Read William Morgan Bible 1588 original edition Michaes 5 Bible Online

Michaes 5 - William Morgan Bible 1588 original edition bible

Michaes 5

¹Dinistr Ierusalem, a braint Bethlehem. Yr awr hon ymfyddina merch y fyddin, gosododd gynllwyn i’n herbyn: tarawant farn-wr Israel â gwialen ar [ei] lechwedd.

²A thithe Beth-lehem Ephrata, er [dy] fod yn fechan ym mhlith miloedd Iuda, o honot ti y daw allan i mi [vn] i fod yn llywydd yn Israel: ai fynediad ef allan [oedd] o’r dechreu, [ac] er dyddiau tragywyddoldeb.

³Am hynny y rhydd efe hwynt [i fynu] hyd amser ascor o’r hon a escord: yna gweddill ei frodyr ef a ddychwelant at feibion Israel.

⁴Ac efe a saif, ac a bortha â nerth yr Arglwydd, trwy ragoriaeth enw’r Arglwydd ei Dduw, ac hwynt a drigant: canys yr awr hon efe a fawrheuir hyd eithafoedd y ddaiar.

⁵A hwn fydd heddwch i ni pan ddel Assur i’n tîr ni, a phan sathro o fewn ein palasau: yna cyfodwn yn ei erbyn saith fugail, ac wyth o’r dynion pennaf.

⁶Yna y dinistriant dîr Assur a’r cleddyf, a thîr Nimrod o’r cleddyf noeth, ac efe a achub rhag Assur pan ddêl i’n tir, a phan sathro ar ein terfynau.

⁷A bydd gweddill Iacob ym mysc llawer o bobl fel y gwlith oddi wrth yr Arglwydd, megis defnynnau glaw ar y gwellt glâs, yr hwn ni ddisgwl ŵr, ac nid erys ar ddynion.

⁸A gweddill Iacob a fydd ym mysc y cenhedloedd yng-hanol pobl lawer, fel llew ym mysc bwyst-filod y goedwic, ac fel cenew-llew ym mhlith y preiddiau defaid: yr hwn pan el trwodd a sathr, ac a sclyfaetha, ac ni [bydd] achubudd.

⁹A’th law a dderchefir yn erbyn dy wrthwyneb-wŷr: a’th holl elynion a dorrir i lawr.

¹⁰A bydd y dwthwn hwnnw medd yr Arglwydd, i mi dorri ymmaith dy feirch, a dinistrio dy gerbydau.

¹¹Torraf hefyd i lawr ddinasoedd dy wlâd, a dymchwelaf dy holl gestyll.

¹²A thorraf ymmaith o’th law y swynion, ac ni bydd it ddewiniaid.

¹³Torraf hefyd i lawr dy luniau cerfiedic. a’th ddelwau o’th blîth: ac ni chei ymgrymmu mwyach i weithredoedd dy ddwylo dy hun.

¹⁴Diwreiddiaf dy blan-wŷdd o’th fysc hefyd: a dinistriaf dy ddinasoedd.

¹⁵Ac yn fy nig a’m llîd y gwnaf ar y cenhedloedd y fath ddialedd a’r na chlywsant.