Read William Morgan Bible 1588 original edition Michaes 7 Bible Online

Michaes 7 - William Morgan Bible 1588 original edition bible

Michaes 7

¹1 Anamled y rhai duwiol. 5 Prinned yw ffyddlondeb. 10 Cosp gelynion yr eglwys. 4 Ai llwyddiant hithe. Gwae fi canys ydwyf fel cascliadau ffrwythydd hâf, fel grawn-win y cynhaiaif gwîn, nid oes gangen o rawn iw bwytta, fy enaid a flysia,

²Darfu am y duwiol ar y ddaiar, ac nid oes vn iniawn ym mhlith dynion, cynllwyn y maent oll am waed, pob vn sydd yn erlid ei frawd [â] rhwyd.

³A wneuthur iawn am ddrygioni eu dwylo, y tywysog a ofyn, a’r barn-wr [sydd] er gwobr, a’r hwn sydd fawr [o honynt] dywed yntef lwgredigaeth ei feddwl, felly y plethant ef.

⁴Y goref o honynt [sydd] fel draenen, yr inionaf [yn waeth] nâ chae drain, dydd dy wilwyr [sef] dy ofwy sydd yn dyfod, bellach y bydd eu drysni hwynt.

⁵Na chredwch i’r cymmydog, nac ymddyriedwch i’r capten, cadw ddrws enau rhac o’r hon a orwedd vn dy fonwes.

⁶Canys mab a amharcha ei dâd, a’r ferch a gyfyd yn erbyn ei mam, a’r waudd yn erbyn ei chwegr: a gelynion gŵr [fydd] dynion ei dŷ.

⁷Onid mi a edrychaf ar yr Arglwydd, gobeithiaf ar Dduw fy iechydwriaeth: a’m Duw a’m gwrendu.

⁸Na lawenycha im herbyn fyng-elynes, pan syrthiwyf cyfodaf, pan eisteddwyf mewn tywyllwch, yr Arglwydd a lewyrcha imi.

⁹Dioddefaf ddîg yr Arglwydd, canys pechais iw erbyn: hyd oni farno fyng-hŵyn, a gwneuthur i mi farn, gan fy nwyn allan i’r goleuad, [yno] y gwelaf ei gyfiawnder.

¹⁰A’m gelynes a gaiff weled, a chywilydd ai gorchguddia hi yr hon a ddywed wrthif, mae’r Arglwydd dy Dduw: fy llygaid ai gwiliant hi bellach y bydd hi yn sathrfa megis tomm yr heolydd.

¹¹Y dydd yr adailedir dy furoedd, y dydd hwnnw yr ymbellha y ddeddf.

¹²Y dydd hwnnw y daw efe hyd attat o Assur, a’r dinasoedd cedyrn, ac o’r cadernid hyd y ffrŵd, ac o fôr i fôr, ac o fynydd i fynydd.

¹³A’r wlâd a fydd yn anrhaith o achos ei thrigolion, [ac] am ffrwyth eu gweithredoedd eu hun.

¹⁴Portha dy bobl a’th fagl, defaid dy etifeddiaeth y rhai ydynt yn trigo yn y goedwic yn vnic, porant yng-hanol Carmel, Basan, a Gilead, megis [yn] y dyddiau gynt.

¹⁵Dangosaf iddo ryfeddodau megis y dyddiau pan ddaethost allan o dîr yr Aipht.

¹⁶Y cenhedloedd, a welant, ac a gywilyddiant, gan eu holl gryfder hwynt, rhoddant eu llaw ar eu genau, eu clustiau a fyddarant.

¹⁷Llŷfant y llŵch fel sarph, fel pryfed y ddaiar y dychrynnant oi llochesau, arswydant rhac yr Arglwydd ein Duw ni, a thi a ofnant,

¹⁸Pa Dduw [sydd] fel tydi yn maddeu pechod, ac yn myned tros anwiredd gweddill ei etifeddiaeth? ni ddal efe ei ddig byth, canys ewyllysio trugaredd [y mae] efe.

¹⁹Efe a ddychel ac a drugarha wrthym, ac a ddarostwng ein anwiredd, ac a deifl ein holl bechodau i ddyfnderoedd y môr.

²⁰Ti a roddi dy wirionedd i Iacob, dy drugaredd [hefyd] i Abraham, yr hwn a dyngaist i’n tadau, er y dyddiau gynt. Terfyn llyfr Micheas.