Read William Morgan Bible 1588 original edition Nahum 2 Bible Online

Nahum 2 - William Morgan Bible 1588 original edition bible

Nahum 2

¹Gosodir ymma allan oruwchafiaeth y Caldeaid yn erbyn yr Assyriaid. Daeth y chwalwr i fynu o flaen dy wyneb, cadw y castell, edrych ar y ffordd, nertha dy lwyni, cadarnhâ dy nerth yn fawr.

²Canys dychwelodd yr Arglwydd ardderchawgrwydd Iacob, fel ardderchawgrwydd Israel: canys y diespydd-wŷr ai diespyddasant hwynt, ac a lygrasant eu canghennau.

³Tarian ei [fil-wŷr] dewrion a liwiwyd yn gôch, ei wŷr o ryfel a wiscwyd ag yscarlat; [ei] gerbydau [fyddant] yn fflamm dân y dydd y byddo ei arlwy, a’r ffynnidwŷdd a wenwynwyd.

⁴Y cerbydau a gynddeiriogant yn yr heolydd, ac a ymredant yn y priffyrdd, a [byddant] iw gweled fel fflammau, ac fel mellt y saethant.

⁵Efe a gofia ei [weision] gwychion, tramgwyddant wrth gerdded, prysurant at ei chaer hi, paratoiwyd y gorchudd.

⁶Pyrth y dwfr a agorwyd, a’r Deml a ymddatododd.

⁷Huzab a gaeth-gludwyd, a gwnaed iddi ddringo, ai morwynion yn ei hanfon, megis â llais colomennod yn curo ar eu dwyfronnau.

⁸A Ninife a fu er ys-dyddiau fel llynn o ddwfr: onid hwynt a ffoant, [dyweder wrthynt,] sefwch, sefwch, ac ni bydd a edrycho.

⁹Ysclyfaethwch arian, ysclyfaethwch aur, ac nid oes diwedd ar y da parod, [a’r] gogoniant o bob dodrefn dymunol.

¹⁰Gwâg, a gorwâg, ac anrhaithiedic yw hi, a’r galon yn toddi, a diffrwythdra gliniau, a llescedd ar bob lwyni, ai hwynebau oll a gasclant barddu.

¹¹Pa le [y mae] trigfa y llew? a’r borfa yr hon [sydd] i genawon y llew? lle y rhodia y llew ieuangc a’r hên? yno y trigodd y llew, ac nid [oedd] tarddudd.

¹²Y llew a ysclyfaethodd ddigon iw genawon, ac a dagodd ei lewesod, ac a lanwodd ag ysclyfaeth ei ffau, ai loches ag yspail.

¹³Wele fi attat medd Arglwydd y lluoedd, ac mi a loscaf ei cherbydau yn fŵg, a’r cleddyf a ddifa dy lewod ieuaingc: a thorraf ymaith o’r tîr dy ysclyfaeth, ac ni chlywir mwy lais dy genadau.