Read William Morgan Bible 1588 original edition Zacharias 5 Bible Online

Zacharias 5 - William Morgan Bible 1588 original edition bible

Zacharias 5

¹Gweledigaeth y llyfr hedegoc, a’r mesur Epha, ai deongliad. Yna y troais, a chodais fy llygaid, ac edrychais, ac wele lyfr yn hedeg.

²A dywedodd wrthif, beth a weli di? a dywedais, mi a welaf lyfr yn hedeg, ai hŷd yn vgain cufydd, ai lêd yn ddêc cufydd.

³Ac efe a ddywedodd wrthif, dymma’r felldith yr hon sydd yn myned allan ar wyneb yr holl fŷd, canys pawb a ledratto o’r [bobl] hyn, a fernir wrth hwn: a phawb o’r [bobl] hyn a oferdyngant, a fernir wrth hwn.

⁴Dygaf hi allan medd Arglwydd y lluoedd, a hi a ddaw i dŷ y lleidr, ac i dŷ y neb a dyngo i’m henw, ac hi a erys yng-hanol ei dŷ, ac a dreulia ei goed, ai gerric.

⁵Yna yr angel yr hwn oedd yn ymddiddan â mi a aeth allan, ac a ddywedodd wrthif, cyfot yn awr dy lygaid, ac edrych beth [yw] hynn sydd yn myned allan.

⁶A mi a ddywedais, beth [yw] hynny? ac efe a ddywedodd, hwn yw’r Epha y sydd yn myned allan: ac efe a ddywedodd dymma eu gwelediad yn yr holl ddaiar.

⁷Ac wele dalent o blwm wedi ei godi i fyny, ac dymma wraig yn eistedd yng-hanol yr Epha.

⁸Ac efe a ddywedodd, anwiredd yw hon, ac efe ai taflodd hi i ganol yr Epha: a bwriodd y pwys plwm ar ei enau.

⁹A chyfodais fy llygaid, ac edrychais, ac wele ddwy wragedd yn dyfod allan, a gwynt yn eu hescill, (canys escill oedd ganddynt fel escill y Ciconia) a chyfodasant yr Epha rhwng y ddaiar a’r nefoedd.

¹⁰Yna y dywedais wrth yr Angel yr hwn a oedd yn ymddiddan â mi, i ba le’r aiff y rhai hyn a’r Epha?

¹¹Dywedodd yntef wrthif, i adeiladu iddi dŷ yng-wlad Sinnaar: a hi a ddarperir, ac a osodir yno ar ei stôl.