Read William Morgan Bible 1588 original edition Sophonia 3 Bible Online

Sophonia 3 - William Morgan Bible 1588 original edition bible

Sophonia 3

¹1 Prophwydo y mae yn erbyn Ierusalem, ai swyddogion. 8 Galwedigaeth y cenhedloedd. 11 A chyssur i weddill Israel. Gwae’r fudr a’r halogedic ddinas orthrymmus,

²Ni wrandawodd ar y llef, ni dderbyniodd gosp, nid ymddyriedodd yn yr Arglwydd, ni nesaodd at ei Duw.

³Ei swyddogion oi mewn yn llewod rhuadwy, ei barn-wŷr yn fleiddiau yr hwyr ni adawant ascwrn erbyn y boreu.

⁴Ai phrophwydi [ydynt] yn yscafn, yn wŷr anffyddlon, ei hoffeiriaid a lygrasant y cyssegr, treisiasant y gyfraith.

⁵Yr Arglwydd cyfiawn yn ei chanol ni wnaiff anwiredd, yn foreu foreu y rhydd ei farn yn oleuni, ni phalla, onid yr anwir ni fedr gywilyddio.

⁶Drylliais y cenhedloedd eu tŷrau sydd anghyfannedd, diffeithiais eu heolydd, fel nad elo neb heibio, eu dinasoedd a ddifwynwyd heb ŵr nac heb drigiannol.

⁷Dywedais, ofna fi, derbyn gosp, felly ei thrigfa ni ddiwreiddir er yr hyn oll a ymwelais â hi: etto boreu godasant, [a] llygrasant eu holl weithredoedd.

⁸Am hynny disgwiliwch arnafi medd yr Arglwydd hyd y dydd y cyfodwyf i’r sclyfaeth, canys fy marn [sydd] ar gymmell y cenhedloedd, ar gasclu y teyrnasoedd i dywallt arnynt fy llid, holl angerdd fy nigofaint: canys â thân fy eiddigedd yr yssir yr holl ddaiar.

⁹O herwydd yna y troaf wefusau fy mhobl yn lân fel y galwo pôb vn o honynt ar enw’r Arglwydd iw wasanaethu ef ag vn yscwydd.

¹⁰O’r tu hwnt i afonydd Ethiopia y dŵg fyng-weddi wraig (merch fyng-wascaredic) fy offrwm.

¹¹Y dydd hwnnw ni’th wradwyddir am dy holl weithredoedd yn y rhai y pechaist i m herbyn, canys yna y symudaf o’th blith y neb sydd yn hyfryd ganddynt dy draha, ac ni chwanegi orfoleddu mwyach yn fy mynydd sanctaidd.

¹²Gadawaf ynot hefyd bobl druain dlodion, ac yn enw’r Arglwydd y gobeithiant.

¹³Gweddill Israel ni wnaiff anwiredd, ac ni ddywedant gelwydd, ac ni cheir yn eu geneuau dafod twyllodrus, canys hwynt a borthir, ac a orweddant, ac ni [bydd] tarfudd.

¹⁴Merch Sion cân, Israel crechwenna, merch Ierusalem ymlawenycha, a gorfoledda a’th holl galon.

¹⁵Symmudodd yr Arglwydd dy farn, bwriodd allan-dy elynnion: yr Arglwydd Brenin Israel [sydd] i’th blith, nac ofna ddrŵg mwyach.

¹⁶Y dydd hwnnw y dywedir wrth Ierusalem, nac ofna, [wrth] Sion, na ddiffrwythed dy ddwylo.

¹⁷Yr Arglwydd dy Dduw yn dy blith yn gadarn a achub, efe a gân it mewn llawenydd, efe a lonydda yn ei gariad, efe a ymddigrifa ynot dann ganu.

¹⁸Wedi amser terfynedic y casclaf o honot y rhai a fuant gystuddiedic, a’r rhai a ddugasant y gwradwydd trosti hi.

¹⁹Wele mi a ddifethaf yr amser hwnnw bawb a’th flinant, ac a achubaf y gloff, a chasclaf y wascaredic, ac ai gosodaf yn glodfawr, ac yn enwoc yn holl dîr eu gwarth.

²⁰Yr amser hwnnw’r arweiniaf chwi, a’r amser hwnnw i’ch casclaf chwi: canys rhoddaf chwi yn enwoc, ac yn glodfawr ym mysc holl bobl y bŷd, pan ddychwelwyf eich caethiwed ger eich bron, medd yr Arglwydd. Terfyn Prophwydoliaeth Sophonia.