Read William Morgan Bible 1588 original edition Habacuc 1 Bible Online

Habacuc 1 - William Morgan Bible 1588 original edition bible

Habacuc 1

¹1 Pechod yr Iddewon. 5. Duw yn danfon y Caldeaid iw cospi hwynt. 11 Dialedd ar y Caldeaid am eu creulondeb hwynt. Y Baich yr hwn a welodd y prophwyd Habacuc.

²Pa hŷd Arglwydd y gwaeddaf, ac ni’s gwrandewi? y bloeddiaf arnat [rhag] trais, ac ni’s achubi?

³Pa ham y gwnei i’m weled coegni, ac y peri i’m edrych ar flinder? anrhaith, a thrais [ydynt] ar fyng-hyfer, ac y mae a gyfodd ddadl, ac ymryson,

⁴Am hynny y torrir cyfraith, ac nid aiff barn allan, am fod y drygionus yn amgylchu y cyfiawn: am hynny cam farn a aiff allan.

⁵Gwelwch ym mysc y cenhedloedd, ac edrychwch, aruthrwch, [a] rhyfeddwch, canys gweithredaf weithred yn eich dyddiau ni choeliwch er ei mynegu i chwi.

⁶Canys wele fi yn codi y Caldeaid, cenhedlaeth chwerw, a phrysur, yr hon a rodia ar hŷd llêd y tîr i etifeddu cyfanneddoedd ni [buant] eiddi hi.

⁷Y mae iw hofni, ac iw harswydo, o honi ei hun y daw allan ei barn, ai rhagoriaeth.

⁸Ai meirch fyddant fuanach na’r lleopardiaid: a llymmach fyddant nâ bleiddiau’r hŵyr, ei marchogion hefyd a amlhânt, ai marchogion a ddeuant o bell, ehedant fel eryr yn prysuro at fwyd.

⁹Hi oll a ddaw i dreisio: ar gyfer ei hwyneb y [bydd] gwynt y dwyrain, ac hi a gascl garcharorion fel y tywod.

¹⁰Ac hi a watwar frenhinoedd, a thywyssogion a fyddant watwargerdd iddi, hi a watwar yr holl gestyll, ac a gascl lŵch, ac ai gorescyn.

¹¹Yna y newidia hi yspryd, ac y trosedda [gan ddiolch am] ei grym ymma iw duw ei hun.

¹²Onid [wyt] ti er cynt ô Arglwydd fy Nuw, fy Sanctaidd [vn?] ni byddwn feirw ô Arglwydd, ti ai gosodaist hi er barn, ac aisylfaenaist ô Dduw er cospedigaeth.

¹³Ydwyt lanach dy lygaid nâ [gallu] gweled drwg, ac ni elli edrych ar anwiredd: pa ham yr edrychi ar yr anffyddloniaid, [ac] y tewi pan lyngco’r anwir [vn] cyfiawnach nag ef ei hun?

¹⁴Ac y gwnei ddynion fel pysc y môr, fel yr ymlusciaid heb lywydd iddynt?

¹⁵Cyfyd hwynt oll ai fâch, cascl hwynt yn ei rwyd, a chynnull hwynt yn er fagl am hynny efe a lawenycha ac a ymddigrifa.

¹⁶Am hynny ’r abertha efe iw rwyd; ac a lysc arogl-darth iw fagl: canys trwyddynt hwy y mae ei ran yn dew, ai fwyd yn frâs.

¹⁷A gaiff efe gan hynny danu ei rwyd? ac nad arbedo ladd cenhedlaethau bob amser?