Read William Morgan Bible 1588 original edition Nahum 3 Bible Online

Nahum 3 - William Morgan Bible 1588 original edition bible

Nahum 3

¹Cwymp Ninife. Gwae ddinas y gwaed, celwydd ei gyd, a llawn o yspail [yw:] heb ymado â thrais.

²[Bydd] sŵn y ffrywyll, a sŵn cynnwrf olwyn, a’r march yn prangcio, a’r cerbyd yn neidio.

³Y marchog yn codi ei gleddyf fflamllyd, ai ddisclaer waiw-ffon, llawer yn glwyfus, a lluosogrwydd o gelanedd heb ddiwedd ar y cyrph, a thrippiant wrth eu cyrph hwynt.

⁴O herwydd aml butteindra y buttein dêg, meistres swynion [serch,] yr hon a werth genhedlaethau trwy ei phutteindra, a theuluoedd trwy ei swynion.

⁵Wele fi i’th erbyn medd Arglwydd y lluoedd, a datcuddiaf dy odrau hyd dy wyneb, a gwnaf i genhedloedd weled dy frynti, a theyrnasoedd dy warth.

⁶A thaflaf ffiaidd bethau arnat, gwradwyddaf di hefyd, a gosodaf di fel tomm.

⁷A bydd i bawb a’th welo ffoi oddi wrthit, a dywedyd, anrheithiwyd Ninife, pwy a dosturia wrthi? o ba le y ceisiaf ddiddanwr it?

⁸Ai gwell ydwyt nâ No dylwythoc, yr hon a drîg rhwng yr afonydd, ac a amgylchir â dyfroedd, i’r hon y mae y môr yn glawdd, ai magwyr o’r môr.

⁹Ethiopia oedd gadernid, a’r Aipht ac [eraill] heb ddiwedd: Put a Lubim oeddynt yn gynhorthwy i ti.

¹⁰Er hynny hi aeth yn gaeth-glud i garchar, ai phlant a ddrylliwyd wrth gelfi ym mhen pob heol; ac am ei phendefigion y bwriasant goel-brennau, ai holl bennaethiaid a rwymwyd mewn gefynnau.

¹¹Tithe hefyd a feddwi, byddi guddiedic, ceisi hefyd gadernid rhag y gelyn.

¹²Dy holl gestyll a fyddant fel ffigus-wŷd, yng-hyd ai blaen-ffrwyth, os syflir hwynt syrthiant yn safn y bwyttawr.

¹³Wele dy bobl yn wragedd yn dy blith, pyrth dy dîr a agorir i’th elynnion, tân a ysodd dy farrau.

¹⁴Tynn it ddwfr gwarche, cadarnhâ dy gestyll, dôs i’r domm, sathr y clai, cryfhâ dy odyn briddfaen.

¹⁵Yno y tân a’th ddifa, y cleddyf a’th dyrr i lawr, ysa efe dydi fel pryf y rhŵd, [er] it ymchwanegu fel pryf y rhŵd, [ac] ymchwanegu fel y celiog rhedyn.

¹⁶Amlheuaist dy farchnad-wŷr rhagor sêr y nefoedd: difwynodd pryf y rhŵd, ac ehedodd.

¹⁷Dy dywysogion [ydynt] fel y celiogod rhedyn, a’th lywodraeth-wŷr fel Locust y locustisid y rhai a heidiant yn y caeau ar amser oerfeloc: a phan godo yr haul ehedant ymmaith, ac ni adwaenir eu man lle y buant.

¹⁸Dy fugeiliaid brenin Assur a heppiant, a’th bendefigion a orweddant, gwascerir dy bobl ar y mynyddoedd, ac ni [bydd] cascludd.

¹⁹Ni thynnir dy wely yng-hyd, clwyfus yw dy archoll, pawb a glywo sôn am danat a gurant eu dwylaw arnat: o herwydd ar bwy nid aeth dy ddrygioni bob amser? Terfyn llyfr Nahum.