Read William Morgan Bible 1588 original edition Habacuc 3 Bible Online

Habacuc 3 - William Morgan Bible 1588 original edition bible

Habacuc 3

¹Gweddi Habacuc. Gweddi Habacuc y prophwyd dros anwybodaethau.

²Clywais ô Arglwydd dy air [ac] ofnais, ô Arglwydd bywha dy waith yng-hanol y blynyddoedd, par di ei ŵybod yng-hanol y blynyddoedd, yn [dy] gyffro coffa drugarhau.

³Duw sydd yn dyfod o Theman, a’r Sanctaidd o fynydd Paran, Selah . ei foliant a doa y nefoedd, a’r ddaiar a lanwyd oi fawl.

⁴Ai lewyrch oedd fel goleuni, [oedd] cyrn iddo oi law ei hun: ac yno [yr oedd] cuddiad ei gryfder.

⁵Aeth haint oi flaen ef, ac aeth marwor allan o flaen ei draed ef.

⁶Safodd a mesurodd y ddaiar, edrychodd, a datododd y cenhedloedd: mynyddoedd tragywyddol hefyd a ddrylliwyd, a brynnau oesol a grymmasant, llwybrau tragywyddol [ydynt] iddo.

⁷O herwydd anwiredd gwelais wersyllau Cusan crynod llennau tîr Midian.

⁸A sorrodd yr Arglwydd wrth yr afonydd? ai wrth yr afonydd [y mae] dy ddig? ai wrth y môr [y mae] dy ddigofaint gan it farchogeth ar dy feirch? dy gerbydau a ddugasant iechydwriaeth.

⁹Llwyr noethwyd dy fŵa, llwon y llwythau hefyd [oeddynt] wir, Selah .holldaist y ddaiar ag afonydd.

¹⁰Y mynyddoedd a’th welsant [ac] a grynasant, y llifeiriant dwfr a aeth heibio, y dyfnder a wnaeth dwrf: cyfododd [hefyd] ei ddwylo yn vchel.

¹¹Yr haul [a’r] lleuad a safodd yn eu presswylfa, wrth oleuad dy saethau yr aethant, [ac] wrth lewyrch disclairder dy waiw-ffyn.

¹²Yn dy lid y sethri y ddaiar, a dyrni y cenhedloedd yn dy ffromder.

¹³Aethost allan er iechydwriaeth dy bobl, er iechydwriaeth yng-hyd a’th eneiniog, torraist y pen oddi wrth dŷ’r anwir hyd y gwddf: gan ddinoethi y sylfaen. Selah .

¹⁴Gwanaist ben ei faes-drefydd ai ffynn ei hun, rhyferthwyasant i’m gwascarn, ymlawenhasant megis i fwytta y tlawd mewn dirgelwch.

¹⁵Rhodiaist a’th feirch ar y môr, [ar] dwrr o ddyfroedd lawer.

¹⁶Clywais, a’m bol a ddychrynodd, fyngwefusau a grynasant wrth y llef: daeth pydredd i’m hescyrn, ac yn fy lle y crynais, am fod yn llonydd ddydd trallod, pan dderchafo [y gelyn] at y bobl, yn lluoedd y difetha efe hwynt.

¹⁷Canys y ffigus-bren ni flodeua, ac ni [bydd] ffrwyth ar y gwin-wŷdd, gwaith yr oliwydd a balla, a’r meusydd ni roddant fwyd: torrir ymmaith y praidd o’r gorlan, ac ni [adewir] eidion yn eu beudai.

¹⁸Onid mi a lawenychaf yn yr Arglwydd, mi a fyddaf hyfryd yn-Nuw fy iechydwriaeth.

¹⁹Yr Arglwydd Dduw [yw] fy nerth, a’m traed a osododd efe fel [traed] ewigod: ac a wnaeth i’m rodio ar fy vchel leoedd. At y pencerdd ar y Neginoth. Terfyn prophwydoliaeth Habacuc.