Read William Morgan Bible 1588 original edition Zacharias 7 Bible Online

Zacharias 7 - William Morgan Bible 1588 original edition bible

Zacharias 7

¹1 Am ympryd. 11. Bod cyndynrwydd y bobl yn peri eu cystudd hwynt. Y Bedwaredd flwyddyn i’r brenhin Darius, y daeth gair yr Arglwydd at Zacharias, y pedwerydd [dydd] o’r nawfed mîs [sef] o Cisleu.

²Ac anfonodd [y bobl] Sarasar, a Rogom-melec, ai wŷr i dŷ Dduw i weddio ger bron yr Arglwydd,

³Gan ddywedyd wrth yr offeiriaid y rhai [oeddynt] yn-nhŷ Arglwydd y lluoedd, ac wrth y prophwydi, gan ddywedyd: a wylaf fi y pummed mis, gan ymnaillduo, fel y gwneuthym weithian gymmaint o flynyddoedd?

⁴Yna gair Arglwydd y lluoedd a ddaeth attaf gan ddywedyd:

⁵Dywet wrth holl bobl y tîr, ac wrth yr offeiriaid, gan lefaru: pan oeddech yn ymprydio, ac yn galaru y pummed, a’r seithfed [mîs] y dêng mhlynedd a thrugain hyn, a ymprydiasoch chwi ympryd i mi?

⁶A phan fwytasoch, a phan yfasoch, onid oeddech yn bwytta [i chwi] eich hunain, ac yn yfed [i chwi] eich hunain?

⁷Oni [ddylech wrando] y geiriau a gyhoeddodd yr Arglwydd trwy law y prophwydi cyntaf, pan oedd Ierusalem yn gyfannedd, ac yn llwyddiannus, a’r dinasoedd oi hamgylch: a [phobl] yn cyfanneddu y deheu-dîr a’r dyffryn-dir?

⁸A daeth gair yr Arglwydd at Zacharias gan ddywedyd:

⁹Fel hyn y llefara Arglwydd y lluoedd, gan ddywedyd: bernwch farn gywir, gwnewch fwynder, a thrugaredd bob vn iw gilydd.

¹⁰Ac na orthrymmwch y weddw, a’r ymddifad, y dieithr, a’r anghenoc, ac na feddyliwch ddrwg bob vn iw gilydd yn eich calonnau.

¹¹Er hyn gwrthodasant wrando, a rhoddasant yscwydd anhydyn, a thrwmhasant eu clustiau rhac clywed.

¹²Gosodasant hefyd eu calonnau yn Adamant rhac clywed y gyfraith, a’r geiriau y rhai a anfonodd Arglwydd y lluoedd drwy ei yspryd yn llaw y prophwydi cyntaf: am hynny y bu digofaint mawr oddi wrth Arglwydd y lluoedd.

¹³A bu megis y galwodd efe, ac ni wrandawent: felly y galwent, ac ni’s gwrandawn medd Arglwydd y lluoedd.

¹⁴Onid chwalwn hwynt i blith yr holl genhedloedd, y rhai nid adwaenent, a’r tîr a anghyfaneddwyd ar eu hôl hwynt, fel nad oedd a ele heibio, nac a ddele yn ei ôl: felly y gosodasant y wlad ddymmunol yn ddiffaethwch.