Read William Morgan Bible 1588 original edition Aggeus 1 Bible Online

Aggeus 1 - William Morgan Bible 1588 original edition bible

Aggeus 1

¹Dannod y mae efe nad adailadasent Deml yr Arglwydd. Yn yr ail flwyddyn i’r brenin Darius yn y chweched mîs, ar y dydd cyntaf o’r mîs y daeth gair yr Arglwydd trwy law Aggeus y prophwyd at Zorobabel fab Salathiel tywysog Iuda: ac Iosua fab Iosedec yr arch-offeiriad gan ddywedyd,

²Fel hyn y llefarodd Arglwydd y lluoedd gan ddywedyd, y bobl hyn a ddywedant, ni ddaeth [yr] amser, [sef] pryd adeiladu tŷ’r Arglwydd.

³Yna y daeth gair yr Arglwydd trwy law Aggeus y prophwyd gan ddywedyd:

⁴Ai amser [yw] i chwi eich hunain drigo yn eich tai byrddiedic: a’r tŷ hwn yn anghyfannedd?

⁵Fel hyn gan hynny y dywed Arglwydd y lluoedd: yr awran ystyriwch eich ffyrdd.

⁶Hauasoch lawer, a chludasoch ychydig, bwyttasoch, ond nid hyd ddigon: yfasoch, ac nid hyd fod yn ddiwall: gwisgasoch [bôb vn] ac nid hyd glydwr iddo, a’r hwn a ymgyflogo sydd yn casclu cyflog i gôd dylloc.

⁷Fel hyn y dywed Arglwydd y lluoedd, ystyriwch eich ffyrdd.

⁸Derchefwch i’r mynydd, a dygwch goed, ac adeiledwch y tŷ, a mi a ymfodlonaf ynddo, ac i’m gogoneddir medd yr Arglwydd.

⁹Edrychasoch am lawer, ac wele yn ychydig, dygasoch adref, a chwythais arno: am ba beth medd Arglwydd y lluoedd? am y tŷ mau fi’r hwn sydd yn anghyfannedd, a chwithau yn rhedeg bawb i’w dŷ ei hun.

¹⁰Am hynny gwaharddwyd i’r nefoedd wlitho arnoch, a gwaharddwyd i’r ddaiar roddi ei ffrwyth.

¹¹Gelwais hefyd am sychder ar y ddaiar, ac ar y mynyddoedd, ac ar yr ŷd, ac ar y gwîn, ac ar yr olew, ac ar yr hyn a ddwg y ddaiar allan: ar ddŷn hefyd, ac ar anifail, ac ar holl lafur dwylo.

¹²Gwrandawodd Zorobabel mab Salathiel, ac Iosua mab Iosedec yr arch-offeiriad, a holl weddill y bobl, ar lais yr Arglwydd eu Duw, ac ar eiriau Aggeus y prophwyd, megis yr anfonodd eu Harglwydd Dduw hwynt ef: a’r bobl a ofnasant ger bron yr Arglwydd.

¹³Yna Aggeus cennad yr Arglwydd a ddywedodd oddi wrth yr Arglwydd, wrth y bobl, gan ddywedyd, [byddaf] fi gyd â chwi medd yr Arglwydd.

¹⁴Felly y cyffrôdd yr Arglwydd yspryd Zorobabel fab Salathiel tywysog Iuda, ac yspryd Iosua mab Iosedec yr arch-offeiriad, ac yspryd holl weddill y bobl, fel yr aethant, ac y gweithiasant y gwaith yn nhŷ Arglwydd y lluoedd eu Duw hwynt.