Read William Morgan Bible 1588 original edition Habacuc 2 Bible Online

Habacuc 2 - William Morgan Bible 1588 original edition bible

Habacuc 2

¹Gweledigaeth yn erbyn balchder, Chwant meddwdod a gau-dduwiaeth. Safaf ar fy nisgwilfa, ac ymsefyllaf ar y castell, ac edrychaf i weled beth a ddywed efe wrthif, a pha beth a attebaf i’m cerydd-wr.

²A’r Arglwydd a attebodd, ac a ddywedodd scrifenna y weledigaeth, ac yspysa ar lechau, fel y rhedo yr hwn ai darlleno.

³Canys weledigaeth [sydd] etto tros amser gosodedic, ac a ddywed o’r diwedd, ac ni thwylla, os erys, disgwil am deni, canys gan ddyfod y daw [ac] nid oeda.

⁴Wele [yr hwn] a ymchwydda nid [yw] iniawn ei enaid ynddo, ond y cyfiawn a fydd byw trwy ei ffydd ei hun.

⁵A hefyd gan fod y gŵr balch yn pechu [ar] win, am hynny ni pheru, yr hwn a helaetha ei feddwl fel vffern, ac yntef fel angeu ni’s digonir: onid efe a gascl atto’r holl genhedlaethau, ac a gynnull atto’r holl bobloedd.

⁶Oni chodant hwythau oll yn ei erbyn ddihareb, a gair du iddo? a dywedyd, gwae a helaetho y peth nid [yw] eiddo ef: (pa hyd?) ac a lwytho arno y clai tew.

⁷Oni chyfyd yn ddisymmwth y rhai a’th frathant? ac oni ddeffru y rhai a’th chwalant? ac oni byddi yn wasarn iddynt?

⁸Am it yspeilio cenhedlaethau lawer, holl weddill y bobloedd a’th speilia dithe: am waed dynion, a thrais [ar] y tir, y ddinas, ac oll a drigant ynddi.

⁹Gwae a elwo elw drwg iw dŷ, i osod ei nyth yn vchel i ddiangc o law y drwg.

¹⁰Cymmeraist gyngor gwarthus i’th dŷ dy hun: wrth ddestruwio pobloedd lawer, a phechaist yn erbyn dy enaid.

¹¹O herwydd y garrec a lefa o’r mûr, a’r trawst a ettyb o’r [gwaith] coed.

¹²Gwae a adailado dref trwy waed, ac a ddarparo ddinas mewn anwiredd.

¹³Wele onid oddi wrth Arglwydd y lluoedd y daw i’r bobl ymflino mewn tân? ac i’r cenhedlaethau ymddeffygio mewn coegni.

¹⁴Canys y ddaiar a lenwir o ŵybodaeth gogoniant yr Arglwydd, fel y toa y dyfroedd y môr.

¹⁵Gwae a roddo ddiod iw gymydog gan gyd-osod dy gostrel, ai feddwi hefyd er cael gweled eu noethni.

¹⁶Digonwyd ti o warth, yn lle gogoniant, yf dithe hefyd, ac ymnoetha: ymchwelir cwppan deheulaw’r Arglwydd arnat ti, a chwdiad gwarth ar dy ogoniant di.

¹⁷Canys trais Libanus a’th anhudda, ac anrhaith yr anifeiliaid [yr hwn] ar dychryn hwynt: a achos gwaed dynion, a thrais y tîr, y dref ac oll a drigant ynddi.

¹⁸Pa lês a wnaiff delw gerfiedic? canys ei lluni-wr ai lluniodd yn ddelw, ac yn athro celwydd: o herwydd y lluni-wr a ymddyried yn ei waith ei hun, pan wneulo eulynnod mudion.

¹⁹Gwae a ddywedo wrth brenn, deffro, wrth garrec fud, cyfot, efe a rydd ddysc, wele gwiscwyd ef ag aur, ac arian: a dim anadl nid [oes] ynddo.

²⁰Ond yr Arglwydd [sydd] yn ei Deml sanctaidd: y ddaiar oll gosteg a di ger ei fron ef.