynydd y ty fel vchel leoedd y goedwic.