Read William Morgan Bible 1588 original edition Nahum 1 Bible Online

Nahum 1 - William Morgan Bible 1588 original edition bible

Nahum 1

¹Dinistr Assyria, ac ymwared Israel. Baich Ninife, llyfr gweledigaeth Nahum yr Elcosiad.

²Duw [sydd] eiddigus, a’r Arglwydd sydd yn dial, ac yn berchen llid: dïalwr [yw]’r Arglwydd ar ei wrthwyneb-wŷr, a dal [dig] y mae efe iw elynion.

³Yr Arglwydd [sydd] hwyrfrydig i ddîg, a mawr ei rymm, ac ni ddieuoga[’r anedifeiriol,] yr Arglwydd [sydd] ai lwybr yn y corwynt, ac yn y rhyferthwy, a’r cwmwl [yw] llwch ei draed ef.

⁴Efe a gerydda y môr, ac ai sŷch; yr holl ffrydau a ddiespydda efe: llescaodd Basan, a Charmel, a llescaodd blodeun Libanus.

⁵Y mynyddoedd a grynant rhagddo, a’r brynnau a ymollyngant, a’r ddaiar a lysc rhag ei olwg, a’r byd hefyd a chwbl ac a drigant ynddo.

⁶Pwy a saif o flaen ei lid? a phwy a gyfyd yng-hynddaredd ei ddigofaint? ei lid a dywelltir fel tân, a’r creigiau a dynn efe i lawr.

⁷Daionus [yw]’r Arglwydd, yn noddfa yn erbyn blinder, ac a edwyn y rhai a ymddyriedant ynddo.

⁸A hedlif y gwnaiff efe drangc [ar] ei lle hi, a thywyllwch hefyd a erlid ei elynnion ef.

⁹Beth a ddychymmygwch yn erbyn yr Arglwydd? efe a wna drangc, ni chyfyd blinder ddwy-waith.

¹⁰Canys tra’r ymddyryso y drain, a thra meddwo y gwledd-wŷr, yssir hwynt fel sofl wedi llawn wywo.

¹¹O honot y daeth allan a ddychymmyga ddrwg yn erbyn yr Arglwydd, [sef] cynghorwr drygionus.

¹²Fel hyn y dywed yr Arglwydd, pe byddent heddychol, ac felly morr aml, etto torrir hwynt felly fel yr ele efe heibio: er dy flino ni’th flinaf mwyach.

¹³Ac yr awran torraf ei iaû ef oddi arnat, a datodaf dy rwymau.

¹⁴Yr Arglwydd hefyd a orchymynnodd o’th blegit na hauer o’th enw mwyach: torraf o dŷ dy dduw y gerfiedic a’r dawdd ddelw, gosodaf dy fedd [yno,] am it fyned yn wael.

¹⁵Wele ar y mynyddoedd draed yr efangylwr, cyhoeddwr heddwch: cadw di ô Iuda dy ŵyliau, tâl dy addunedau, nid aiff y drygionus trwot mwy, cwbl dorrwyd ef ymmaith.