Read William Morgan Bible 1588 original edition Aggeus 2 Bible Online

Aggeus 2 - William Morgan Bible 1588 original edition bible

Aggeus 2

¹Aggeus sydd yn dangos y bydd mwy gogoniant yr ail Deml, na’r Deml gyntaf. Y pedwerydd dydd ar hugain o’r chweched mîs, yn yr ail flwyddyn i Dareius y brenin.

²Yn y seithfed [mîs] yr vnfed [dydd] ar hugain o’r mîs y daeth gair yr Arglwydd trwy law y prophwyd Aggeus, gan ddywedyd:

³Dywet yn awr wrth Zorobabel fab Salathiel tywysog Iuda, ac wrth Iosua fâb Iosedec yr arch-offeiriad, ac wrth weddill y bobl gan ddywedyd:

⁴Pwy yn eich plith a adawyd yr hwn a welodd y tŷ hwn yn ei ogoniant cyntaf? a pha fodd y gwelwch chwi ef yr awr hon? onid [yw] wrth hwnnw yn eich golwg, fel peth heb ddim?

⁵Ac yr awr hon cymmer gyssur Zorobabel medd yr Arglwydd, ac Iosua mab Iosedec yr arch-offeiriad, cymmer gyssur, a chymmered holl bobl y tîr gyssur, medd yr Arglwydd, a gweithiwch, canys yr [ydwyf] fi gyd â chwi, medd Arglwydd y lluoedd.

⁶Fy Yspryd a saif gyd â chwi [yn ôl] y gair yr hwn a ammodais â chwi, pan eich dygais allan o’r Aipht: nac ofnwch.

⁷Canys fel hyn y dywed Arglwydd y lluoedd, vnwaith etto (bychan [yw] hynny) a mi a escydwaf y nefoedd, a’r ddaiar, a’r môr, a’r [tîr] sych.

⁸Cynhyrfaf hefyd yr holl genhedloedd, a dymuniant y cenhedloedd a ddaw: llanwaf hefyd y tŷ hwn â gogoniant medd Arglwydd y lluoedd.

⁹Eiddo fi’r arian, ac eiddo fi’r aur, medd Arglwydd y lluoedd.

¹⁰Bydd mwy gogoniant y tŷ diwethaf hwn na’r cyntaf medd Arglwydd y lluoedd, ac yn y lle hwn y rhoddaf dangnheddyf, medd Arglwydd y lluoedd.

¹¹Ar y pedwerydd dydd ar hugain o’r nawfed [mîs] yn yr ail flwyddyn i Ddarius y daeth gair yr Arglwydd at Aggeus y prophwyd gan ddywedyd:

¹²Fel hyn y dywed Arglwydd y lluoedd, gofyn yr awr hon i’r offeiriaid y gyfraith gan ddywedyd:

¹³Os dwg vn gîg sanctaidd yng-hwrr ei wisc, ac ai gwrr â gyffwrdd a’r bara, neu a’r cawl, neu a’r gwîn, neu a’r olew, neu â dim o’r bwyd, a fydd sanctaidd [hynny?] a’r offeiriaid a attebasant, ac a ddywedasant, na [fydd.]

¹⁴Ac Aggeus a ddywedodd, os vn halogedic a gyffwrdd â dim o’r rhai hyn, a halogir efe? a’r offeiriaid a attebasasant, ac a ddywedasant, halogir.

¹⁵Yna’r attebodd Aggeus, ac a ddywedodd, felly hefyd y bobl hyn, felly y genhedlaeth hon, ger fy mron medd yr Arglwydd: ac felly holl weithredoedd eu dwylo, a’r hyn a aberthant yno sydd halogedic.

¹⁶Ac yr awr hon meddyliwch atolwg o’r diwrnod hwn [allan,] a chynt, cyn rhoddi carrec ar garrec yn Nheml yr Arglwydd:

¹⁷Cyn eu bôd hwynt, pan ddelid at dwrr o vgain [llestred] dêc fydde, pan ddelid at y gwin-wryf i dynnu dêc [llestred] a dau vgain o’r cafn, vgain a fydde yno.

¹⁸Tarewais chwi â diflanniad, ac â mall-der, ac â chenllysc yng-hyd ag oll weithredoedd eich dwylo, a chwithau ni [throesoch] attafi medd yr Arglwydd.

¹⁹Ystyriwch yr awr hon o’r dydd hwnnw, ac er cynt, o’r pedwerydd dydd ar hugain o’r nawfed [mis:] ac ystyriwch o’r dydd y sylfaenwyd Teml yr Arglwydd.

²⁰A yw’r hâd yn yr yscubor? y winwydden hefyd, y ffigusbren, a’r pomgranad, a’r pren oliwydd ni ffrwythasant etto: o’r dydd hwn allan y bendithiaf [chwi.]

²¹A gair yr Arglwydd a ddaeth ailwaith at Aggeus y pedwerydd [dydd] ar hugain o’r mîs gan ddywedyd?

²²Llefara wrth Zorobabel tywysog Iuda, gan ddywedyd: myfi a escydwaf y nefoedd, a’r ddaiar.

²³Ymchwelaf deyrn-gader teyrnasoedd, a dinistriaf gryfder brenhiniaethau y cenhedloedd, ymchwelaf hefyd y cerbyd ai lwyth, y meirch, ai marchogion a syrthiant bôb vn ar gleddyf ei gilydd.

²⁴Y diwrnod hwnnw i’th gymmeraf di fyng-wâs Zorobabel mab Salathiel, medd yr Arglwydd, ac i’th osodaf fel sêl, canys mi a’th ddewisais di, medd Arglwydd y lluoedd. Terfyn llyfr Prophwydoliaeth Aggeus.