Read William Morgan Bible 1588 original edition Zacharias 4 Bible Online

Zacharias 4 - William Morgan Bible 1588 original edition bible

Zacharias 4

¹Gweledigaeth y canhwyll-bren aur ai deongliad. A’r Angel yr hwn oedd yn ymddiddan â mi a ddychwelodd, ac a’m deffrôdd fel y deffroir vn oi gwsc.

²Ac efe a ddywedodd wrthif, beth a weli? yna y dywedais: edrychais, ac wele ganhwyll-bren oll o aur, ai gaead ar ei ben, ai saith lusern arno, a saith o bibellau i’r lusernau y rhai oeddynt ar ei benn ef.

³A dwy oliwydden wrtho, y naill o’r tu dehau, a’r llall o’r tu asswy i’r caead:

⁴Ac mi a attebais, ac a ddywedais wrth yr Angel a oedd yn ymddiddan â mi, gan ddywedyd, beth [yw] y rhai hyn fy Arglwydd?

⁵A’r Angel yr hwn oedd yn ymddiddan â mi, a attebodd, ac a ddywedodd wrthif: oni wyddost beth [yw] y rhai ymma? yna y dywedais, na wn fy Arglwydd.

⁶Ac efe a attebodd, ac a ddywedodd wrthif, gan ddywedyd: hyn [yw] gair yr Arglwydd at Zorobabel gan ddywedyd: nid â llu, ac nid â nerth, ond a’m Hyspryd mau fi medd Arglwydd y lluoedd.

⁷Pwy [wyt] ti y mynydd mawr? ger bron Zorobabel [y byddi] yn wastad: ac efe a ddŵg allan y maen pennaf [gan] weiddi, rhâd, rhâd iddo.

⁸Daeth gair yr Arglwydd attaf trachefn gan ddywedyd:

⁹Dwylo Zorobabel a sylfaenasant y tŷ hwn, ai ddwylo ef ai gorphen, a chei ŵybod mai Arglwydd y lluoedd am hebryngodd attoch.

¹⁰Canys pwy a ddiystyrodd ddydd y [pethau] bychain? llawenychant pan welant y garrec alcam yn llaw Zorobabel, dymma saith lygaid yr Arglwydd, y rhai [ydynt] yn myned trwy’r holl dîr.

¹¹A mi a attebais, ac a ddywedais wrtho ef, beth [yw] y ddwy oliwydden hyn, ar y tu dehau i’r canhwyll-bren, ac ar ei asswy?

¹²Ac mi a attebais trachefn, ac a ddywedais wrtho ef, beth [yw] y ddau bingcin oliwydden, y rhai trwy y ddwy bibell aur sydd yn tywallt o honynt aur?

¹³Ac efe a lefarodd wrthif gan ddywedyd, oni ŵyddost pa beth [yw] y rhai hyn? a dywedais, [na wn] fy Arglwydd.

¹⁴Ac efe a ddywedodd, dymma y ddwy gaingc oliwydden y rhai ydynt yn sefyll ger bron Arglwydd yr holl dir.