Read William Morgan Bible 1588 original edition Zacharias 12 Bible Online

Zacharias 12 - William Morgan Bible 1588 original edition bible

Zacharias 12

¹Am ddinistr, ac ail adailadaeth Ierusalem. Baich gair yr Arglwydd i Israel, medd yr Arglwydd yr hwn sydd yn estyn allan y nefoedd, ac yn sylfaenu y ddaiar, ac yn ffurfio yspryd dŷn ynddo.

²Wele fi yn gosod Ierusalem yn phiol gwsc i’r bobloedd oll o amgylch: ac efe hefyd a fydd gyd ag Iuda wrth warche ar Ierusalem.

³A bydd y dwthwn hwnnw i’m osod Ierusalem yn faen trwm i’r holl bobloedd: pawb ai cyfodo yn ddiau a rwygir, er casclu atto holl genhedloedd y ddaiar.

⁴Y diwrnod hwnnw medd yr Arglwydd, y tarawaf bob march â syndra, ai farchog ag ynfydrwydd, ac agoraf fy llygaid ar dŷ Iuda, a tharawaf holl feirch y bobl â dallineb.

⁵A thywysogion Iuda a ddywedant yn eu calonnau, nerth i mi [fydd] presswylwŷr Ierusalem, trwy Arglwydd y lluoedd eu Duw hwynt.

⁶Y dydd hwnnw y gosodaf bennaethiaid Iuda fel marworyn tân yn y coed, ac fel pentewyn tân yn y gwellt, ac ysant ar y llaw ddeheu, ac ar yr aswy yr holl bobloedd: ac Ierusalem a erys rhac llaw yn ei lle ei hun yn Ierusalem.

⁷Yr Arglwydd a geidw bebyll Iuda [fel] yn y dechreu, megis nad ymfawrygo gogoniant tŷ Ddafydd, a gogoniant presswylwŷr Ierusalem ar Iuda.

⁸Y dydd hwnnw’r amddeffyn yr Arglwydd bresswylwŷr Ierusalem, a bydd y llescaf o honynt y dydd hwnnw fel Dafydd: a thŷ Ddafydd [fydd] fel [tŷ] Dduw, [ac] fel Angel yr Arglwydd oi blaen hwynt.

⁹Y dydd hwnnw bydd i’m geisio difetha’r holl genhedloedd y sy yn dyfod yn erbyn Ierusalem.

¹⁰A thywalltaf ar dŷ Ddafydd, ac ar bresswylwŷr Ierusalem yspryd rhâd, a thosturiaeth, ac edrychant arnaf yr hwn a wanasant, galarant hefyd am dano, fel vn yn galaru am [ei] vnigenedic, ac ymofidiant am dano ef, megis vn yn gofidio am [ei] gyn-fab.

¹¹Y dwthwn hwnnw y bydd galar mawr yn Ierusalem, megis galar Adadrimmon yn nyffryn Megidon.

¹²A’r wlâd a alara, pob teulu wrtho ei hun, ai gwragedd wrthynt eu hunain, teulu tŷ Dafydd wrtho ei hun, ai gwragedd wrthynt eu hunain; teulu tŷ Nathan wrtho ei hunan, ai gwragedd wrthynt eu hunain.

¹³Teulu tŷ Lefi wrtho ei hunan, ai gwragedd wrthynt eu hunain, teulu tŷ Semei wrtho ei hunan, ai gwragedd wrthynt eu hunain.

¹⁴Yr holl deuluoedd eraill, pob teulu wrtho ei hun: ai gwragedd wrthynt eu hunain.