Read William Morgan Bible 1588 original edition Zacharias 3 Bible Online

Zacharias 3 - William Morgan Bible 1588 original edition bible

Zacharias 3

¹Prophwydoliaeth am Grist. Ac efe a ddangosodd i mi Iosuah’r arch-offeiriad yn sefyll ger bron Angel yr Arglwydd, a Satan yn sefyll ar ei ddeheu-law ef iw wrthwynebu.

²A’r Arglwydd a ddywedodd wrth Satan, cerydded yr Arglwydd dy di Satan, a’r Arglwydd yr hwn a ddewisodd Ierusalem a’th geryddo: onid pentewyn [yw] hwn wedi ei achub o’r tân?

³Ac Iosuah ydoedd wedi ei wisco â dillad budron, ac yn sefyll yng-ŵydd yr Angel.

⁴Ac efe a attebodd, ac a ddywedodd wrth y rhai oeddynt yn sefyll ger ei fron, gan ddywedyd, bwriwch ymmaith y dillad budron oddi am dano ef: wrtho yntef y dywedodd, wele bwriais heibio dy anwiredd oddi wrthit, a gwiscaf di hefyd â newid ddillad.

⁵A dywedais hefyd, rhoddant meitr têg ar ei ben ef, a rhoddasant meitr têg ar ei ben ef, ac ai gwiscasant â dillad, ac Angel yr Arglwydd oedd yn sefyll [yno.]

⁶Ac Angel yr Arglwydd a destiolaethodd wrth Iosuah gan ddywedyd:

⁷Fel hyn y dywed Arglwydd y lluoedd, os rhodi di yn fy llwybrau, ac os cedwi fyng-hadwriaethau, tithe hefyd a ferni fy nhŷ, ac a gedwi fyng-hynteddoedd, rhoddaf it hefyd lê ym mysc y rhai hyn sydd yn sefyll [ymma.]

⁸Gwrando attolwg Iosuah’r arch-offeiriad, ti a’th gyfeillion sydd yn eistedd ger dy fron, canys gwŷr rhyfeddol yw y rhai hyn: o herwydd wele gwnaf i’m gwâs y blagurun ddyfod.

⁹Canys wele carrec a roddais ger bron Iosuah, ar vn garrec [y bydd] saith o lygaid, wele fi yn naddu ei naddiad hi, medd Arglwydd y lluoedd: a mi a symmudaf ymmaith anwiredd y tîr hwn mewn vn diwrnod.

¹⁰Y dwthwn hwnnw medd Arglwydd y lluoedd, y geilw vn ar ei gymmydog i ddyfod tan winwydden, a than ffigus-bren.